ESI ITUUGHẠ PHỌ 33
Araraạr Dị Omhạr Phọ Kaḍighi
Omhạr phọ k’Enhaạn mamhiigh ni itooghị nyiidiphọ. Moọny amem, kanmeeghi ni raraạr siẹn ade phọ. Ooḅeghiọn iniin imạ araraạr dị nạ katue agon omhiịn eeḍiạn itooghị Omhạr phọ.
1. Ika kụ idị Omhạr phọ k’Enhaạn kaḅulhemhi eephọ r’elhiom ooruẹn siẹn ade phọ?
Otooghiạ Omhạr phọ k’Enhaạn, aZizọs, kapiemhi ni buọ asipioghọm r’atorobọ iikpọ itooghị siphẹ eghạm Amagedọn. (Ogananami 16:14, 16) Mem mọ opọ phọ kụ edị oguan aBaibul phọ aḅẹm bọ mọ: “Esugha moọny enụm amem bịn kopiemhi ni buọ asipioghọm mọ” kakạr amunhughan. (Psalm 37:10) Dị eego esi Omhạr phọ, aZizọs kaḍighi idị eephọ r’elhiom ooruẹn ketọl siẹn ade phọ.—Ibạl Isaiah 11:4.
2. Aghuḍum katọl ika mem dị Enhaạn aḍighi ipẹ odị rawạ bọ siẹn ade phọ?
Eeḍiạn Omhạr phọ, “awe elhiom eḍighinhom iyaạr komoọgh de phọ, kụ otugh siẹn ade phọ k’agee-pọ.” (Psalm 37:29) Gbiom olhoghi orọl aḅirinhi dị awe elhiom eḍighinhom iyaạr dị ophomhoghiạn aZihova r’awe bịn kụ odi! Oye ka/tọl mun e/moon, kụ torobọ oye katọl bịn k’agee-pọ.
3. Omhạr phọ k’Enhaạn kaḍighi eeghe mem dị mophiemhi buọ asipioghọm mọ?
Rophiemhi buọ asipioghọm mọ, kụ aZizọs atooghị idiphọ Uw-emhạ esi 1,000 asiạ. Mem mọ opọ phọ, odị r’144,000 abuphẹ kotooghị bọ r’odị kologhonhaạn ḍighaạgh oḍighi idị awe komunhughan oḅilhẹ oḍuạ esi ikarạph. Tutụ amem mọ opọ phọ kesi eekunha, ade phọ meḍighi paradaịs, kụ awe phọ odi bọ omoọgh oḅaạl olhoghi loor esi onhaghanhạn iilhogh phọ aZihova. Ipẹ reten kụ aZizọs aḅulhemhi itooghị phọ angọ Odẹ phọ odị, Zihova. Dị k”erọl ghan, kopạm ni ‘ḍien phọ aZihova oḅaalhamhị.’ (Matiu 6:9, 10) Keegholhaan kẹn ni mọ aZihova aḍighi ni ogey Otooghiạ dị amhoọgh ogbolhomaam awe phọ odị. Opọ kụ amem dị aZihova kapiemhi Setan, ikarạph aruwaloor phọ, r’atorobọ oye dị asopha ogbagharạn itooghị phọ Odị. (Ogananami 20:7-10) Oomo imạ araraạr phọ Omhạr phọ k’Enhaạn kaḍighi bọ ketọl bịn k’agee-pọ.
OLHEGHERI OBUGHẸ
Ooḅeghiọn iyaạr phọ eḍighi bọ kụ yira kotue bọ ni okuphom owol mọ Enhaạn kasighẹ ni Omhạr phọ odị amunhenhiom ipẹ aBaibul phọ aguanhaan bọ ghisigh.
4. Omhạr phọ k’Enhaạn kasiemhi eekunha itooghị awe
“Siẹn aḅirinhi phọ, buniin omoọgh iikpọ kụ bunhọn romiinhọm ghan eeḍiạn abidị.” (Ecclesiastes 8:9) Dị eego esi Omhạr phọ, aZihova kaalemhi ni ekeeny ooruẹn phọ ephẹn phọ.
Ibạl Daniel 2:44 r’2 Tesalonikạ 1:6-8, kụ eeḅeghiọn sipuru phọ iphẹn:
-
AZihova r’Oọny phọ odị, Zizọs, koḍighi eeghe itooghị awe r’abuphẹ oḍighan bọ bidị?
-
Ika kụ idị iphẹn nạ matuughạ bọ ilọ aZihova r’aZizọs ekpoomhị oḅio anạ mọ bidị kozọ ni eten dị eeleeny?
5. AZizọs akpeanhaạn ni oḍighi Uw-emhạ
Idiphọ Otooghiạ Omhạr phọ k’Enhaạn, aZizọs kaloghonhaạn ni we ḍighaạgh ibadị areten. Ipegh VIDIO phọ olhegheri areten dị aZizọs maḍeenhaan mọ onọ amoọgh eephuạ r’iikpọ k’Enhaạn olhoghonhaạn awe ḍighaạgh.
Araraạr phọ ipẹ aZizọs aḍighi bọ siẹn ade phọ eḍighi oogho araraạr dị Omhạr phọ kaḍighi. Aḍighẹn aḍisẹph dị oghol siẹn phọ kụ edị nạ ragon omhiịn? Ibạl riisi aBaibul phọ edaphạn bọ siẹn olhegheri ilọ aḍisẹph kirokirọ phọ obughẹ.
|
SIẸN ADE PHỌ, AZIZỌS . . . |
AZIZỌS KATỌL EPẸ K’AKẸ PHỌ KỤ . . . |
|---|---|
|
|
|
|
|
|
|
|
6. Omhạr phọ k’Enhaạn kaḍighi idị araraạr kenighẹ ghisigh
Omhạr phọ kaḍighi idị awe kokelhọm ghuḍum eten phọ epẹ aZihova awạ bọ. Bidị kokelhọm paradạis siẹn ade phọ k’agee-pọ. Ipegh VIDIO phọ omhiịn idị aZihova asighẹ Zizọs Oọny phọ odị, ramunhenhiom ogbi Odị.
Ibạl Psalm 145:16, kụ eeḅeghiọn ḍipuru phọ aḍiẹn:
-
Etọl ika esi anạ olhegheri mọ aZihova “kagbaanyamhị ni eephuạ atorobọ oye”?
ABUNIIN AWE OOTUGHIẠN MỌ: “Oomo ayira kotue ni oḅophoghạn oḍighi idị aḅirinhi phọ kanighẹ.”
-
Ighẹn iiḅaghamhị dị itooghị awe ke/tue esiemhi eekunha kụ edị Omhạr k’Enhaạn kasiemhi eekunha?
OGHAẠPH OOKARAGH
Omhạr phọ k’Enhaạn kaḍighi ipẹ Enhaạn agbiighi bọ. Kaḍighi idị ade phọ keten paradaịs dị abugey awe dị rooḅereghị ghan aZihova kotọl k’agee-pọ.
Ooḅula
-
Ika kụ idị Omhạr phọ k’Enhaạn kaḅaalhamhị ḍien phọ aZihova?
-
Uḍighi ika kụ yira komeeraam bọ mọ Omhạr phọ k’Enhaạn kaḍighi ni ipẹ aBaibul phọ aguan bọ?
-
Eeghe iyaạr dị Omhạr phọ kaḍighi kụ edị nạ akạr ragon omhiịn?
WAAGHỊ AMHIỊN
Miịn iyaạr dị Amagedọn ramạ ghan.
Bạl amhiịn raraạr dị kemiteghu mem dị itooghị 1,000 asiạ phọ aZizọs kemiigh bọ r’amem dị kesi eekunha.
“Eeghe Kụ Kemite Ḍio Iiruẹn Phọ?” (The Watchtower, September 1, 2012)
Miịn idị arughunotu kotue ogbiom olhoghi dị bidị odi paradaịs.
Siphẹ emhuoghaạph phọ “Mị Umhoọgh Ni Ibadị Asipuru Dị Iiḅaghamhị Ghan Imhị,” tuughạ alhegheri idị oye dị agbagharạn ghan buọ itooghị amhiịn ophanyanhaạn asipuru phọ odị awạ ghan bọ.
“ABaibul Phọ Ranme Ghan Ni Sighuḍum Awe” (The Watchtower, January 1, 2012)
