UMBUESÁ 32

Deus Reino umundúwana uikú!

UYUPIRŨ

Deus Reino uyupirũ ugovernari iwaka upé akayú 1914 upé. Ape uyupirũ añhũ arama ara asuí miraitá governo ikentuwana upawa arama. Mayé yapoderi yakuá kuá resé? Yasú yamaã maã Bíblia umbeu kuá resé asuí maã usasá kuá mundo irum akayú 1914 riré.

1. Maã Bíblia umbeu uyumuñhã arama?

Kuá livro Daniel uajudari yakuá arama Deus Reino uyupirũ ugovernari arama usika ramé kuá “sete tempo” upawasá. (Daniel 4:16, 17) Siya akayú riré, Jesus useruka kuá tempo mayé “até aintá rangawa usika” asuí aé umbué kuá tempo tiré upawa kuera. (Luka 21:24) Kuá sete tempo upawawana kuera akayú 1914 upé.

2. Maã usasá kuá mundo upé akayú 1914 suíwara?

Jesus discípuloitá ta upurandú isuí: “Mairamé taá kurí usasawaá kuá rembeuwaá? Maã taã rexari yamaã ne rangawa reyuíri arama yuíri sangawa yuíri kuá añhũ aramawaá ara?” (Mateu 24:3) Usuaxara ramé, Jesus umbeu siya maã resé usasá aramawaá uyupirũ ramé ugovernari iwaka kití mayé Rei. Yepeyepé ta suí aikué arama guerra, aintá rimbiú upawa kurí asuí iwí urirí. (Releri Mateu 24:7.) Bíblia umbeu yuíri mayé miraitá rikusá “añhũ aramawaá kurí ara” upé. Yawewaá resewara yané vida upitá arama puxiwera piri ñhãsé “úri kurí puxiwerawaá”. (2 Timóteo 3:1-5) Kuá akayú 1914 suíwara yamaã kuá mundo upitá puxiwera piri.

3. Marã kuá mundo uikú puxiwera piri Deus Reino uyupirũ riré ugovernari?

Uyupirũ ramé ugovernari, Jesus umuñhã guerra Yurupari asuí demônioitá ruaxá iwaka upé. Yurupari uperderi kuá guerra. Bíblia umbeu Jesus “umburi aé kuá mundo kití, aintá irum kuaitá ianjoitá”. (Apokalipse 12:9, 10, 12) Yurupari aé ipiaíwa ñhãsé ukuá ta usú kurí ta umukañhemu aé. Yawé arama, aé umupurará pañhe miraitá kuá mundo upé. Yawewaá resewara pañhe maã uikú puxiwera retana! Ma Deus Reino usú umbawa pañhe maã iwasuwaá irum.

REYUMBUÉ PIRI ARAMA

Reyumbué mayé yapoderi yakuá Deus Reino uyupirũ ugovernari kuá akayú 1914 upé. Remaã yuíri maã yarikuté yamuñhã yakuá ramé kuá resé.

4. Bíblia profeciaitá ta uxari yakuá kuá akayú 1914 aé importante

Pemaã kuá VÍDEO.

VÍDEO: Deus Reino uyupirũ ugovernari akayú 1914 upé (5:02)

Deus umuñhã yepé ruixawa isewarawaá Nabucodonosor, Babilôniawara, ikérupi arama. Ikérupiwaá upé Jeová umukameẽ maã usasá arama kurí. Daniel umbeu kuá Nabucodonosor ikérupi aé igoverno resé asuí yuíri Deus Reino resé. — Peleri Daniel 4:17; a pemaã kuá nota.

Peleri Daniel 4:20-26. Ariré peusari kuá quadroitá pesuaxara arama kuá resé:

(A) Maã Nabucodonosor umaã ikérupiwaá upé? — Pemaã kuá versículoitá 20 asuí 21.
(B) Maã usasá arama kuá mirá irum? — Pemaã kuá versículo 23.
(C) Maã usasá arama kuá “sete tempo” upawasá upé? — Pemaã kuá versículo 26.

Maã kuá kérupi yepé mirá resé uputari umbeu Deus Reino resé?

PROFECIA (Daniel 4:20-36)

Yepé governo

(A) Yepé mirá turusuwaá

Aé upituúma ugovernari

(B) “Peyutika kuá mirá” até ‘usasá kuá sete tempo’

Aé ugovernarima mukũisá

(C) “Ta usú ta umuyuíri reino indé arama”

Mairamé uyumuñhã yepesá viaji kuá profecia . . .

(D) Awá kuá mirá? — Pemaã kuá versículo 22.
(E) Mairamé aé upituú ugovernari? — Peleri Daniel 4:29-33.
(F) Maã usasá Nabucodonosor irum kuá “sete tempo” upawasá upé? — Peleri Daniel 4:34-36.

MAIRAMÉ UYUMUÑHÃ YEPESÁ VIAJI

Yepé governo

(D) Nabucodonosor, Babilônia ruixawa

Aé upituúma ugovernari

(E) Kuá akayú 606 riré, Kristo runderé, Nabucodonosor upitá akangaíwa asuí tiã upoderi ugovernari sete akayú rupí

Aé ugovernarima mukũisá

(F) Nabucodonosor upitá puranga asuí ugovernari mukũisá

Mairamé uyumuñhã mukũisá viaji kuá profecia . . .

(G) Awá kuá mirá? — Peleri 1 Krônikaitá 29:23.
(H) Mairamé aintá ta upituú ta ugovernari? Mayé yakuá aintá tiré ta ugovernari mairamé Jesus uikú iwí upé? — Peleri Luka 21:24.
(I) Mairamé asuí mamé ugovernari mukũisá?

MAIRAMÉ UYUMUÑHÃ MUKŨISÁ VIAJI

Yepé governo

(G) Israelwaraitá ruixawa ta ugovernariwaá Deus supé

Aé upituúma ugovernari

(H) Ta umbawa Jerusalẽ irum, asuí israelwaraitá ruixawa ta upituú ta ugovernari 2.520 akayú rupí

Aé ugovernarima mukũisá

(I) Jesus uyupirũ ugovernari iwaka upé mayé Rei Deus Reino upé

Muíri akayú kuá sete tempo?

Yepeyepé parte Bíblia suí uajudari yaentenderi arama amú parte Bíblia suí. Yepé exemplo, Apokalipse upé umbeu musapiri tempo asuí meio aintá yepewasú 1.260 ara. (Apokalipse 12:6, 14) Ape, sete tempo uputari umbeu musapiri tempo asuí meio mukũi viaji, u, 2.520 ara. Amuramé Bíblia umbeu yepé ara mayeté yepé akayú. (Ezekiel 4:6) Yaweté usasá kuá profecia irum sete tempo resé uikuwaá Daniel upé: aintá uputari umbeu 2.520 akayú.

5. Kuá mundo uyutrocari retana akayú 1914 suíwara

Pemaã kuá VÍDEO.

VÍDEO: Mayé upitá kuá mundo 1914 riré (1:10)

Jesus umbeu kuera maã usasá arama kuá mundo irum upitá riré Rei. Peleri Luka 21:9-11. Ariré pekuntari kuá resé:

Maã kuaitá suí remaã usasá yané tempo upé?

Apóstolo Paulo umbeu miraitá rikusá resé añhũ arama ara upé. Peleri 2 Timóteo 3:1-5. Ariré pekuntari kuá resé:

Indé arama, será miraitá ta umuñhã ta uikú kuayé yané tempo upé?

6. Yaputari yapoiari Deus Reino

Peleri Mateu 24:3, 14. Ariré pekuntari kuá resé:

Mayewaá murakí importantewaá uxari yakuá Deus Reino umundúwana uikú?
Mayé repoderi remuñhã kuá murakí yuíri?

Deus Reino umundúwana uikú, asuí ikentuwana umundú arama pañhe kuá iwí resé. Peleri Ebreoitá 10:24, 25. Ariré pekuntari kuá resé:

Maã yarikuté yamuñhã yamaã ramé “usika sangawa kuá mundo”?

Maãma indé remuñhã rekuá ramé yepé maã resé upoderiwaá uajudari asuí usalvari amú miraitá?

SÁ YEPÉ MIRA UPURANDÚ: “Marã kuá akayú 1914 aé importante retana Umbeusaitá supé Jeová resé?”

Mayé resuaxara?

MAÃ REYUMBUÉ

Bíblia profeciaitá asuí maã usasá uikú kuá mundo upé uxari yakuá Deus Reino umundúwana uikú. Mairamé yambeu Bíblia resé amú miraitá supé asuí yayumuatiri Umbeusaitá irum Jeová resé, yaxari ta ukuá yaruyari kuá resé.