Chau Ngünechen ñi Ngünenel ngüneneuyi, beimu püchüñma mu cüme elcünotobi billque dungu Mapu mu. Peabiiñ quiñeque dungu ñi chumal Jehová cüpalechi antü mu ca chumabüimi tami maneluucüleal bei mu.

1. Chau Ngünechen ñi Ngünenel, ¿chumai tañi cüme beletol Mapu?

Püchüñma mu müleai quiñe bütra hueichan Armagedón pingelu. Tübachi hueichan mu Jesucristo apümcaabi pu huentru tañi ngünenel ca tati hueyaque che (Apocalipsis 16:14, 16). Tati Biblia eipi poule beichi antü “tati hueyaque che ngehuetulaai engün” (Salmo 37:10). Chau Ngünechen tañi Ngünenel mu Jesús quelluabi (incaabi) pu che ñi cüme beleal engün ca ñi müleal re norngechi dungu (papiltunge Isaías 11:4).

2. Chau Ngünechen ngünenetule Mapu, ¿chumcületoi pu che?

Chau Ngünechen ngünenetule Mapu “pu norngechi che llohuaingün tati Mapu, ca abquenochi mongen nieaingün bei mu” (Salmo 37:29). Raquiduamnge, cüpalechi antü mu com pu che nieai cümeque raquiduam müten, com pu che huenupüramabi Jehová ca hueluquechi piuqueyehuaingün, ¡cümeabüi tati! Cabei tati pu che cutranhuelaai ca lahuelaai.

3. Ngehuenole hueyaque che, ¿chumai Chau Ngünechen ñi Ngünenel?

Jesús apümcaabi tati hueyaque che, beimu huaranca tripantu mu ngüneneai. Quidu ca pu 144.000 quelluabingün pu che ñi yabcabe chengehuenoal engün. 1.000 tripantu upale hula, ayübalngetoi Mapu ca com pu che inaabi Jehová ñi eipin, beimu müna ayüucüleaingün. Com tübachi dungu upale, Jesús huiñoleltuabi tañi ngüneneal tañi Chau Jehová. Beichi antü mu, müna yamnengeai Chau Jehová tañi üi (Mateo 6:9, 10). Com pu che quimpoai bente taiñ cüme ngünenetu Jehová. Beimu hula Jehová apümcaabi Satanás, pu hueyaque püllü ca chem che ume tañi caiñetuetu (Apocalipsis 20:7-10). Bemngechi Chau Ngünechen ñi Ngünenel mu abquenochi ayühun ca cüme belen nieaiñ.

 DOI CÜME QUIMNGE

4. Chau Dio tañi Ngünenel apümcaabi pu che ñi ngünenel

Pu che ngünenebi caque che, beimu re hueya tripaqui müten (Eclesiastés 8:9). Tañi Ngünenel mu, Jehová cüme elcünotobi com ñi hueya bemquel pu che tañi ngünenel.

Papiltoiñ Daniel 2:44 ca 2 Tesalonicenses 1:6-8. Papiltungele hula ngütramcaabiiñ tübachi epu ramtun:

• Jehová, Jesús engu ¿chumabingu pu che ñi ngünenel ca com ñi pu quelluquetu?

• Tami quimpol Jehová ca Jesús mu, ¿chemu maneluhuabüimi ñi norngeal com tañi bemal engu?

5. Jesús rüb pepicaucüli ñi ngüneneal

Jesús ngünenetule Mapu billque dungu bemai ñi cümelcaabel pu che. Quintulbe tati VIDEO, beimu quimaiñ chemu maneluhuabüiñ Jesús ayühun mu bemqui com ñi huercüetu tañi Chau ca chumngechi Jehová elueyu nehuen ñi bempoal com tübachi dungu.

Jesús ñi bemün Mapu mu pengeli chumai Chau Ngünechen ñi Ngünenel cüpalechi antü mu. Inalechi cümeque dungu Jesús tañi bemün ca tañi bemal cüpalechi antü mu, ¿chuchi doi ayüquimi? Papiltunge com huirin tripalu Biblia mu pengelquelu chem upaai.

6. Chau Ngünechen ngünenetule Mapu com cüme beletoiñ

 CHEM PEIÑ TÜBAMU

Chau Ngünechen ñi Ngünenel ngünenetubile Mapu bemngepoai Jehová tañi ayüquel Mapu mu, beimu com pu che abquenochi ayühun ca cüme belen nieaingün.

Chem quimeleleiñmu tüba

• ¿Chumai Chau Ngünechen tañi Ngünenel ñi yamnengetol Jehová tañi üi?

• Chau Ngünechen tañi Ngünenel bempoai ñi eipicünongel Biblia mu, ¿chemu maneluhuabüiñ tüba mu?

• Chau Ngünechen ñi Ngünenel ñi bemal, ¿chuchi am doi ayübimi?