LECCION 33
Si Cosa Hay Hace el Reino
Ta rula ya ahora el Reino del Dios. Gendeh tarda, hay hace este maga grande cambio na tierra. Considera kita el cuanto bonito cosas que puede tu expecta bajo na rulanza del Reino.
1. Paquemodo el Reino del Dios hay lleva paz y justicia na mundo?
Si Jesus, el Rey del Reino del Dios, hay destroza con el maga mal gente y gobierno na guerra de Armagedon. (Revelacion 16:14, 16) Na ese tiempo, cumpli ya gayot este promesa na Biblia: “Corto tiempo ya lang, el maga malo gendeh mas existi.” (Salmo 37:10) Por medio na Reino, si Jesus hay asigura que llena el tierra de paz y justicia.—Le con el Isaias 11:4.
2. Cosa hay sucede si cumpli ya el voluntad del Dios na tierra?
Bajo na Reino del Dios, “el maga recto hay hereda con el tierra y hay esta sila alli hasta para cuando.” (Salmo 37:29) Imagina que hay vivi tu na un mundo donde bueno el maga gente y ta ama el todo con Jehova, y con uno y otro. Nuay mas quien hay enferma y todo hay vivi hasta para cuando.
3. Cosa hay hace el Reino despues destroza con el maga malo?
Despues destroza con el maga malo, si Jesus hay rula como Rey por 1,000 año. Na ese tiempo, ele y el 144,000 quien junto rula con ele hay ayuda con el maga gente para queda perfecto. Na fin de ese tiempo, el tierra hay queda un bonito paraiso y el maga gente hay queda alegre cay ta obedece sila con el maga ley de Jehova. Despues, si Jesus hay debolbe con el rulanza na de suyu Tata, si Jehova. Y hay ‘santifica con el nombre’ de Jehova. (Mateo 6:9, 10, NWT) Hay queda gayot claro na ese tiempo que si Jehova amo un buen Lider quien ta ama con el de suyu maga viviente. Despues, si Jehova hay destroza con Satanas, con el maga demonio y con el otro quien tan rebelde contra na De Suyu rulanza. (Revelacion 20:7-10) El perfecto condicion del mundo hay esta hasta para cuando.
APRENDE PA MAS
Considera si porque kita puede confia que el Dios hay usa con el Reino para cumpli con el todo profecia na Biblia para na futuro.
4. El Reino del Dios hay termina con el todo gobierno del gente
“El gente ya domina con el gente para na de suyu perjuicio.” (Eclesiastes 8:9) Por medio na de suyu Reino, si Jehova hay compone con el mal efecto del injusticia.
Le con el Daniel 2:44 y 2 Tesalonica 1:6-8, y despues, discuti con este maga pregunta:
-
Cosa hay hace si Jehova y el de suyu anak, si Jesus, con el maga gobierno del gente y con el maga ta suporta con este?
-
Paquemodo el cosa tu ya aprende acerca con Jehova y Jesus puede ayuda contigo para asigura que actua sila con justicia?
5. Si Jesus el de con todo buen Rey
Como el Rey del Reino del Dios, si Jesus hay ayuda con el maga gente na manada manera. Man play con el VIDEO para mira si paquemodo si Jesus ya dale mira que tiene le el deseo y el poder que estaba con Dios para ayuda con el maga gente.
Cuando taqui le na tierra, ya dale mira si Jesus si cosa hace el Reino. Cosa maga bendicion el ta esperanza gayot tu? Le con el maga texto para sabe mas acerca con ese maga bendicion.
|
CUANDO TAQUI NA TIERRA, SI JESUS . . . |
ESTABA NA CIELO, SI JESUS HAY . . . |
|---|---|
|
|
|
|
|
|
|
|
6. El Reino del Dios hay dale kanaton bonito futuro
El Reino hay cumpli con el original proposito de Jehova para na maga gente. Hay vivi sila hasta para cuando na paraiso tierra. Man play con el VIDEO para mira si paquemodo si Jehova ta usa con el de suyu Anak, si Jesus, para cumpli con el De Suyu proposito.
Le con el Salmo 145:16 y despues, discuti con este pregunta:
-
Cosa tu ta sinti cay si Jehova hay “satisfecha el deseo del todo vivo”?
EL CUANTO TA HABLA: “Si trabaja lang kita todo junto, puede kita solva con el maga problema na mundo.”
-
Cosa maga problema hay solva el Reino del Dios que gendeh puede solva el maga gobierno del gente?
SUMARIO
El Reino hay cumpli con el voluntad del Dios. Hay hace este paraiso con el entero tierra y queda este lleno de maga buen gente quien hay adora con Jehova hasta para cuando.
Repaso
-
Paquemodo el Reino del Dios hay santifica con el nombre de Jehova?
-
Porque kita puede creé que el Reino hay cumpli con el maga promesa na Biblia?
-
Na todo buen cosas que hay hace el Reino, cosa gayot tu ta esperanza?
SABE PA MAS
Sabe si cosa quierre decir del Armagedon.
Examina si cosa hay sucede durante el 1,000-año rulanza de Jesus y na fin de este.
“Cosa Hay Sucede na Dia de Juzgamiento?” (The Watchtower, Septiembre 1, 2012)
Mira si paquemodo el maga familia puede junto medita con el maga bendicion del Reino na futuro.
Na articulo “Manada Pregunta na De Mio Pensamiento,” sabe si paquemodo ya incuntra el un rebelde con el maga solucion que ta busca le.
“El Biblia Puede Cambia con el Vida” (The Watchtower, Enero 1, 2012)
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
