CHIIYO 32
Bwaami bwaLeza Bulikweendelezya!
Bwaami bwaLeza bwakasaanguna kweendelezya kujulu mu1914. Mpimpawo aakasaangunina mazuba aakumamanino. Tuzizi biyeni? Bona zyakaambwa aBbayibbele azintu zyakachitika kuzwa mu1914.
1. Bupolofita buli muBbayibbele butondeezyaanzi?
Bbuku lyaDaniyele lyakaamba kuti Bwaami bwaLeza bwakali kuyoosaanguna kweendelezya kumamanino ‘aziindi zili ciloba.’ (Daniele 4:16, 17) Jesu wakaamba chiindi eecho kuti nchiindi “cibikkidwe camasi” alubo wakayiisya kuti chiindi eecho teechakalinamana pe. (Luka 21:24) Mbuli mbututabone, zyiindi zili 7 zyakamana mu1914.
2. Munyika mulikuchitika zintu zilibiyeni kuzwa mu1914?
Basikwiiya baJesu bakamubuzya kuti: “Ncinzi ciyooba citondezyo cakubako kwako acamamanino aabweende bwazintu?” (Matayo 24:3) Jesu wakaamba kuti kwakali kuyoochitika zintu zyiingi chiindi naakali kuyoosaanguna kweendelezya kali Mwaami waBwaami bwaLeza. Zintu eezi ziswaanizya nkondo, nzala amizuzumo yanyika. (Bala Matayo 24:7.) Alubo Bbayibbele lyakatondeezya kuti “kumazuba aamamanino” bantu bakali kuyoopa kuti kube “ziindi zikatazya ncobeni.” (2 Timoteyo 3:1-5) Zintu eezi zyakasaanguna kuboneka loko mu1914.
3. Nkamboonzi zintu nizyayindilila kubija kuzwa Bwaami bwaLeza nibwakasaanguna kweendelezya?
Jesu naakaba Mwaami waBwaami bwaLeza, wakalwana aSaatani amadimoni aakwe kujulu. Saatani wakazundwa. Bbayibbele lyaamba kuti Saatani “wakawaalwa ansi, anyika, abalo bangelo bakwe bakawaalwa ansi antoomwe anguwe.” (Ciyubunuzyo 12:9, 12) Saatani ulinyemede nkaambo ulizi kuti uzoonyonyoonwa. Eezi zilikupa kuti ape kuti munyika yoonse mube mapenzi. Zintu zilikwiindilila kubija akaambo kaSaatani. Bwaami bwaLeza buyoowagwisya mapenzi woonse.
YIYA ZYIINGI
Bona kuti nkamboonzi nitwaamba kuti Bwaami bwaLeza bwakasaanguna kweendelezya mu1914 akuti niinzi nzitweelede kuchita.
4. Bbayibbele mbulitusisya mu1914
Leza wakapa kuti Mwaami Nebbukkadinezara alote zintu zyakali kuzoochitika. Nzyaakapandulula Daniyele atala azyakalotwa aaNebbukkadinezara zyakali kutondeezya kuti chiloto eechi chakali atala abwaami bwaNebbukkadinezara aBwaami bwaLeza.—Bala Daniele 4:17. *
Bala Daniele 4:20-26, mpawo ubelesye chaati kuti usandule mibuzyo iitobela:
-
(A) Nebbukkadinezara wakalotaanzi?—Langa 20 a 21.
-
(B) Niinzi chakali kuyoochitika kumusamu ngwaakabona?—Langa vesi 23.
-
(C) Niinzi chakali kuyoochitika kumamanino ‘aziindi zili ciloba’?—Langa vesi 26.
Musamu Ngwaakalota Weendelana Biyeni aBwaami bwaLeza?
BUPOLOFITA (Daniele 4:20-36)
Bweendelezi
(A) Musamu mulamfu
Bweendelezi bwapambanisigwa
(B) “Amucigonke cisamu eeco” kusikila “kwiinde ziindi zili ciloba”
Bweendelezi bwabweedezegwa
(C) “Bwami bwako buyoopilusyigwa kulinduwe”
Kuzuzikizigwa kwakusaanguna . . .
-
(D) Ngwani wakali kwiimininwa amusamu?—Langa vesi 22.
-
(E) Bweendelezi bwakwe bwakapambanisigwa biyeni?—Bala Daniele 4:29-33.
-
(F) Niinzi chakachitika kuli Nebbukkadinezara kumamanino ‘aziindi zili ciloba’?—Bala Daniele 4:34-36.
KUZUZIKIZIGWA KWAKUSAANGUNA
Bweendelezi
(D) Nebbukkadinezara Mwaami wakuBbabbiloni
Bweendelezi bwapambanisigwa
(E) Nikwakayinda munyaka wa606 B.C.E Nebbukkadinezara taakachili mwaami pe alubo taakachili kweendelezya pe kwaminyaka iili 7
Bweendelezi bwabweedezegwa
(F) Nebbukkadinezara waba mwaami lubo mpawo wasaanguna kweendelezya
Kuzuzikizigwa kwachibili . . .
-
(G) Ngwani wakali kwiimininwa amusamu?—Bala 1 Makani 29:23.
-
(H) Bweendelezi bwabo bwakapambanisigwa biyeni? Tuzizi biyeni kuti teebakali kweendelezya pe nikuba Jesu naakali aanyika?—Bala Luka 21:24.
-
(I) Bwaami oobu bwakazoosanguna lili kweendelezya alubo kuli?
KUZUZIKIZIGWA KWACHIBILI
Bweendelezi
(G) Baami bachiIsrayeli bakalikwiiminina bweendelezi bwaLeza
Bweendelezi bwapambanisigwa
(H) Jerusalemu yanyonyoonwa, eezi zyakapa kuti muIsrayeli mubulike baami kwaminyaka iili 2 520
Bweendelezi bwabweedezegwa
(I) Jesu wasaanguna kweendelezya kujulu kali Mwaami waBwaami bwaLeza
Ziindi zili 7, chiindi chilamfu biyeni?
Amwi mavesi aamuBbayibbele atugwasya kumvwisisisya aamwi mavesi. Muchikozyano, bbuku lyaCiyubunuzyo lyaamba kuti ziindi zitatu ahafu zileelene amazuba aali 1 260. (Ciyubunuzyo 12:6, 14) Kuti ziindi zitatu ahafu twaziindulula tubili, zitupa ziindi zili 7 naakuti mazuba aali 2 520. Chimwi chiindi muBbayibbele, bbala lyakuti buzuba lyiiminina munyaka. (Ezekieli 4:6) Eezi zileendelana azilembedwe mubbuku lyaDaniyele, zyiindi zili 7 zyiiminina minyaka iili 2 520.
5. Kuzwa mu1914, nyika yakachincha
Jesu wakaamba zintu zyakali kuyoochitika munyika naakali kuyoosaanguna kweendelezya. Bala Luka 21:9-11, mpawo musandule mubuzyo uutobela:
-
Nziizili zintu nzwaakabona naakuti nzwaakamvwa?
Mwaapostolo Pawulu wakaamba mbubakali kuyooba bantu kumazuba aakumamanino. Bala 2 Timoteyo 3:1-5, mpawo musandule mubuzyo uutobela:
-
Mpubali na bantu bali boobu mazubaano?
6. Kuziba kuti Bwaami bwaLeza bulikweendelezya kweelede kupa kuti ubweze ntaamu
Bala Matayo 24:3, 14, mpawo musandule mibuzyo iitobela:
-
Nguuli mulimu uuyandikana uutondeezya kuti Bwaami bwaLeza bulikweendelezya?
-
Niinzi nzweelede kuchita kuti utole lubazu mumulimu ooyu?
Bwaami bwaLeza bulikweendelezya alubo lino-lino buzooyendelezya nyika yoonse. Bala Bahebrayo 10:24, 25, mpawo musandule mubuzyo uutobela:
-
Niinzi nzitweelede kuchita mbukunga “buzuba bwaswena afwaafwi”?
Niinzi nzweelede kuchita kuti waziba atala achintu chikonzya kufutula bamwi?
UMWI ULAKONZYA KUBUZYA KUTI: “Nkamboonzi Bakamboni baJehova nibabona munyaka wa1914 kuuyandikana?”
-
Kujana wamusandula biyeni?
CHIFWIINSYO
Zintu zilembedwe muBbayibbele azintu zilikuchitika munyika zitondeezya kuti Bwaami bwaLeza bulikweendelezya. Tutondeezya kuti tulasyoma kuti Bwaami bwaLeza bulikweendelezya kwiinda mukukambawuka akunjila miswaangano.
Mibuzyo Yakwiindulula
-
Niinzi chakachitika kumamanino aaziindi zili 7 zyaambidwe mubbuku lyaDaniyele?
-
Niinzi chipa kuti usyome kuti Bwaami bwaLeza bwakasaanguna kweendelezya mu1914?
-
Nga ulatondeezya biyeni kuti ulasyoma kuti Bwaami bwaLeza bulikweendelezya lino?
YANDUULISISYA
Bona nzibakaamba basikulanga-langa makani aachiindi abamwi atala akuchincha kwakachitika kuzwa mu1914.
“Chiindi Bantu Nibakatalika Kutalijata” (Amubuke!, April 2007)
Bona kuti umwi mwaalumi wakagwasigwa biyeni abupolofita buli muli Matayo 24:14.
“Ndakali Kuciyandisya Kapati Cisobano ca Baseball Kwiinda Cintu Cili Coonse!” (Ngazi Yamulindizi No. 3 2017)
Tuzizi biyeni kuti bupolofita bulembedwe muli Daniele chaandaano 4 bwaambuula Bwaami bwaLeza?
“Ino Bwami Bwa Leza Bwakatalika Lili Kulela? (Cibeela 1)” (Ngazi Yamulindizi, October 1, 2014)
Niinzi chitondeezya kuti “ziindi zili ciloba” zyaambidwe muli Daniele chaandaano 4 zyakamana mu1914?
“Ino Bwami Bwa Leza Bwakatalika Lili Kulela? (Cibeela 2)” (Ngazi Yamulindizi, November 1, 2014)
^ Langa zyiiyo zibili zyakumamanino muchiiyo eechi aachipanzi chitii, “ Yanduulisisya.”
