దేవుని రాజ్యం 1914 నుండి పరలోకంలో పరిపాలించడం మొదలుపెట్టింది. అప్పటినుండే, మనుషుల పరిపాలనకు చివరి రోజులు మొదలయ్యాయి. అలాగని ఎందుకు చెప్పవచ్చు? బైబిలు ముందే ఏం చెప్పిందో, 1914 నుండి పరిస్థితుల్లో, ప్రజల్లో ఎలాంటి మార్పులు వచ్చాయో తెలుసుకోండి.

1. బైబిలు ముందే ఏం చెప్పింది?

దేవుని రాజ్యం ఎప్పుడు పరిపాలించడం మొదలుపెడుతుందో బైబిల్లోని దానియేలు పుస్తకం చెప్పింది. “ఏడు కాలాలు” పూర్తయిన తర్వాత ఆ పరిపాలన మొదలౌతుంది. (దానియేలు 4:16, 17) వందల సంవత్సరాల తర్వాత, యేసు ఆ ఏడు కాలాల్నే “అన్యజనులకు నిర్ణయించిన కాలాలు” అని అన్నాడు. ఆ కాలాలు అప్పటికింకా పూర్తికాలేదని కూడా ఆయన చెప్పాడు. (లూకా 21:24) ఆ ఏడు కాలాలు 1914లో పూర్తయ్యాయి అని మనం ఇప్పుడు తెలుసుకుంటాం.

2. లోకంలో 1914 నుండి ఎలాంటి పరిస్థితుల్ని, ప్రజల్ని చూస్తున్నాం?

యేసు శిష్యులు ఆయన్ని ఇలా అడిగారు: “నీ ప్రత్యక్షతకు, ఈ వ్యవస్థ ముగింపుకు సూచన ఏమిటి?” (మత్తయి 24:3) దానికి జవాబుగా, పరలోకంలో తాను దేవుని రాజ్యానికి రాజుగా పరిపాలించడం మొదలుపెట్టాక జరగబోయే చాలా విషయాల గురించి యేసు చెప్పాడు. వాటిలో కొన్ని ఏంటంటే యుద్ధాలు, ఆహారకొరతలు, భూకంపాలు. (మత్తయి 24:7 చదవండి.) “చివరి రోజుల్లో” ప్రజలు దారుణంగా తయారౌతారని, దానివల్ల జీవితం ‘కష్టంగా’ ఉంటుందని కూడా బైబిలు ముందే చెప్పింది. (2 తిమోతి 3:1-5) ఇలాంటి పరిస్థితుల్ని, ప్రజల్ని ముఖ్యంగా 1914 నుండి చూస్తున్నాం.

3. దేవుని రాజ్య పరిపాలన మొదలైనప్పటి నుండి లోకం ఎందుకు ఇంత దారుణంగా తయారైంది?

దేవుని రాజ్యానికి రాజైన వెంటనే యేసు పరలోకంలో సాతానుతో, చెడ్డదూతలతో యుద్ధం చేశాడు. ఆ యుద్ధంలో సాతాను ఓడిపోయాడు. “అతను భూమ్మీద పడేయబడ్డాడు, అతని దూతలు కూడా అతనితోపాటు పడేయబడ్డారు” అని బైబిలు చెప్తుంది. (ప్రకటన 12:9, 10, 12) తన నాశనం దగ్గరపడిందని తెలిసి సాతాను చాలా కోపంతో ఉన్నాడు. అందుకే ఈ భూమ్మీద ఉన్న వాళ్లందరికీ బాధల్ని, కష్టాల్ని తెస్తున్నాడు. లోకం ఇంత దారుణంగా తయారవ్వడానికి కారణం అదే! అయితే, దేవుని రాజ్యం త్వరలోనే ఈ సమస్యలన్నీ తీసేస్తుంది.

 ఎక్కువ తెలుసుకోండి

4. దేవుని రాజ్య పరిపాలన 1914 లో మొదలైందని బైబిలు ప్రవచనం చూపిస్తుంది

ఆ ప్రవచనం మొదటి నెరవేర్పు . . .

• (4) చెట్టు ఎవరికి గుర్తుగా ఉంది?—22వ వచనం చూడండి.

• (5) అతని పరిపాలన ఎప్పుడు ఆగిపోయింది?—దానియేలు 4:29-33 చదవండి.

• (6) “ఏడు కాలాలు” పూర్తయ్యాక నెబుకద్నెజరుకు ఏమైంది?—దానియేలు 4:34-36 చదవండి.

ఆ ప్రవచనం రెండో నెరవేర్పు . . .

• (7) చెట్టు ఎవరికి గుర్తుగా ఉంది?—1 దినవృత్తాంతాలు 29:23 చదవండి.

• (8) వాళ్ల పరిపాలన ఎప్పుడు ఆగిపోయింది? యేసు భూమ్మీద ఉన్నప్పుడు కూడా ఆ పరిపాలన ఆగిపోయే ఉందని మనకెలా తెలుసు?—లూకా 21:24 చదవండి.

• (9) ఆ పరిపాలన మళ్లీ ఎప్పుడు, ఎక్కడ మొదలైంది?

 6. దేవుని రాజ్యం ఇప్పుడు పరిపాలిస్తోందని మీరు నమ్ముతున్నట్లు చూపించండి

మత్తయి 24:3, 14 చదవండి, తర్వాత ఈ ప్రశ్నల్ని చర్చించండి:

• దేవుని రాజ్యం ఇప్పుడు పరిపాలిస్తోందని నేడు జరుగుతున్న ఏ ముఖ్యమైన పని చూపిస్తుంది?

• మీరు ఆ పనిలో పాల్గొనడానికి ఏం చేయవచ్చు?

దేవుని రాజ్యం ఇప్పుడు పరిపాలిస్తోంది, అది భూమి మొత్తాన్ని పరిపాలించే రోజు దగ్గర్లోనే ఉంది. హెబ్రీయులు 10:24, 25 చదవండి, తర్వాత ఈ ప్రశ్నను చర్చించండి:

• “ఆ రోజు దగ్గరపడే కొద్దీ” మనలో ప్రతీ ఒక్కరం ఏం చేయాలి?

 ఒక్కమాటలో

బైబిలు ప్రవచనం, అలాగే లోకంలోని పరిస్థితులు దేవుని రాజ్యం ఇప్పుడు పరిపాలిస్తోందని రుజువు చేస్తున్నాయి. మనం దాన్ని నమ్ముతున్నామని దేవుని రాజ్యం గురించి ప్రకటించడం ద్వారా, మీటింగ్స్‌కి వెళ్లడం ద్వారా చూపిస్తాం.

మీరేం నేర్చుకున్నారు?

• బైబిల్లోని దానియేలు పుస్తకం ముందే చెప్పినట్టు, ఏడు కాలాలు పూర్తయ్యాక ఏం జరిగింది?

• దేవుని రాజ్యం 1914 లో పరిపాలించడం మొదలుపెట్టిందని మీరు ఎందుకు నమ్ముతున్నారు?

• దేవుని రాజ్యం ఇప్పుడు పరిపాలిస్తోందని మీరు నమ్ముతున్నట్లు ఎలా చూపించవచ్చు?