LESIONY 32
¡Gobierno xtuny Dios ma cayony mandaryni!
Ló íz 1914 gosaló buny mandary Gobierno xtuny Dios lainy guibá. Íz cuca gosaló último dzú de xcalmandary buñgudxlio. ¿Ximod nanno láani? Nigoreʼ guibiʼno xi ná la Biblia, né xi cayac ló Gudxlio reʼ né mod nac buñ desde íz 1914.
1. ¿Xí goniʼ la Biblia gac ló xtzúno?
Libro xtuny Daniel maca goniʼni que Gobierno xtuny Dios nasaló ñony mandary después ni nalox «gatz tiemp» (Daniel 4:16, 17). Después Jesús bisetlabu ndeʼ xomod «dzú ni ma biliña par buñ ni diti nac judíos», né goniʼbu que ízcu diti ma biloxni (Lucas 21:24). Mod casuidyno, gatz tiempcu biloxni íz 1914.
2. ¿Xí guirá cayac ló Gudxlio né ximod nac buñ desde íz 1914?
Xpiin Jesús gonabdiitzyibu ndeʼ: «¿Xí señal tzoʼ órni looy ma noʼlo né láaca xí señal tzoʼ órni ma guidubylagaʼ gudxliogoxreʼ?» (Mateo 24:3). Jesús cuapy layibu, xi guirá cós ñac órni ma gosaló cayony mandarybu ló Gobierno xtuny Dios ni noʼ lainy guibá. Por ejemplo, goniʼbu que sioʼ guerr, galrralán né xo rodann (bíil Mateo 24:7). La Biblia láaca bisetlaa mod ñac buñ «ló dzú ni ma cadubylagaʼ», guirá ndeʼ ñony que ñacni «dzú ni más nagan par guicaló buñ» (2 Timoteo 3:1-5). Desde íz 1914 ma cayac cumplirni, né riendxichni que ma scá nac buñ.
3. ¿Xigony nigolú góc xiroʼ cós mal ló Gudxlio órni gosaló Gobierno xtuny Dios cayony mandary?
Diti xidzú de goló gosaló Jesús cayony mandary, gosaló toib guerr lainy guibá, né láabu godíilbu né Buñdzab né xidemony. Buñdzab diti buny gan. Né mod ná la Biblia: «Goyoʼ ni bisal láabu ló gudxlio, né ángeles xtunybu biab ló gudxlio toibsi né láabu» (Apocalipsis 12:9, 10, 12). Buñdzab nigolú cadzuitz portín nanbu que mápa mer guinitlóbu. Por ngú ló guidopynac Gudxlio catudybu buñ ló galnagan né ló galrrioʼob. ¡Por ngú nigolú cayacxiroʼ cós mal ló Gudxlio! Per Gobierno xtuny Dios sanitlóbu guirá galnagan reʼ.
NANOY GUISUIDYNO LÁANI
Guisuidyno xigony ranino que Gobierno xtuny Dios gosaló cayony mandaryni ló íz 1914 né ganno ximod labúu gacnéni lóono.
4. Profecías ni sieed ló la Biblia raxelni lóono ló íz 1914
Dios buny que Nabucodonosor, toib rey ni goyoʼ gudx Babilonia, naniʼ xcaʼalbu de cós ni yása gac. Tanli bacaʼalcu né mod golexa Daniel láani radudyni diitz que profecíacu raguiñani xcalmandary Nabucodonosor né xcalmandary Gobierno xtuny Dios (colgoʼol Daniel 4:17). a
Colgoʼol Daniel 4:20-26. De ngú colguiquiin diagrama reʼ par guicapyto galrranabdiitz reʼ:
-
A) ¿Xí bibiʼ Nabucodonosor ló xpacaʼal? (Colguibiʼ ni ná versículos 20 né 21).
-
B) ¿Xí ñac né yac cú? (Colguibiʼ ni ná versículo 23).
-
C) ¿Xí ñac después ni nalox «gatz tiemp»? (Colguibiʼ ni ná versículo 26).
Yac ni goniʼ xcaʼal Nabucodonosor né Gobierno xtuny Dios
PROFECÍA (Daniel 4:20-36)
Galmandary
A) Toib yac nasoʼdii
Galmandary ni biroc ló
B) «Colguichoc yac cú» né colguidudy «lagary gaclani gatz tiemp»
Galmandary ni gosaló stoib
C) «Sacaʼlo xcalmandarylo stoib»
Primer buelt ni góc cumplirni
-
D) ¿Chú láabu buny representar yac cú? (Colguibiʼ ni ná versículo 22).
-
E) ¿Pu dzú ma diti buny mandarybu? (Colgoʼol Daniel 4:29-33).
-
F) ¿Xí gosaclobu órni bilox «gatz tiemp»? (Colgoʼol Daniel 4:34-36).
PRIMER BUELT NI GÓC CUMPLIRNI
Galmandary
D) Nabucodonosor, rey xtuny gudx Babilonia
Galmandary ni biroc ló
E) Nabucodonosor ranit xcalrriembu órni ralox íz 606 a.x. b né ma diti labúu rony mandarybu ló gatz íz
Galmandary ni gosaló stoib
F) Rabiguet xcalrrien Nabucodonosor né rasaló rony mandarybu stoib
Ni rarop buelt ni góc cumplirni:
-
G) ¿Chú layibu buny representar yac cú? (Colgoʼol 1 Crónicas 29:23).
-
H) ¿Pu dzú ma diti buny mandaryibu? ¿Ximod nanno que ma diti cayony mandaryibu órni goyoʼ Jesús ló Gudxlio? (Colgoʼol Lucas 21:24).
-
I) ¿Pu lagary né pu dzú gosaló buny mandary Gobierno reʼ stoib?
NI RAROP BUELT NI GÓC CUMPLIRNI
Galmandary
G) Reyes xtuny gudx Israel ni rony representar gobierno xtuny Dios
Galmandary ni biroc ló
H) Gudx Jerusalén binitló íz 607 a.x.; né reyes israelitas ma diti labúu buny mandaryibu 2.520 íz
Galmandary ni gosaló stoib
I) Jesús rasaló rony mandary lainy guibá xomod Rey de Gobierno xtuny Dios íz 1914
¿Balac racla gatz tiemp?
Tipnés versículos de la Biblia racnéni lóono guienno stipnés versículos. Por ejemplo, ló Apocalipsis rasetlaa de tzón tiemp gorol ni radudy diitz, 1.260 dzú (Apocalipsis 12:6, 14). Gatz tiemp nacni chop midid, ndeʼ radudy diitz 2.520 dzú. Rioʼ ór ló la Biblia toib dzú radudyni diitz tobiz (Ezequiel 4:6). Ndeʼ ni rac né gatz tiemp ni rasetlaa libro xtuny Daniel: radudyni diitz 2.520 íz.
5. Íz 1914 gudxliogoxreʼ bidzaʼ mod nacni
Jesús goniʼ ximod ñac gudxliogoxreʼ órni nasaló ñony mandarybu. Colgoʼol Lucas 21:9-11 né colgooy xtiitzni:
-
De guirá profecía reʼ, ¿xí ma bibiʼlo o xí ma bicadiaglo?
Apóstol Pablo bisetlaa ximod ñac buñ ló dzú ni ma guidubylagaʼ. Colgoʼol 2 Timoteo 3:1-5 né colgooy xtiitzni:
-
De guirá ni rasetlaa texto reʼ, ¿xí ma bibiʼlo?
6. Ni ma nanno que Gobierno xtuny Dios ma cayony mandaryni noʼ ni rachiinni lóono gonyno
Colgoʼol Mateo 24:3, 14 né colgooy xtiitzni:
-
¿Xí dxiin ni rasac raslooy que Gobierno xtuny Dios ma cayony mandaryni?
-
¿Xí labúu gonylo par gonylo dxiinreʼ?
Gobierno xtuny Dios ma cayony mandaryni, né mápa mer gony mandaryni guidopynac Gudxlio. Colgoʼol Hebreos 10:24, 25 né colgooy xtiitzni:
-
¿Xí raquiin gonyno ni ma nanno que «dzú ma cabigax»?
Pal noʼ ni nasuidylo ni labúu gacné a stipnés né labúu nalaayibu, ¿xí ñonylo?
TIPNÉS BUÑ RANABDIITZ: «¿Xigony testigos xtuny Jehová nigolú rasetlayibu de íz 1914?».
-
¿Xí nacapylo?
¿XÍ BISUIDYLO?
Profecías né guirá ni cayac ló gudxliogoxreʼ raslooyni que Gobierno xtuny Dios ma cayony mandaryni. Né raluladxno que scú nacni, por ngú ranino de Gobierno xtuny Dios né rioʼno reunión ni rac lainy congregación.
Repas
-
¿Xí góc después órni bilox gatz tiemp ni rasetlaa libro xtuny Daniel?
-
¿Xigony naplo confianz que Gobierno xtuny Dios gosaló cayony mandary íz 1914?
-
¿Ximod labúu guislooylo que Gobierno xtuny Dios ma cayony mandary?
PAR GANLO MÁS
Bíil ni ná tipnés historiadores né tipnés buñnan mod ma bidzaʼ gudxliogoxreʼ desde íz 1914.
Bibiʼ ximod profecía ni sieed ló Mateo 24:14 gocnéni toib buñguieeu.
¿Ximod nanno que profecía ni sieed ló capítulo 4 de Daniel rasetlani de Gobierno xtuny Dios?
¿Xí radudy diitz que «gatz tiemp» ni ritlaa ló capítulo 4 de Daniel biloxni íz 1914?
a Bíil chop últimos artículos de midid ro ná «Par ganlo más» ni sieed ló lesiony reʼ.
b Raquiindo a.x. par guinino antes de xtzúno. Né láaca raquiindo l.x. par guinino ló xtzúno.
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
