HAAPIIRAA 32
Te faatere ra te Faatereraa arii a te Atua i teie nei!
Ua haamata te Faatereraa arii a te Atua i te faatere i te raˈi i 1914, i reira atoa te mau mahana hopea o te faatereraa a te taata i haamata ˈi. Nafea tatou e ite ai i te reira? E hiˈopoa ïa tatou eaha ta te Bibilia i tohu e eaha tei tupu na te ao nei e te huru o te mau taata mai 1914 mai.
1. Eaha ta te Bibilia i tohu?
Ua faaite te buka Daniela, ua haamata te Faatereraa arii a te Atua i te faatere i te hopea tau, piihia “hitu tau.” (Daniela 4:16, 17) I muri iho i na hanere matahiti, ua faahiti Iesu i taua atoa area tau mai “te tau faataahia o te mau nunaa ěê,” e ua haapii atoa mai oia e aita te reira i hope atura. (Luka 21:24) E ite mai tatou, ua hope na hitu tau i 1914 ra.
2. Eaha tei tupu na te ao nei e te huru o te mau taata mai 1914 mai?
Ua ani te mau pǐpǐ a Iesu ia ˈna: “Eaha te tapao o te tau o to oe hoˈiraa mai e to te anotau hopea o te ao nei?” (Mataio 24:3) I roto i ta Iesu pahonoraa, ua tohu oia e rave rahi ohipa o te tupu ia faatere oia ei Arii o te Faatereraa arii a te Atua i te raˈi. Teie te tahi o teie mau tupuraa: te tamaˈi, te oˈe e te aueueraa fenua. (A taio i te Mataio 24:7.) Ua tohu atoa te Bibilia no te huru o te mau taata i “te mau mahana hopea,” mea “fifi ia faaruru.” (Timoteo 2, 3:1-5) Ua ite-papu-hia teie mau tupuraa e te huru o te mau taata mai 1914 mai.
3. No te aha ua ino roa te ao a haamata ˈi te Faatereraa arii a te Atua i te faatere?
I muri iti noa ˈˈe i to Iesu riroraa mai ei Arii o te Faatereraa arii a te Atua, ua aro oia ia Satani e te mau demoni i te raˈi, e ua pau Satani i teie aroraa. Te parau ra te Bibilia no Satani, “ua hurihia mai . . . i raro i te fenua, e ua hurihia mai ta ˈna mau melahi i raro na muri ia ˈna.” (Apokalupo 12:9, 10, 12) E riri rahi to Satani no te mea ua ite oia e haamouhia oia. No reira oia e faatupu ai i te oto e te mauiui ati aˈe te ao. E ere i te mea maere ia itehia te mau tupuraa ino mau na te ao nei. E faatitiaifaro râ te Faatereraa arii a te Atua i te taatoaraa o teie mau tupuraa ino mau.
A FAAHOHONU ATU Â
A hiˈo nafea tatou e ite ai e ua haamata te Faatereraa arii a te Atua i te faatere i te matahiti 1914 e eaha te auraa no tatou nei.
4. Te tuatapaparaa tau Bibilia i nia i te matahiti 1914
Ua faaite te Atua i te arii Nebukanesa no Babulonia na roto i te hoê moemoeâ eaha te tupu a muri aˈe. E taio tatou no nia i teie moemoeâ e eaha te tatararaa ta Daniela i faataa i roto i te Bibilia. Teie moemoeâ, no nia ïa i te faatereraa arii a Nebukanesa e oia atoa no nia i te Faatereraa arii a te Atua.—A taio i te Daniela 4:17. a
A taio i te Daniela 4:20-26, e a faaohipa i te tapura no te pahono i te mau uiraa i muri nei:
-
(A) Eaha ta Nebukanesa i ite i roto i ta ˈna moemoeâ?—A hiˈo i te mau irava 20 e te 21.
-
(B) Eaha te tupu no te tumu raau?—A hiˈo i te irava 23.
-
(C) Eaha te tupu i te hopea o na “hitu tau”?—A hiˈo i te irava 26.
Nafea te moemoeâ no te tumu raau e tuati ai i te Faatereraa arii a te Atua?
TE PARAU TOHU (Daniela 4:20-36)
Mana faatere
(A) Te hoê tumu raau teitei roa ino
Ua faataimehia te mana faatere
(B) “A tâpû i te tumu raau” e ia “mairi noa ˈtu e hitu tau”
Ua faahoˈihia te mana faatere
(C) “E faahoˈihia mai to oe mana faatere”
Te tupuraa matamua
-
(D) Te faahohoˈa ra te tumu raau ia vai?—A hiˈo i te irava 22.
-
(E) Afea oia i te faaearaa i te faatere?—A taio i te Daniela 4:29-33.
-
(F) Eaha tei tupu no Nebukanesa i te hoperaa na “hitu tau”?—A taio i te Daniela 4:34-36.
TE TUPURAA MATAMUA
Mana faatere
(D) Nebukanesa arii no Babulonia
Ua faataimehia te mana faatere
(E) I muri aˈe i 606 hou te tau o Iesu, ua moˈe to Nebukanesa hiroa e e hitu matahiti aita oia i faatere faahou
Ua faahoˈihia te mana faatere
(F) Ua hoˈi mai to Nebukanesa hiroa e ua haamata faahou oia i te faatere
Te piti o te tupuraa
-
(G) Te faahohoˈahia ra te tumu raau ia vai?—A taio i te Paraleipomeno 1, 29:23.
-
(H) Afea ratou i te faaearaa i te faatere? Nafea tatou e ite ai aita ratou i faatere a vai ai Iesu i te fenua nei?—A taio i te Luka 21:24.
-
(I) Afea e ihea teie mana faatere i te faahoˈiraahia mai?
TE PITI O TE TUPURAA
Mana faatere
(G) O te mau arii no Iseraela tei faahohoˈahia i ta te Atua mana faatere
Ua faataimehia te mana faatere
(H) Ua haamouhia o Ierusalema, e 2 520 matahiti aita e opu huiarii i Iseraela b
Ua faahoˈihia te mana faatere
(I) Ua haamata Iesu i te faatere i te raˈi ei Arii o te Faatereraa arii a te Atua
Eaha te roaraa o na hitu tau?
E tauturu te mau tuhaa o te Bibilia ia tatou ia taa i te tahi atu mau tuhaa. Ei hiˈoraa, te faaite ra te buka o te Apokalupo i na e toru tau e te afa o na 1 260 mahana. (Apokalupo 12:6, 14) Ia tataipitihia na hitu tau e noaa mai 2 520 mahana. Te tahi taime e faaohipa te Bibilia, no hoê mahana hoê ïa matahiti. (Ezekiela 4:6) No reira na hitu tau i faahitihia i roto i te buka Daniela o na 2 520 matahiti ïa.
5. Ua taui te ao mai te matahiti 1914
Ua tohu Iesu mai te aha te ao i muri aˈe i to ˈna riroraa mai ei Arii. A taio i te Luka 21:9-11, e a aparau i teie uiraa:
-
Eaha te tahi o teie mau tupuraa ta oe i ite aore ra i faaroo?
Ua faataa te aposetolo Paulo i te huru o te mau taata i te mau mahana hopea o te faatereraa a te taata. A taio i te Timoteo 2, 3:1-5, e a aparau i teie uiraa:
-
Eaha te tahi o teie mau haerea ta oe i tapao i nia i te taata i teie mahana?
6. E turai te faatereraa o te Faatereraa arii a te Atua ia tatou ia ohipa
A taio i te Mataio 24:3, 14, e a aparau i teie mau uiraa:
-
Eaha te ohipa faufaa o te faaite ra e te faatere ra te Faatereraa arii a te Atua i teie nei?
-
Nafea oe e nehenehe ai e apiti i roto i teie ohipa?
Te faatere ra te Faatereraa arii a te Atua i teie nei, e te fatata mai ra te mahana e faatere roa ˈi te Faatereraa arii a te Atua i te fenua nei. A taio i te Hebera 10:24, 25, e a aparau i teie uiraa:
-
Eaha ta tatou tataitahi e rave “a ite ai tatou i taua mahana ra e fatata mai ra”?
Ia haapii oe i te tahi mea o te nehenehe e tauturu aore ra e faaora ia vetahi ê, e turai te reira ia oe ia rave i te aha?
E ANI PAHA VETAHI: “No te aha te mau Ite no Iehova e parau ai e matahiti faufaa te matahiti 1914?”
-
Eaha ta oe e parau?
HAAPOTORAA
Te haapapu ra te parau tohu Bibilia, te tuatapaparaa tau e te mau tupuraa na te ao nei, e te faatere ra te Faatereraa arii a te Atua i teie nei. E faaite tatou e te tiaturi ra tatou i te reira ma te poro no nia i tera Faatereraa arii e ma te apiti i te mau putuputuraa.
Haamanaˈoraa
-
Eaha tei tupu i te hoperaa na hitu tau tohuhia i roto i te buka Daniela?
-
Eaha te haapapu ra ia oe e ua haamata te Faatereraa arii a te Atua i te faatere i 1914?
-
Nafea oe e faaite ai e te tiaturi ra oe e te faatere ra te Faatereraa arii a te Atua i teie nei?
HIˈOPOA
A hiˈo eaha ta te feia tuatapapa parau e te tahi atu mau taata, i faahiti no nia i te mau tauiraa i roto i te ao nei mai te matahiti 1914.
A taio nafea te parau tohu tei itehia i roto i te Mataio 24:14 i ohipa ˈi i roto i te oraraa o te hoê taata.
“Aita ˈtu ohipa faufaa aˈe no ˈu maori râ ta ˈu tuaro!” (Te Pare Tiairaa No 3 2017)
Nafea tatou e ite ai no te Faatereraa arii a te Atua te parau tohu i roto i te buka Daniela pene 4?
“Inafea te Basileia o te Atua i haamata ˈi i te faatere? (Tuhaa 1)” (Te Pare Tiairaa Novema 2014)
Eaha te haapapu ra e ua hope na “hitu tau” o tei faaitehia i roto i te Daniela pene 4 i 1914?
“Inafea te Basileia o te Atua i haamata ˈi i te faatere? (Tuhaa 2)” (Te Pare Tiairaa Tenuare 2015)
a A hiˈo i na tumu parau hopea e piti i roto i te tuhaa “Hiˈopoa” o teie haapiiraa.
b H.T.I, hou te tau o Iesu. M.T.I., muri aˈe i te tau o Iesu.
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
