OZUMALƐDƖYƐ 33
Mɔɔ Nyamɩnlɩ Bulombunlililɛ Yɩ Ɩkɛyɛ
Nyamɩnlɩ Bulombunlililɛ ɩwɔ yɩ tʋ kɛɛ idii tumi daada wɔ sʋlɔ. Ɩlɛ́kyɛ bela ɩkɛva nzɩnzanlɩyɛ sʋ̃maa ɩkɛɣa azɩlɛ yɩ zʋ. Má yehila nninyeni baaba mɔɔ sa ɔkʋla ekila ɔhʋanɩ kɛɛ Nyamɩnlɩ Bulombunlililɛ yɩ ɩkɛyɛ.
1. Mɩnla ɔhʋanɩ zʋ yɛ Nyamɩnlɩ Bulombunlililɛ ɩkɛyɩ nsisi wɔ ɛkɛnɩ na ɩava azʋ̃nudwolɩyɛ ɩaɣa azɩlɛ yɩ zʋ a?
Gyisɛsɩ mɔɔ ɩdɩ Nyamɩnlɩ Bulombunlililɛ yɩ zʋ Bulombunli nɩ, ɩkɛzɩkɛ tanɩyɛlɛmaa nɩɩ aɣanɩ azʋlɔtʋ wɔ Amagadɔnʋ kʋnɛ yi nu. (Yikile 16:14, 16) Ɔzɔ mmɩlɩ nɩ, Bayɩbʋlʋ yɩ anʋhʋba eyi ɩkɛɣa numɔ pɛpɛɛpɛ: “Ɩha mmɩlɩ ɛgyɩkɩ̃ɩ̃ be, nɩ tanɩyɛlɛmaa béni ɛkɛnɩ ebiyekʋ̃.” (Ndwomi 37:10) Gyisɛsɩ iluwa Nyamɩnlɩ Bulombunlililɛ yɩ zʋ ɩkɛyɩ nsisi wɔ ɛkɛ na ɩama azʋ̃nudwolɩyɛ ɩahyɛ azɩlɛ yɩ zʋ manlɩ.—Kɩnga Ayɩzaya 11:4.
2. Sɛ Nyamɩnlɩ yɩ apɛdɩ ɩyɛlɩ ɛkɛnɩ wɔ azɩlɛ yɩ zʋ a, kɛ ɛbɩlawɔlɛ ɩkɛyɛ ikeze a?
Wɔ Nyamɩnlɩ Bulombunlililɛ tʋ nɩ, “ɛdɩnɣɛlɛmaa bekenyia azɩlɛ yɩ, na bɛawʋwa ɔzʋlɔ eɣile bela.” (Ndwomi 37:29) Fa wʋ adwɩnɩ bu kɛɛ ɛda oyuwadɩ be mɔɔ ɛdɩnɣɛlɛmaa nkʋ̃ la yɛ bɔwɔ nu a, na bo munwala bɔdɔ Gyehova nɩɩ bɔ ɔhɔnwʋmmɔ! Abiyela yɩ nwʋ ɩlɛ́pa yɩ, na abiyela ɩkɔwʋwa azɩ daabaa.
3. Sɛ bɛsɩkɛ tanɩyɛlɛmaa bowie a, mɩnla yɛ Nyamɩnlɩ Bulombunlililɛ ɩkɛyɛ a?
Sɛ bɛsɩkɛ tanɩyɛlɛmaa bowie a, Gyisɛsɩ ikeli Bulombunli alʋbɔ 1,000. Wɔ ɔzɔ mmɩlɩ nɩ, Gyisɛsɩ nɩɩ mmenii mɔɔ bɛ nɩɩ yɩ keli tumi nɩ bɔkɔwʋwa adasamaa mɔɔ bɔwɔ azɩlɛ yɩ zʋ nɩ ma bekeli munli. Ansaana alʋbɔ abʋmɩ yɩ ɩkɛɣa awielɩyɛ nɩ, nɩ azɩlɛ yɩ munwatĩĩ ɩlanɩ paladayɩsɩ kɩnlɩma, na mmenii munwatĩĩ bɛ anyɩ ikele iluwakɛɛ bɛfa Gyehova yɩ mmɛla bɛyɛ egyima. Akʋ̃ Gyisɛsɩ ikezia ɩkɛva Bulombunlililɛ yɩ ɩkɛma yɩ Zɩ Gyehova. Ɔzɔ mmɩlɩ yɩ paa yɛ Gyehova ‘yi dima nwʋ ɩkɛdɩ’ bʋwɔ a. (Matiyu 6:9, 10, NWT) Abiyela ɩkɔnwʋ kɛɛ Gyehova ɩdɩ Tumililɛvʋlɔ mɔɔ ɩdɩ baaba mɔɔ ɩdwɩnɩ yi mmenii bɔ nwʋ. Gyehova ɩkɛzɩkɛ Setanɩ, azunzuma evinli yi, nɩɩ abiyela mɔɔ ikodwodwu ikediyia Yɩ tumililɛ nɩ. (Yikile 20:7-10) Nninyeni baaba mɔɔ Nyamɩnlɩ Bulombunlililɛ ɩkɛyɛ nɩ ɩkɔwʋwa ɛkɛnɩ daabaa.
SUMÁ SƲ̃MAA
Sumá sianti mɔɔ ɔkɔhʋla ekenyia anwʋlazʋ kɛɛ Nyamɩnlɩ ikoluwa yɩ Bulombunlililɛ yɩ zʋ ɩkɛma eɣile be nwʋ anʋhʋba azʋlɔtɔ mɔɔ ɩwɔ Bayɩbʋlʋ nu munwala ɩkɛɣa numɔ nɩ.
4. Nyamɩnlɩ Bulombunlililɛ ɩkɛva enii aɣanɩ ɩkɛɣa awielɩyɛ
“Enii ili enii zʋ tumi ma iwie yi tanɩ nu.” (Odwokɔhanlɛvʋlɔ 8:9) Sa Gyehova iduwa yɩ Bulombunlililɛ yɩ zʋ ɩyɩ nsisi mɔɔ ɩdɩ ɔzɔ wɔ ɛkɛnɩ.
Kɩnga Danɩyɛlɩ 2:44 nɩɩ 2 Tɛsalonikamaa 1:6-8, na akʋ̃ bozunzú ndwokɔɣizialɛ eyimmɔ nwʋ:
-
Mɩnla yɛ Gyehova nɩɩ yɩ Ɣa Gyisɛsɩ, bɛkɛva bɛkɛyɛ enii aɣanɩ nɩɩ bɛzabɛ mɔɔ beli bɛ mɛda nɩ a?
-
Mɩnla ɔhʋanɩ zʋ yɛ mɔɔ ozuma ɛvalɩ Gyehova nɩɩ Gyisɛsɩ nwʋ nɩ, ɩma enyia anwʋlazʋ kɛɛ bokowuwa ndɛnɩ mɔɔ ɩtɩnɣɛ na bɛava pɛlɩpɛlɩlilɛ bɛayɛ egyima a?
5. Gyisɛsɩ ɩdɩ Bulombunli mɔɔ ɩfata
Kɛ Nyamɩnlɩ Bulombunlililɛ zʋ Bulombunli nɩ, Gyisɛsɩ ɩkɛyɛ nninyeni sʋ̃maa ɩkɛva ɩkɔwʋwa mmenii mɔɔ bɔkɔwʋwa azɩlɛ yɩ zʋ nɩ. Yɩ́ VIDIYO nɩ na kila kezimɔ Gyisɛsɩ ɩla yɩ ali kɛɛ, ɩpɛ kɛɛ ɩbʋwa mmenii na Nyamɩnlɩ ɩma tumi yi kɛɛ ɩvá ɩyɛ ɔzɔ.
Mmɩlɩ mɔ Gyisɛsɩ ɩwɔ azɩlɛ yɩ zʋ nɩ, ɩyɛlɩ nninyeni be mɔɔ ɩma yɛnwʋ mɔɔ Nyamɩnlɩ Bulombunlililɛ ɩkɛyɛ. Nyilalɛ mɔɔ bɛhã nwʋmɔ odwokɔ wɔ azɩ ɛkɩ nɩ, numɔ ɛhɩnla dɩyɛ yɛ ekilaa yɩ ɔhʋanɩ paa a? Kɩnga kotehyɛnɩ eyimmɔ mɔɔ ɩma yɛnwʋ sʋ̃maa yɛfalɩ nyilalɛ eyimmɔ nwʋ nɩ.
|
GYISƐSƖ ƖWƆ AZƖLƐ YƖ ZƲ NƖ . . . |
GYISƐSƖ ƖZƲ̃ SƲLƆ . . . |
|---|---|
|
|
|
|
|
|
|
|
6. Nyamɩnlɩ Bulombunlililɛ yɩ ɩkɛma yekenyia nyilalɛ sʋ̃maa
Nyamɩnlɩ Bulombunlililɛ yɩ ɩkɛma sianti mɔɔ Gyehova ɩwɔlɩ adasamaa munwatĩĩ ɩkɛɣa numɔ. Bɔkɔwʋwa azɩ daabaa wɔ paladayɩsɩ azɩlɛ yɩ zʋ. Yɩ́ VIDIYO nɩ na kila kezimɔ Gyehova iluwa yɩ Ɣa Gyisɛsɩ zʋ ɩmaa Yi tile nu pɔkɔ ɩkɛɣa numɔ.
Kɩnga Ndwomi 145:16, na akʋ̃ bozunzú odwokɔɣizialɛ eyi nwʋ:
-
Gyehova ise ɩkɛma “tɩyasɩvʋlɔ bela ikenyia mɔɔ ihyinyia” nɩ, odwokɔ eyi kɛ ɩma ɛtɩ nɣanlɩ ese a?
ABIYEMMƆ BƐKÃ KƐƐ: “Sɛ ye nu bela ɩyɛ yɩ ɔfʋã nu dɩyɛ ɩfa ɩbʋwa a, sa yɛkʋla yɛyɛ oyuwadɩ eyi bʋwɔ.”
-
Ɔhaw azʋlɔtʋ mɔɔ enii yɩ aɣanɩ ɩáhʋla ɩyɩ wɔ ɛkɛnɩ mɔɔ Nyamɩnlɩ Bulombunlililɛ ɩkɛyɩ wɔ ɛkɛnɩ nɩ, ebiye yɛ lɛ mɩnla?
YƖ DƆKƆWƆLƐ
Nyamɩnlɩ Bulombunlililɛ ɩkɛma Nyamɩnlɩ yɩ apɛdɩ ɩkɛyɛlɩ ɛkɛ. Ɩkɛma azɩlɛ yɩ munwala ɩkɛlanɩ paladayɩsɩ mɔɔ mmenii baaba mɔɔ bɔsʋ̃mɩ Gyehova bɔkɔwʋwa ɔzʋlɔ daabaa.
Kɛ Okowuwa Ekeze a?
-
Mɩnla ɔhʋanɩ zʋ yɛ Nyamɩnlɩ Bulombunlililɛ yɩ ɩkɛdɩ Gyehova yi dima nwʋ a?
-
Mɩnla ti mɔɔ yɛkɔhʋla yekele yekeli kɛɛ, Nyamɩnlɩ yi Bulombunlililɛ nɩ ɩkɛma Nyamɩnlɩ yɩ anʋhʋba azʋlɔtʋ ɩkɛɣa nu a?
-
Nninyeni mɔɔ Nyamɩnlɩ Bulombunlililɛ ɩkɛyɛ nɩ, numɔ ɛhɩnla dɩyɛ yɛ ekilaa yɩ ɔhʋanɩ paa a?
PƖBƐ́ SƲ̃MAA
Kilá mɔɔ Amagadɔnʋ yɩ tʋ ikile.
“Mɩnla Yɛ Lɛ Amagadɔnʋ Kʋnɛ Nɩ a?” (Ndwokɔ mɔɔ ɩwɔ jw.org zʋ)
Kɩnga mɔɔ ɩkɔhɔlɩ ɔzʋlɔ wɔ mmɩlɩ mɔ Gyisɛsɩ idii tumi wɔ alʋbɔ 1,000 yi nu nɩɩ yɩ mɛda nɩ.
“Mɩnla Yɛ Ikezi Wɔ Ndɛnɩwuwalɛ Eɣile Yi Nu a?” (Ɔwɩɛnɩlɛ Aɣanɩ, September 1, 2012)
Kilá kezimɔ mmusunwa bɔkɔhʋla bɔkɔwɔ numɔ bɔkɔdwɩnɩndwɩnɩ nyilalɛ mɔɔ Bulombunlililɛ yɩ ɩkɛva ɩkɛɣa eɣile be nɩ nwʋ.
Kɩnga odwokɔ mɔɔ ise “Nɩ Ndwokɔɣizialɛ Sʋ̃maa Ɩkyɩ Mɩ Adwɩnɩ” na ɔkɔnwʋ kezimɔ manlɩyɛlɛnii be inyianlɩ munwalɩyɛ mɔɔ nɩ ɩpɩbɛɛ nɩ.
“Bayɩbʋlʋ Ɩsɩnza Ɛbɩlawɔlɛ” (Ɔwɩɛnɩlɛ Aɣanɩ, January 1, 2012)
