Éjôé Zambe é tatéya na ja jôé. Ana’ana, ja zu tyendé abui mam si va. Bi tame zu yen mbamba be mam Éjôé Zambe jé soo me.

1. Aval avé Éjôé Zambe jé soo mvo’é a zôsôô si va?

Yésus, Njôô ya Éjôé Zambe, é mane jiane mbia be bôt bese a bijôé ya émo ji bita ya Harmaguédon. (Nlitan 16:​14, 16) Éyoñe te ngaka’a ya Kalate Zambe nyi ja ye tôéban: “Ôbe nté ô ngenan, a mbia môt a ye fe tabe.” (Besam 37:10) A zene ya Éjôé Zambe, Yésus é bo na mvo’é a zôsôô bi jaé si se ne lut.​—Lañe’e Ésaïe 11:4.

2. Ényiñ jé bo aya éyoñ nkômbane Zambe wé bobane si va?

Éjôé Zambe jé bo na ‘bôt be ne zôsô be nyoñe si, a tabe été nnôm éto.’ (Besam 37:29) Tame ve’ele simesane na wo nyiñe si é ne njalan a bezôsôô be bôt, bese be nye’e Yéhôva a be nye’esan! Teke môt é beta kon. Bôte bese bé nyiñe nnôm éto.

3. Jé Éjôé Zambe jé bo éyoñ jé mane jiane mbia be bôt?

Éyoñ Yésus a maneya jiane mbia be bôt, a ye jôé tañe toyini mimbu. Éyoñe te Yésus a bôte 144 000 ba ye jôé a nye bé volô bôte na abé e ne be metyi e vas. Mvuse toyini mimbu éte, si se ja ye mane bo abeñe paradis, a bôte bese ba ye nyiñe meva’ été amu ba tôñe metiñe me Yéhôva. Éyoñe te Yésus a ye bulane ve Ésaa wé Yéhôva Éjôé. Mvuse ya valé, “jôé [Zambe da ye] bo étyi” aval é ngenane teke tame bo môs éziñ. (Matthieu 6:​9, 10) Da ye kôme yené na Yéhôva a ne mbamba Njôô a nyoñe ngab a bebo bisaé bé. Éyoñe te Yéhôva é wôé Satan a mimbia minsisime mié, a bôte bese ba bo éngana’a. (Nlitan 20:​7-​10) Bibotan Éjôé Zambe ja ye soo bie bii tabe nnôm éto.

 TUKA’A FAK

4. Éjôé Zambe jé mane tyam bijôé bise ya émo ji

“Môte wua a jôô môt mfe njôane ya ndamane nye.” (Écclésiaste 8:9) Yéhôva é belan Éjôé jé asu na a vaa ékotekot éte.

Lañe’e Daniel 2:​44 a 2 Bethessalonicien 1:​6-8, mvuse ya valé, yala’ane minsili mi:

• Jé Yéhôva ba Mone wé Yésus ba ye bo bijôé ya émo ji a bôte ba su’u bie?

• Aval avé mam ô nga yé’é a lat a Yéhôva ba Yésus ma bôône wo nleme si na mam mese bé bo ma ye bobane zôsôô été, a aval da yian?

5. Yésus a ne Njôô a yian

Mbôle Yésus nnye a ne Njôô ya Éjôé Zambe, é soo bôte ya si va angôndô ya mbamba be mam. Futi’i VIDÉO asu na ô yen aval avé Yésus a nga liti na a bili nkômban a ngule Zambe a nga ve nye na a volô bôt.

Mam Yésus a nga bo éyoñ a mbe si va me nga liti bia éve’ela ya mam Éjôé Zambe ja ye bo melu ma zu. Éyoñe wo yene bibotane bise Éjôé Zambe jé so bie, mam mevé wo yange a ôjeja’a ôse? Lañe’e bifuse bia liti bibotan Éjôé Zambe ja ye soo bie.

6. Éjôé Zambe ja ye ve bôt mbamba ényiñ

 ÔBALEBAS

Éjôé Zambe ja ye tôé nkômbane Yéhôva. Si ése ja ye bo Paradis, vôme bôte ba kañe Yéhôva ba ye nyiñe nnôm éto.

Ô ne yalan aya?

• Aval avé Éjôé Zambe jé fubu éyôlé Yéhôva?

• Amu jé bi ne tabe ndi na Éjôé Zambe ja ye tôé bengaka’a bia koone be Bible?

• Ngaka’a fé wo yange a ôjeja’a ôse na é tôéban?