1914 წანას ღორონთიშ სამეფოქ ზეცას მართველობა დიჭყჷ. თე დროს დიჭყჷ ადამიანურ მართველობაშ ბოლო დღალეფქ ხოლო. სოვრეშე მიჩქნა თენა? გუვარჩუათ ბიბლიურ წინასწარმეტყველება დო ქიგებგათ, მუჭო ითირუ მსოფლიო მდგომარეობა დო ხალხ 1914 წანაშე მოჸუნაფილ.

1. მუ იწინასწარმეტყველ ბიბლიაქ?

ბიბლიაშ წიგნ დანიელშე იძირე, ნამდა ღორონთიშ სამეფო მართველობას დიჭყანდჷ თი პერიოდიშ თებაშ უკულ, ნამდგას ბიბლიას „შქვით დრო“ ჯოხო (დანიელი 4:16, 17). საუკუნეეფიშ უკულ, იესოქ თე პერიოდ მიშინუ, მუჭოთ „შხვაშთურეფშო მერჩქინელ დროეფ“ დო თქუ, ნამდა თე დრო დიო ხოლო ვათებე (ლუკა 21:24). თე დუდშე ქობძირუნთ, ნამდა შქვით დროქ 1914 წანას ითუ.

2. მუჭო ითირუ მსოფლიო მდგომარეობა დო ხალხ 1914 წანაშე მოჸუნაფილ?

იესოშ მოწაფეეფქ თის კითხეს: „მუჟამ მოხვადუ თენა დო მუ იჸი სქან მოულაშ დო თიშ ნიშან, ნამდა ქვეყნიერებაშ ბოლოქ ქუდოდირთჷ?“ (მათე 24:3). თეშ პასუხო იესოქ იწინასწარმეტყველ თი მოვლენეფ, ნამუთ თიშ უკულ მოხვადუდ, მუთ თინა ზეცას, მუჭოთ ღორონთიშ სამეფოშ მეფე, მართველობას ქიდიჭყანდჷ. თე მოვლენეფშა მიშეშ ომეფ, ოჭკუმალიშ სინაკლებე დო მიწისძვრეფ (წეკითხით მათეშ 24:7). თეს გეძინელ, ბიბლიაქ იწინასწარმეტყველ, ნამდა „ბოლო დღალეფს“, ხალხ დითირუდ დო ათეშენ, ცხოვრება „ძნელო გარზებელ“ იჸუაფუდ (2 ტიმოთე 3:1—5). თე მდგომარეობა დო ხალხიშ თაშ თირუა 1914 წანაშე არგამათ იძირე.

3. მუშენ გეუფრაშ მსოფლიო მდგომარეობაქ ღორონთიშ სამეფოშ მართველობაშ დოჭყაფაშ უკულ?

თიშ უკულ, მუთ იესოქ ღორონთიშ სამეფოშ მეფეთ გინირთჷ, თიქ ზეცას სატანა დო თიშ დემონეფიშ წინააღმდეგ ბრძოლა ქიდიჭყჷ. თე ბრძოლას სატანაქ წაგჷ. ბიბლია თიშ გურშენ იჩიებ: „გეგთაჸათეს დედამიწაშა დო თიშ ანგელოზეფ ხოლო თიწკუმა ართო გეგთარღვეს“ (გამოცხადება 12:9, 10, 2). სატანა მანგარ გაჟღამებულ რე, მუშენდა უჩქჷ, გენადგურებ. ათეშენ, თის ჭუა დო ტანჯება მოუღჷ დედამიწას მახორუ ხალხშა. თაშ ნამდა, ჩქი ვამკვენა თი გლახა მდგომარეობა მუთ მსოფლიოს რე. ღორონთიშ სამეფო ბოლოს მოუღენს არძა თე პრობლემას.

 ქიგეგით უმოს

4. ბიბლიურ წინასწარმეტყველებეფ ოძირანს, ნამდა სამეფოქ მართველობა 1914 წანას დიჭყჷ

წინასწარმეტყველებაშ პირველ შესრულება . . .

• დ) მის განასახიერენდჷ ჯა? (ქოძირით მუხლ 22).

• ე) მუჟამ დო მუჭო მეჭყორდჷ თიშ მართველობაქ? (წეკითხით დანიელიშ 4:29—33)

• ვ) მუქ დართჷ ნაბუქოდონოსორს „შქვით დროშ“ მიკულაშ უკულ? (წეკითხით დანიელიშ 4:34—36)

წინასწარმეტყველებაშ მაჟია შესრულება . . .

• ზ) მის განასახიერენდჷ ჯა? (წეკითხით 1 მატიანეშ 29:23)

• თ) მუჟამ დო მუჭო მეჭყორდჷ თინეფიშ მართველობაქ? სოვრეშე მიჩქნა, ნამდა თე მართველობა ვა რდჷ აღდგენილ, მუჟამსით იესო დედამიწას რდჷ? (წეკითხით ლუკაშ 21:24)

• ი) მუჟამ დო სო იჸუ თე მართველობაქ აღდგენილქ?

 6. ქაძირეთ, ნამდა რწანა, ღორონთიშ სამეფო მართველენსინ

წეკითხით მათეშ 24:3, 14 დო უკულ გარჩით თუდო მოჩამილ კითხვეფ:

• ნამ მნიშვნელოვან საქმე ოძირანს, ნამდა ღორონთიშ სამეფო მართველენს?

• მუჭო შეილებნა მონაწილება მიღათ თე საქმეს?

ღორონთიშ სამეფო ამდღა მართველენს დო ხოლოს რე თი დღა, მუჟამსით თის სრულ ძალაუფლება აღვენუ მთელ დედამიწას. წეკითხით ებრაელეფიშ 10:24, 25 დო უკულ გარჩით თუდო მოჩამილ კითხვა:

• მუ ოკო ვაკეთათ არძაქ, მუჟამსით „ვორწყეთ თი დღაშ მონჭაფას“??

 დასკვნა

ბიბლიურ წინასწარმეტყველება დო მსოფლიო მდგომარეობა ამტკიცენს, ნამდა ღორონთიშ სამეფო მართველენს. ჩქი თეშ რწმენას გიმიფრჩქინანთ, მუჟამსით ფქადაგენთ თიშ გურშენ დო ვოსწრუთ კრებაშ შეხვალამეფს.

გამეორებელ კითხვეფ

• მუჭოთ დანიელიშ წიგნის რე ნაწინასწარმეტყველებ, მუქ მოხვად შქვით დროშ თებაშ უკულ?

• მუ გარწმუნენა, ნამდა ღორონთიშ სამეფოქ 1914 წანას დიჭყჷ მართველობა?

• მუჭო შეილებნა ოძირუათ, ნამდა რწანა, ღორონთიშ სამეფო მართველენსინ?