Domma mamarentah Harajaon ni Naibata sonari. Tongkin nari bahenon ni Naibata ma parubahan i sab tanoh on. Ulas hita ma piga-piga parubahan ai.

1. Sonaha Harajaon ni Naibata parohkon hadameion hu tanoh on?

Songon na dob iulas hita, Jesus do Raja Harajaon ni Naibata. Holi bani porang Harmagedon iripaskon ma ganup parjahat ampa pamarentahan ni jolma. (Pangungkabon 16:14, 16) Sanggah ai, saud ma janji na ihatahon bani Bibel, “Tongkin nari gelah seng dong be parjahat in.” (Psalmen 37:10) Marhitei Harajaon ai, parohon ni Jesus ma hadameion hu sab tanoh on.​—Basa Jesaya 11:4.

2. Dob saud harosuh ni Naibata, sonaha ma hagoluhan i tanoh on?

Marhitei Harajaon ni Naibata, “ibere do tanoh on gabe parbagianan ni halak na pintor maruhur, anjaha tongtong do sidea marianan ijai”. (Psalmen 37:29) Bayangkon ma, holi halak na bujur dassa na dong i tanoh on. Ganup halak mangkaholongi Jahowa janah marsihaholongan! Lang adong be na boritan, janah ganup jolma manggoluh sadokah ni dokahni.

3. Dob iripaskon parjahat, aha ma na laho ibahen Harajaon ni Naibata?

Dob iripaskon parjahat, mamarentah ma Jesus pakon 144.000 halak sadokah 1.000 tahun. Sanggah ai, iurupi sidea ma ganup jolma gabe sempurna. Dob salpu 1.000 tahun ai, domma gabe Paradeiso tanoh on, janah marmalas ni uhur ma ganup halak ijai halani mandalankon parentah ni Jahowa. Dob ai, iondoskon Jesus ma Harajaon ai hubani Jahowa, Bapani. Anjaha gabe ‘ipapansing ma goran ni Jahowa’. (Mateus 6:9, 10) Gabe tarbukti ma Jahowa do Parkuasa na sidearan na parduli bani rakyat-Ni. Iripaskon ma holi Sibolis, begu-beguni, pakon ganup halak na manlawan hubani pamarentahan-Ni. (Pangungkabon 20:7-10) Martahan ronsi sadokah ni dokahni do ganupan na ibahen Harajaon ni Naibata ai.

 PARLAJARI ROH BAHATNI

4. Iripaskon Harajaon ni Naibata ma pamarentahan ni jolma

Sadokah on, “gabe sunsah do anggo jolma na manrajai jolma”. (Parambilan 8:9) Tapi marhitei Harajaon ni Naibata, isasap ma holi ganup ketidakadilan i tanoh on.

Basa ma Daniel 2:44 pakon 2 Tessalonika 1:6-8, janah ulas ma sungkun-sungkun on:

• Aha ma holi na laho ibahen Jahowa pakon Jesus hubani pamarentahan ni jolma pakon na mangihutkon sidea?

• Mase pos uhurmu sintong janah adil do pambahenan ni Jahowa pakon Jesus?

5. Jesus do Raja na sidearan

Bahat do cara na laho bahenon ni Jesus laho mangurupi rakyat ni i tanoh on. Tonton ma VIDEO na patuduhkon ai do harosuh ni Jesus janah ibere Naibata do kuasa bani laho mangkorjahon ai.

Aha na ihorjahon Jesus sanggah ia i tanoh on, ai ma gabe contoh na laho bahenonni bani Harajaonni. Tonggor ma daftar na mangihut na patugahkon aha na domma pakon na laho ibahen Jesus. Na ija do na paling ipaima-ima ham? Basa ma ayat-ayat na dong bani daftar ai.

6. Dear tumang do hagoluhanta bani Harajaon ni Naibata

 RIMPUNAN

Marhitei Harajaon ni Naibata, saud ma holi harosuh ni Jahowa. Bahenon-Ni ma tanoh on gabe Paradeiso, anjaha ganup halak na tading ijai pitah manombah Jahowa janah manggoluh sadokahni-dokahni.

Na Dob Iparlajari

• Sonaha Harajaon ni Naibata papansingkon goran ni Jahowa?

• Mase pos uhurta saud do holi ganup janji ni Jahowa marhitei Harajaon-Ni?

• Humbani ganup na laho bahenon ni Harajaon ni Naibata na ija do na paling ipaima-ima ham?