INU NKWEEN̄ 33
Inu Ama Ubọọn̄ Awaji Oborọ
Ama Ubọọn̄ Awaji okikpulu mgbọ keyi. Sọnja mgbọ, morọ atalek unwene me inyọn̄ ijọn̄ yi. Kè eji ekpa-nu usini ata mkpọ eji ekikpọ chieen̄ inwọnwọọn̄ me Ama Ubọọn̄ Awaji.
1. Ike owa ke Ama Ubọọn̄ Awaji obosa esuuk mè unen oyerebet inu me inyọn̄ ijọn̄ yi?
Jisọs Ogwu Ubọọn̄ Ama Ubọọn̄ Awaji, mojijaka mkpulu ebilene mè ebi mkpikpak me akọn̄ Amagedọn. (Ichichili 16:14, 16) Me mgbọ ya, nriran Baibul eyi obe ke “sọntiik mgbọ, ebi ikpak kpebeyaka ikup,” morọ iso me ojot ojot. (Okwa Itọn̄ 37:10) Inan̄a me lek Ama Ubọọn̄ Awaji, Jisọs momun̄ ijaan̄ ibe ke esuuk mè unen oyerebet ijot inyọn̄ ijọn̄ yi.—Fuk Asaya 11:4.
2. Ugwem ibokukup mgbọ nkeek Awaji isirọ iso me inyọn̄ ijọn̄ yi?
Me irak mkpulu Ama Ubọọn̄ Awaji, “ebi ata irọrọ ebekaan̄ ijọn̄ me ìrot, mè iluk me lek ijọn̄ ya ire mgbọ geelek.” (Okwa Itọn̄ 37:29) Keek nu ubọk ibokup iluluk me inyọn̄ ere otutuuk ene erebe ebi ata irọrọ, mè ebi imama Jioba mè ge ge si! Kpunu ogwu obofiak orukan̄, otutuuk ene meluk ire mgbọ geelek.
3. Keke ke Ama Ubọọn̄ Awaji oborọ isijijaka ebi mkpikpak isan̄a?
Esijijaka ebi mkpikpak isan̄a, Jisọs mokpulu kubọk Ogwu Ubọọn̄ me obop acha ge. Me mgbọ ya, ọmọ mè efit mè akọp obop ene ini mè obop ini (144,000) ibegọọk ọmọ ikpulu metap ubọk irọ ibe ebilene eso ekup mè ekakaan̄ ijo geege me emen. Obop acha ge ya isita, inyọn̄ ijọn̄ yi mokana ujuja paradais. Ebi ikibele ejit mè ikisiki ibọt inyi Jioba ebeluk me emen. Jisọs moneniyaka mkpulu ya inyi Jioba Ogwu Ute. Mgbọ ya, ke Jioba obochubọk isun̄ “erieen̄ [kan̄] me mbuban.” (Matiyu 6:9, 10) Mgbọ ya, otutuuk ene meriọọn̄ ibe ke Jioba ire ata Ogwu Mkpulu okikpọ chieen̄ me lek ebi ikikpulu. Jioba monenijijaka Setan, ebi ijo ekwukwu, mè ebi geelek inyenye ibọt inyi mkpulu Kan̄. (Ichichili 20:7-10) Ata inu geelek Ama Ubọọn̄ Awaji orọbe ibokukup ire mgbọ geelek.
KWEEN̄ GBAALEK
Kpọ inu orọrọ eji ebekọt itoon̄ ejit ibe ke Awaji mosa Ama Ubọọn̄ kan̄ irọ otutuuk use okup me emen Baibul ofolek mgbọ okup me isi iso.
4. Ama Ubọọn̄ Awaji mojijaka mkpulu ebilene
Ebi ene ebi ikakaan̄ unye mikitap unan me lek ebi ofifi ife. (Ogwu Etip 8:9) Jioba mosa Ama Ubọọn̄ kan̄ ineen̄ ufialek yi isun̄.
Fuk Danien 2:44 mè Ebi Teselonaika Eyi Òso Iba 1:6-8, mè igbaan̄ ikpa idodo chi:
-
Keke ke Jioba mè ogwu Gwun̄, Jisọs, eberọ mkpulu ebilene mè ebi ikibieen̄ ema inye?
-
Ike owa ke inu okween̄be ofolek Jioba mè Jisọs osa irọ ibe ochieek ojaan̄ ibe ke inu ema eberọ ibotatat?
5. Jisọs ore Ogwu Ubọọn̄ onwọnwọn ichit
Mgbọ ikupbe me inyọn̄ ijọn̄, Jisọs irọ usini me lek inu echi Ama Ubọọn̄ Awaji oborọ iso. Kpasi ugbana me lek echi egebe me ere yi ke obochubọk ima imumun̄ nrọ-nso kan̄? Fuk ere Baibul chi inyi okween̄ ogbaalek inu ofolek ugbana chi.
MGBỌ IKUPBE ME INYỌN̄ IJỌN̄, JISỌS. . . |
INAN̄A ME EMEN INYỌN̄, JISỌS . . . |
---|---|
|
|
|
|
|
|
|
|
6. Ama Ubọọn̄ Awaji morọ ibe mgbọ okup me isi kiji inwọn
Ama Ubọọn̄ Awaji morọ ibe inu Jioba okaan̄be me ejit inyi ebilene irọ iso. Ema meluk ire mgbọ geelek me paradais me inyọn̄ ijọn̄ yi. Fit FIDIO yi inyi omun̄ ubọk Jioba okisa ogwu Gwun̄ Jisọs isi ikwaan̄ isasa irọ nkeek Kan̄ iso.
Fuk Okwa Itọn̄ 145:16, mè igbaan̄ ikpa idodo yi:
-
Ike owa ke ikup owu me lek irọriọọn̄ ibe ke Jioba moche “uche òjot òjot inyi inu geelek okaan̄ ugwem, ubọk iweekbe” ni?
USINI ENE EKIBE: “Ire otutuuk kiji egbaan̄ isi ikwaan̄, eji mesan̄a ufialek okup me inyọn̄ yi isan̄a.”
-
Kpasi ufialek ke Ama Ubọọn̄ Awaji obosan̄a isan̄a echi mkpulu ebilene kpokọtge isan̄a isan̄a?
ME MGBIDIM
Ama Ubọọn̄ Awaji morọ nkeek Awaji iso. Morọ ibe otutuuk inyọn̄ ijọn̄ yi ikana paradais, ere ebi ata irọrọ ebeluk ijot mè ikitọbọ ebum inyi Jioba ire mgbọ geelek.
Idodo
-
Ike owa ke Ama Ubọọn̄ Awaji oborọ ibe erieen̄ Jioba ikup me mbuban?
-
Keke orọ eji ebechieek ibe ke Ama Ubọọn̄ Awaji morọ otutuuk use okup me emen Baibul iso?
-
Me lek otutuuk inu echi Ama Ubọọn̄ Awaji oborọ, eyi owa ke okikpọ chieen̄ inwọnwọọn̄?
WEEK
Kween̄ mkpọ Amagedọn ochubọk ire.
Fuk mkpọ oborọ me obop acha ge eyi Jisọs obokikpulu mè inu oborọ mgbọ ya isita.
“What Will Happen on Judgment Day?” (The Watchtower, September 1, 2012)
Kpọ ubọk ebi ototun̄ ukan̄ ebesa ikigbaan̄ igwu nkeek ikom me lek ugbana echi Ama Ubọọn̄ Awaji obosa inu.
Me ibot usem obe “I Was Troubled by Many Questions,” kween̄ ubọk ogwu enerieen̄ ge okinye ibot inyi mkpulu osabe imun̄ inu ikiweek.