КИЧЭЭЛ 32
Бурганның Чагыргазы башкарып эгелээн!
1914 чылда дээрге Бурган Чагыргазын тургузуптарга, кижи чагыргаларының сөөлгү хүннери эгелээн. Ол чылдан эгелеп кижилерниң болгаш делегейде байдалдың өскерилгенин көргүскен медеглелдерни сайгарыптаалыңар.
1. Библейжи өттүр билген медеглелдерде чүнү чугаалаан?
Бурганның Чагыргазы «чеди чыл», азы чеди хуусаа, төнчүзүнде башкарып эгелээр деп, Даниил номунда бижээн (Даниил 4:13, 14). Чүс-чүс чылдар эрткенде, Иисус ол хуусааны «өске чоннар улузунуң тергиидээр үези» дээн (Лука 21:24). Ынчан ол хуусаа төнмээн турган. Ол үе 1914 чылда төнген деп көөр бис.
2. 1914 чылдан тура кижилер болгаш делегей канчаар өскерилген?
Өөреникчилери Иисустан: «Силерниң чедип кээриңерни болгаш бо делегейниң төнчүзүн кандыг демдек бадыткаарыл?» — деп айтырган (Матфей 24:3). Бурганның Чагыргазы башкарып эгелээрге, черге дайыннар, аш-чут, чер шимчээшкиннери болурун Иисус баш удур тайылбырлаан. (Номчуптуңар: Матфей 24:7.) «Сөөлгү хүннерде аар-берге үе» келир дээни-биле Библия бедик мөзү-шынарның үнези кудулаарын чугаалаан (2 Тимофейге 3:1—5). 1914 чылдан тура, делегей болгаш кижилер таныттынмас кылдыр өскерилгени көскү.
3. Бурганның Чагыргазы башкарып эгелээн үеден бээр делегейде байдал чүге баксырай берген?
Иисус Бурганның Чагыргазының хааны апаргаш, Эрлик-биле дайылдашкаш, тиилеп каан. Ыдыктыг Бижилгеде Эрлик «төлээлери-биле кады черже дүжүр октаттырыпты» дээн (Ажыдыышкын 12:9, 10, 12). Эрлик удавас узуткаттырарын билир болгаш, хөлчок килеңнеп турар. Ынчангаш ооң кол сорулгазы — кижилерге болдунар-ла хораны, аарышкыны чедирери. Делегейде байдалдың ол хире баксырааны кайгамчык эвес! Ынчалза-даа Бурганның Чагыргазы шупту ол бергелерни шиитпирлептер.
ХАНЫ ШИНЧИЛЕҢЕР
Бурганның Чагыргазы 1914 чылдан тура башкарып эгелээн деп бадыткалдарны шинчилээш, чүнү кылырын билип алыр силер.
4. Библияның үе санаашкыны 1914 чылче айтып турар
Бурунгу Вавилоннуң хааны Навуходоносорга Бурган келир үеге хамааржыр өттүр билген медеглелдиг дүш көргүскен. Даниилдиң тайылбырындан алырга, ол дүш Навуходоносорнуң-даа, Бурганның-даа Чагыргазынга хамааржыр. (Номчуптуңар: Даниил 4:14.) a
Даниил 4:17—24-тү номчааш, таблица дузазы-биле айтырыгларга харыылаптыңар:
-
А. Навуходоносор чүнү дүжээн? (17, 18 дугаар шүлүктерни көрүңер.)
-
Б. Ыяш-биле чүү болур ужурлуг турган? (20 дугаар шүлүктү көрүңер.)
-
В. Чеди хуусааның төнчүзүнде чүү болур ужурлуг турган? (23 дугаар шүлүктү көрүңер.)
Ыяш дугайында дүш Бурганның Чагыргазы-биле кандыг харылзаалыг?
ӨТТҮР БИЛГЕН МЕДЕГЛЕЛ (Даниил 4:17—33)
Чагырга
А. Кончуг улуг ыяш
Башкарылга үстүп каан
Б. «Ыяшты ужургаш, узуткап кааптыңар», чеди хуусаа эрте берзин
Катап тургустунган
В. «Хааннаашкыныңарны эгидип бээр»
Медеглелдиң бир дугаар күүсеттингени:
-
Г. Ыяш кымны илереткен? (19 дугаар шүлүктү көрүңер.)
-
Д. Ол хаанның башкарылгазы канчаар үстүп каан? (Номчуптуңар: Даниил 4:26—30.)
-
Е. Чеди чылдың төнчүзүнде Навуходоносор-биле чүү болган? (Номчуптуңар: Даниил 4:31—33.)
БИР ДУГААР КҮҮСЕТТИНГЕНИ
Чагырга
Г. Вавилоннуң хааны Навуходоносор
Башкарылга үстүп каан
Д. Б. э. чедир 606 чылдың соонда Навуходоносор угаанын ышкыныпкан. Чеди чыл дургузунда ооң башкарар харыы чок
Катап тургустунган
Е. Навуходоносорнуң угаан-медерели эглип кээрге, ол катап чагырып эгелей берген
Ол медеглелдиң ийи дугаар күүсеттингени:
-
Ж. Ыяш кымны илереткен? (Номчуптуңар: 1 Чылдар 29:23.)
-
З. Ол хааннарның башкарылгазы канчаар үзүлген? Иисус черге чурттап турда, ол хааннарның чагыргазы катап тургустунмаан деп кайыын билир бис? (Номчуптуңар: Лука 21:24.)
-
И. Кажан база каяа ол башкарылга катап тургустунган?
ИЙИ ДУГААР КҮҮСЕТТИНГЕНИ
Чагырга
Ж. Бурганның эрге-чагыргазын илередип турган израиль хааннар
Башкарылга үстүп каан
З. Иерусалим узуткаттырган. Израиль хааннарның чагыргазы 2 520 чыл иштинде үзүлген
Катап тургустунган
И. Иисус Бурганның Чагыргазының Хааны апарган
Чеди хуусаа — ол кайы хире үе?
Библия боду бодун тайылбырлап турар. Чижээ, Библияда Ажыдыышкын номунда үш чартык чыл дээрге 1 260 хүн дээн (Ажыдыышкын 12:6, 14). Ынчаарга, чеди хуусаа (ийи катап хөй) дээрге 2 520 хүн. Чамдыкта Библияда «хүн» деп сөс чыл дээн уткалыг (Иезекиил 4:6). Ол дүрүмнү Даниил номунда чеди чыл дугайында өттүр билген медеглелге база ажыглап болур. Ынчаарга чеди хуусаа — 2 520 чыл.
5. 1914 чылдан тура делегей дыка өскерилген
Хааннай берген үезинден эгелеп, черге байдал кандыг болурун Иисус баш удур чугаалаан. Лука 21:9—11-ни номчааш, харыылаптыңар:
-
Бо болуушкуннарның кайызын дыңнаан азы көрген силер?
Кижилерниң сөөлгү хүннерде кандыг апаарын Павел элчин тайылбырлаан. 2 Тимофейге 3:1—5-ти номчааш, харыылаптыңар:
-
Кижилерниң шак ындыг апарганын эскерер-дир силер бе?
6. Бурганның Чагыргазы башкара берген. Хөделир үе келген!
Матфей 24:3, 14-тү номчааш, харыылаптыңар:
-
Бурганның Чагыргазы башкара берген деп, кандыг ажыл-чорудулга бадыткап турар?
-
Ол ажылга канчаар киржип болур силер?
Бурганның Чагыргазы шагда-ла башкара берген, удавас ол чер кырын бүрүнү-биле аптар. Еврейлерге 10:24, 25-ти номчааш, харыылаптыңар:
-
«Сөөлгү хүннүң чоокшулап орарын көргеш», кижи бүрүзү чүнү кылыр ужурлуг?
Бир кижиге дуза кадып шыдаар болзуңарза, канчаар силер?
БИР КИЖИ МЫНЧААР АЙТЫРЫП БОЛУР: «Иегованың Херечилери 1914 чылдың дугайында чүге үргүлчү чугаалап турар?»
-
Силер чүү деп харыылаар силер?
КОЛ БОДАЛ
Бурганның Чагыргазы башкара бергенин библейжи медеглелдер болгаш делегейде байдал көргүзүп турар. Аңаа бүзүреливисти улуска чугаалап, чыыштарже барып турарывыс-биле көргүзер бис.
Катаптаашкын
-
Даниил номунда медеглээн чеди чыл дооступ каарга, чүү болган?
-
Бурганның Чагыргазы 1914 чылда башкара берген деп чүге бүзүрээр силер?
-
Ол чүүлге бүзүрелиңерни канчаар көргүзер силер?
НЕМЕЛДЕ
1914 чылдан эгелеп делегей кайы хире өскерилген?
«Мөзү-бүдүш буураашкыны» («Оттуп келиңер!» апрель, 2007 чыл)
Матфей 24:14-те медеглелди билип алырга, бир эр кижиниң чуртталгазы канчаар өскерилген?
«Бейсболга чүден артык ынак чораан мен!» («Таңныыл суургазы» № 3, 2017)
Даниил номунда медеглел Бурганның Чагыргазынга хамааржыр деп кайыын билир бис?
«Бурганның Чагыргазы кажан башкарып эгелээн? (кезек 1)» («Таңныыл суургазы» октябрь 1, 2014 чыл)
Даниил номунда бижээн чеди хуусааны чүге 1914 чылда төнген деп болур?
«Бурганның Чагыргазы кажан башкарып эгелээн? (кезек 2)» («Таңныыл суургазы» ноябрь 1, 2014 чыл)
a Бо кичээлде «Немелде» деп көзенекте сөөлгү ийи статьяны көрүңер.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
