ДӘРС 33
Аллаһын Падшаһлығынын ҝөрәҹәји ишләр
Аллаһын Падшаһлығы артыг ҝөјдә һакимијјәт сүрүр. Бу Падшаһлыг тезликлә јер үзәриндә дә һакимијјәт сүрәҹәк вә бурада көклү дәјишикликләр едәҹәк. Бу фәсилдә ҝөрәҹәксиниз ки, Падшаһлығын һакимијјәти алтында јашајанда һансы немәтләри алаҹагсыныз.
1. Аллаһын Падшаһлығы јер үзүндә сүлһү вә әдаләти неҹә бәргәрар едәҹәк?
Аллаһын Падшаһлығынын Падшаһы Иса Мәсиһ Армаҝеддон мүһарибәсиндә шәр инсанлары, о ҹүмләдән бу дүнјадакы һөкумәтләри мәһв едәҹәк (Вәһј 16:14, 16). Онда Мүгәддәс Китабдакы нөвбәти вәд там шәкилдә ҝерчәкләшәҹәк: «Аз галыб! Артыг пис адам олмајаҹаг» (Зәбур 37:10). Иса Падшаһлыг васитәсилә бүтүн јер үзүндә сүлһү вә әдаләти бәргәрар едәҹәк. (Әшија 11:4 ајәсини охујун.)
2. Јер үзүндә Аллаһын ирадәси јеринә јетәндә һәјат неҹә олаҹаг?
Аллаһын Падшаһлығы дүнјаны идарә едәндә «салеһләр јерә саһиб олаҹаг, орада әбәди јашајаҹаглар» (Зәбур 37:29). Тәсәввүр едирсиниз, белә бир дүнјада јашамаг неҹә ҝөзәл олаҹаг! Дүнјада јалныз салеһ инсанлар јашајаҹаг, һәр кәс Јеһованы вә бир-бирини севәҹәк. Һеч кәс хәстәләнмәјәҹәк, һамы әбәди јашајаҹаг.
3. Шәр инсанлар мәһв оландан сонра Аллаһын Падшаһлығы һансы ишләри һәјата кечирәҹәк?
Шәр инсанлар мәһв оландан сонра Иса 1000 ил һакимијјәт сүрәҹәк. Бу дөвр әрзиндә Иса вә онунла һакимијјәт сүрән 144 000 нәфәр бүтүн инсанлары камилләшдирәҹәк. Бу дөврүн тамамында бүтүн Јер күрәси ҹәннәтә дөнәҹәк. Орада Јеһованын ганунларына итаәт едән хошбәхт инсанлар јашајаҹаг. Сонра Иса һакимијјәти Атасына, Јеһоваја гајтараҹаг. Јеһованын ады һеч вахт олмадығы гәдәр мүгәддәс тутулаҹаг (Мәтта 6:9, 10). Артыг сүбута јетириләҹәк ки, Јеһова бәндәләринин гејдинә галан јахшы Һөкмдардыр. О заман Јеһова Шејтаны, ҹинләри вә һакимијјәтинә гаршы чыхан һәр кәси мәһв едәҹәк (Вәһј 20:7—10). Аллаһын Падшаһлығынын бәргәрар етдији мүкәммәл һәјат әбәди сүрәҹәк.
Д Ә Р И Н Л И Ј Ә В А Р Ы Н
Ҝөрүн нәјә ҝөрә әмин ола биләрик ки, Аллаһ ҝәләҹәклә бағлы бүтүн вәдләрини Падшаһлыг васитәсилә јеринә јетирәҹәк.
4. Аллаһын Падшаһлығы бу дүнјадакы һөкумәтләрә сон гојаҹаг
«Бүтүн дөврләрдә инсанын инсана ағалыг етмәси инсанын зәрәринә олуб» (Ваиз 8:9). Јеһова инсан һакимијјәтинин вурдуғу зијаны Падшаһлыг васитәсилә арадан галдыраҹаг.
Дәнјал 2:44 вә 2 Салоникилиләрә 1:6—8 ајәләрини охујун. Сонра нөвбәти суаллары мүзакирә един:
-
Јеһова Аллаһ вә Иса Мәсиһ инсан һөкумәтләринә вә онларын тәрәфдашларына нә едәҹәк?
-
Јеһова вә Иса һаггында өјрәндикләриниз сизи неҹә әмин едир ки, онларын бу һөкмү әдаләтли олаҹаг?
5. Иса мүкәммәл Падшаһдыр
Аллаһын Падшаһлығынын Падшаһы олан Иса јер үзүндә јашајан инсанларын рифаһы үчүн чохлу ишләр ҝөрәҹәк. ВИДЕОЈА бахын. Ҝөрүн Иса неҹә ҝөстәрмишди ки, инсанлара көмәк етмәк истәјир вә Аллаһын вердији гүввә илә буну етмәјә гадирдир.
Иса Мәсиһ јер үзүндә оланда Падшаһлығын нәләр едәҹәјини әјани шәкилдә ҝөстәрмишди. Нөвбәти немәтләрдән һансыны даһа чох ҝөзләјирсиниз? Һәмин немәтләрин гаршысындакы ајәләри охујун.
|
ИСА ЈЕР ҮЗҮНДӘ ОЛАНДА... |
ИСА ҜӨЈДӘН ЈЕРИ ИДАРӘ ЕДӘНДӘ... |
|---|---|
|
|
|
|
|
|
|
|
6. Аллаһын Падшаһлығынын һакимијјәти алтында һәјат ҝөзәл олаҹаг
Падшаһлыг Јеһованын инсанларла бағлы илк нијјәтини тамлығы илә ҝерчәкләшдирәҹәк. Инсанлар ҹәннәтә чеврилмиш јер үзүндә әбәди јашајаҹаг. ВИДЕОЈА бахын вә ҝөрүн Јеһова Оғлу Иса Мәсиһ васитәсилә нијјәтини неҹә јеринә јетирир.
Зәбур 145:16 ајәсини охујун вә нөвбәти суалы мүзакирә един:
-
Јеһованын һәр бир мәхлугу истәјинә чатдыраҹағыны билмәк сиздә һансы һиссләри ојадыр?
БӘЗИ ИНСАНЛАР ДЕЈИР: «Бүтүн инсанлар бирләшсә, дүнјанын проблемләри һәлл олунар».
-
Аллаһын Падшаһлығы дүнја һөкумәтләринин һәлл едә билмәдији һансы проблемләри һәлл едәҹәк?
ИҸМАЛ
Аллаһын Падшаһлығы Аллаһын нијјәтини һәјата кечирәҹәк. Бүтүн Јер күрәси ҹәннәтә чевриләҹәк, орада јалныз Јеһоваја ибадәт едән салеһ инсанлар мәскән салыб әбәди јашајаҹаг.
Тәкрар
-
Аллаһын Падшаһлығы Јеһованын адыны неҹә мүгәддәс едәҹәк?
-
Нәјә ҝөрә әмин ола биләрик ки, Аллаһын Падшаһлығы Мүгәддәс Китабдакы вәдләри ҝерчәкләшдирәҹәк?
-
Падшаһлығын һәјата кечирәҹәји ишләрдән һансыны ҝөрмәји даһа чох арзулајырсыныз?
Ә Л А В Ә М Ә Л У М А Т
Армаҝеддон нә демәкдир?
Иса Мәсиһин 1000 иллик һакимијјәти әрзиндә вә һәмин дөврүн тамамында баш верәҹәк һадисәләр барәдә охујун.
«Һөкм ҝүнүндә нә баш верәҹәк?» («Ҝөзәтчи гүлләси», 1 сентјабр 2012)
Видеоја бахараг аиләнизлә бирҝә Ҹәннәтдәки һәјаты тәсәввүрүнүздә ҹанландырын.
«Бир чох суал мәнә раһатлыг вермирди» мәгаләсини охујун вә ҝөрүн сијаси үсјанкар ахтардығы ҹавабы неҹә тапды.
«Мүгәддәс Китаб һәјатлары дәјишир» («Ҝөзәтчи гүлләси», јанвар—март 2012)
You May Also Like
ТЕЗ-ТЕЗ ВЕРИЛӘН СУАЛЛАР
Мүгәддәс Јазылары өјрәнмәк нә демәкдир?
Мүгәддәс Китабы тәмәннасыз өјрәнмәјә даир суалларыныза ҹаваб алын.
