LESOGNE 32
Fa Mitondra i Fanjakàn’Andrianagnaharey tie amy Izao!
Nanomboke nitondra an-dagnitse agne ty Fanjakàn’Andrianagnahare tamy 1914. Tamo o taogne iohoe avao ka ro nanomboke ty andro fara’e amo o fitondran’olombelogneo. Akore ty ahafantarantikagne izay? Hodinehentikagne ato ty faminania ty Baiboly naho ty raha niseho an-tane etoy vaho ty toetse o ndatio nanomboke tamy 1914.
1. Ino ty faminaniagne rehafe ty Baiboly?
Rehafe ty boke i Daniela tie hanomboke hinday i Fanjakàn’Andrianagnaharey naho fa mifaragne i ‘fe-potoagne fitoy.’ (Daniela 4:16, 17) Natao i Jesosy tihoe ‘fe-potoagne fa tinondro hoahy ty hafa firenena’ o fe-potoagne iohoe. Nirehake ka reke fa mbe tsy nifaragne o fe-potoagne iohoe tamy izay. (Lioka 21:24) Hotreantika ato fa nitapetse tamy ty taogne 1914 o fe-potoagne fito iohoe.
2. Ino ty raha niseho tan-tane etoy nanomboke tamy 1914 sady nanao akore ty toetse o ndatio?
Nagnontane i Jesosy i mpiana’e rey tie: “Inogne ty ho famantaragne ty fagnatreha’o naho ty fifaragna ty tontolo toy?” (Matio 24:3) Nirehafe i Jesosy fa maro ty raha hiseho an-tane etoy naho fa ho Mpanjaka i Fanjakàn’Andrianagnaharey reke. Agnisa izay retoa: Aly, keré naho horohoron-tane. (Vakio ty Matio 24:7.) Fa nirehafe ty Baiboly ka fa ho raty ty toetse o ndatio amy ty “andro fara’e” sady hisy “fotoan-tsarotse mahaore.” (2 Timoty 3:1-5) Maro ty raha raty niseho an-tane etoy sady vao mainke niharaty ty toetse o ndatio nanomboke tamy 1914.
3. Nagnino ro vao mainke niharaty ty tontolo toy naho fa nanomboke nitondra i Fanjakàn’Andrianagnaharey?
Nialy tamy i Satana naho o demonia’e reo ty Jesosy tafara kede ty naha Mpanjaka i Fanjakàn’Andrianagnaharey aze. Nirese ty Satana tamo o aly iohoe. Izao ty rehafe ty Baiboly: “Navokovoko an-tane etoy reke, le o anjeli’eo ka navokovoko reketse aze.” (Apokalypsy 12:9, 10, 12) Boseke vata’e ty Satana satria fanta’e tie tsy maintsy horinganegne reke. Izay ty anto’e mahavy o fijaleagne naho o haoreagne an-tane etoio mihamaro. Tsy mahagaga antika areke naho maro ty raha raty miseho amy izao! Ty Fanjakàn’Andrianagnahare raike avao ty hahavita hagnafoagne o haratiagneo.
ANDAO HANDINEKE TY PITSOPITSO’E
Hodinehentika ato tie ino ty porofo magnamaregne fa nanomboke nitondra i Fanjakagney tamy 1914, le toko’e handrisike antika hanao ino zay.
4. Trea boake amy ty faminania ty Baiboly fa nanomboke nitondra i Fanjakagney tamy 1914
Nampagninofisen’Andrianagnahare miomba ty raha hiseho amy ty hoavy ty Nebokadnezara Mpanjaka. Nihazavae i Daniela fa ho tanterake amy ty fitondra i Nebokadnezara naho amy ty Fanjakàn’Andrianagnahare o nofy iohoe.—Vakio ty Daniela 4:17. a
Vakio ty Daniela 4:20-26, sady ampiasao i tabilò oy, le valeo retoa:
-
(A) Nahatrea inogne ty Nebokadnezara tamy i nofi’ey?—Henteo ty andine’e 20 naho 21.
-
(B) Natao akore i hatae beỳ?—Henteo ty andine’e 23.
-
(D) Ino ty raha niseho naho fa nitapetse i ‘fe-potoagne fitoy’?—Henteo ty andine’e 26.
Ino ty ifandrambesa i nofy i Nebokadnezaray amy i Fanjakàn’Andrianagnaharey?
FAMINANIAGNE (Daniela 4:20-36)
Fitondragne
(A) Hatae bey raike
Nijanogne heike i fitondragney
(B) “Tapaho o hatae iohoe”, le engao eo amparake ty itampera i “fe-potoagne fitoy”
Niheregne i fitondragney
(D) “Haheregne ama’o indraike i fanjakà’oy”
Naho fa nitanterake voaloha’e i faminaniagney, ...
-
(E) manondro an’ia i hatae beỳ? —Henteo ty andine’e 22.
-
(F) ombia ro nijanogne heike i fitondra’ey? —Vakio ty Daniela 4:29-33.
-
(G) nanao akore ty Nebokadnezara naho fa nitapetse i “fe-potoagne fitoy”? —Vakio ty Daniela 4:34-36.
FAHATANTERAHA’E VOALOHA’E
Fitondragne
(E) I Nebokadnezara, Mpanjaka i Babilona
Nijanogne heike i fitondragney
(F) Tafara ty taogne 606 T.K., le tsy afake nitondra tagnate ty fito taogne ty Nebokadnezara satria nanjare minegne
Niheregne i fitondragney
(G) Niaregne i hagegea i Nebokadnezaray, le niheregne nitondra indraike reke
Naho fa nitanterake fagnindroe’e i faminaniagney, ...
-
(H) manondro an’ia i hatae beỳ? —Vakio ty 1 Tantara 29:23.
-
(I) ombia ro nijanogne heike i fitondra iareoy? Akore ty ahafantarantikagne fa mbe tsy niheregne i fitondragney tamy i Jesosy tan-tane etoỳ? —Vakio ty Lioka 21:24.
-
(J) taia sady ombia ty niheregna o fitondragne iohoe?
FAHATANTERAHA’E FAHAROE
Fitondragne
(H) Mpanjaka Israelita nisolo-tegna ty fitondran’Andrianagnahare
Nijanogne heike i fitondragney
(I) Rava ty Jerosalema, le tsy nisy mpanjaka Israelita sasa tagnate ty 2520 taogne
Niheregne i fitondragney
(J) Nanjare Mpanjaka i Fanjakàn’Andrianagnahare an-dagnitse agney ty Jesosy
Fire taogne i fe-potoagne fitoy?
Magnampe antika hahatakatse ty andinin-teny ila’e, ty andine’e hafa agnate Baiboly ao. Rehafe ty boke Apokalypsy ohatse tie, 1260 andro ty fe-potoagne telo naho tapa’e. (Apokalypsy 12:6, 14) Miheregne indroe izay areke i fe-potoagne fitoy, le magnomey 2520 andro. Misy fotoagne ka tao’e raike ty tea ty Baiboly horehafegne amy tihoe andro raike. (Ezekiela 4:6) Maharetse 2520 taogne areke i fe-potoagne fito rehafegne amy ty boke i Daniela aoy.
5. Niova bey ty tontolo toy nanomboke tamy 1914
Fa nirehafe i Jesosy mialoha ty raha hiseho an-tane etoy naho fa Mpanjaka reke. Vakio ty Lioka 21:9-11, sady iharò midineke ty fagnonteneagne toy:
-
Ty aia amy ireo ty trea’o fa miseho amy izao ndra fa nirei’o?
Fa nirehafe i apostoly Paoly ka ty ho toetse o ndatio amy ty andro fara’e amo o fitondran’olombelogneo. Vakio ty 2 Timoty 3:1-5, sady iharò midineke ty fagnonteneagne toy:
-
Ty aia amo o toetse reo ty trea’o fa misy amy izao?
6. Mandrisike azo hanao ino ty fahafantara’o tie fa mitondra i Fanjakàn’Andrianagnaharey?
Vakio ty Matio 24:3, 14, sady iharò midineke ty fagnonteneagne retoa:
-
Ino ty asa lahibey mampiseho tie fa mitondra ty Fanjakàn’Andrianagnahare?
-
Ino ty toko’e hatao’o naho te handrambe anjara amo o asa iohoe rehe?
Fa mitondra ty Fanjakàn’Andrianagnahare sady kede sisa le hinday ty tane toy iaby. Vakio ty Hebreo 10:24, 25, sady iharò midineke ty fagnonteneagne toy:
-
Mandrisike antika hanao ino ty fahafantaragne tie fa ‘mihamarine i androy’?
Inogne ty hatao’o naho misy raha fanta’o tie hagnampe naho hagnavotse ty ndaty hafa?
VA’E HISY TY HAGNONTANE TIE: “Nagnino nareo Vavolombelo i Jehovah-o ro mirehake tie miambake ty taogne 1914?”
-
Akore ty havale’o izay?
FAMINTIGNAGNE
Ty faminania ty Baiboly naho ty raha raty miseho an-tane etoy ro magnaporofo tie fa mitondra i Fanjakàn’Andrianagnaharey. Atorontika tie mino izay tika naho mitory ty miomba aze sady magnatreke fivoriagne.
Fameregnagne
-
Inogne ty raha niseho naho fa nitapetse i fe-potoagne fito nirehafe ty boke i Danielay?
-
Nagnino rehe ro rese lahatse fa tamy 1914 i Fanjakàn’Andrianagnaharey ro nanomboke nitondra?
-
Akore ty hampisehoa’o tie mino rehe fa minday i Fanjakàn’Andrianagnaharey tie amy izao?
FAGNAZAVAGNE FAGNAMPE’E
Maro ty fiovagne niseho an-tane etoy nanomboke tamy 1914. Ino ty rehafe o mpahay tantarao naho ty ndaty hafa miomba izay?
“Ombiagne o Haratiagneo ro Nanomboke Nihamaro?” (Mifohaza! Avrily 2007)
Nagnino ro nisy voka’e tamy ty fiaigna ty lahilahy raike toy ty faminaniagne rehafe ty Matio 24:14?
“Tea Nihisa Base-ball Raho!” (Fitalakesan-davitse Nim. 3 2017)
Akore ty ahafantarantika fa i Fanjakàn’Andrianagnaharey ty rehafe i faminaniagne amy Daniela toko 4 aoy?
Ino ty magnamaregne fa nifaragne tamy 1914 i “fe-potoagne fito” rehafegne amy Daniela toko 4 aoy?
a Vakio ty lahatsoratse roe fara’e amy i “Fagnazavagne Fagnampe’e” amy ty lesogne toỳ.
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
