ISHOMO RYA 33
Ni enki eki Obukama bwa Ruhanga burije kuturetera?
Obukama bwa Ruhanga nibutegeka omu iguru. Juba aha nibwija kutegeka ensi yona kandi butume ebintu byona byaba birungi omu nsi. Reka tushwijume bimwe omu bintu birungi ebi Obukama burije kuturetera.
1. Ni bata oku Obukama bwa Ruhanga burigaruraho obusinge n’oburinganiza omu nsi?
Yesu, Omugabe w’Obukama bwa Ruhanga nayija kucwecereza abantu babi n’obutegeki bw’abantu aha rutaro rwa Haramagedoni. (Okushuuruurwa 16:14, 16) Omuri obwo bwire, eki kiraganiso c’omuri Bibuli ekiri kugira ngu: ‘Bwanyima y’akanya kace omubi aryaba atakiriho,’ nikija kuhikirira. (Zaaburi 37:10) Yesu nayija kukoresa obwo Bukama kugira ngu areteho obusinge n’oburinganiza omu nsi.—Shoma omuri Isaaya 11:4.
2. Amagara garyaba gari gata obu ebi Ruhanga ari kukunda biriba biri kukorwa omu nsi?
Obukama bwa Ruhanga ku buritandika kutegeka, ‘abahikirire baryahungura ensi, bagituremu ebiro byona.’ (Zaaburi 37:29) Tekateka obu oriba ori omu nsi obu buri omwe ariba ahikirire, bona bari kukunda Ruhanga, kandi bari kukundana! Obwo bwire tihine origaruka kurwara kandi turyabaho ebiro byona.
3. Ni enki eki Obukama bwa Ruhanga burikora bwanyima y’okucwecereza ababi?
Ababi ku barimara kucwecerezibwa, Yesu aryategeka emyaka 1,000. Omuri obwo bwire we n’abantu 144,000 abu barikwatanisa kutegeka, nibija kukwasa abantu kuba abahikirire. Aha muheru gw’emyaka rukumi ensi neyija kuhinduka paradiso ndungi, kandi abantu bona baryashemererwa ahabw’okorobera ebiragiro bya Yehova. Bwanyima Yesu aryagarura Obukama omu mikono y’Ishe Yehova. Eco nikija kutuma izina rya Yehova ‘ryayezibwa [kukira] kare.’ (Matayo 6:9, 10) Eco nikija kwereka ku Yehova ari omutegeki murungi ori kufa aha bantu beye. Yehova nayija kucwecereza Sitaane na ba badayimoni, n’abandi bantu bona abari kugomera Obukama bweye. (Okushuuruurwa 20:7-10) Ebintu birungi ebi Obukama bwa Ruhanga burireta biryagumaho ebiro byona.
YEGA BYINGI
Shwijuma enshonga ahabw’enki turi kubasa kwesiga ku Ruhanga arije kukoresa Obukama bweye omu kuhikiriza ebiraganiso byona by’omuri Bibuli ebiri kugamba aha biro by’omu misho.
4. Obukama bwa Ruhanga nibwija kwihaho obutegeki bw’abantu
Omuntu nategeka mugenzi weye ari kumukora kubi. (Omubuurizi 8:9) Yehova nayija kukoresa Obukama bweye kugira ngu ayiheho obutariburinganiza.
Shoma omuri Danieli 2:44 n’omuri 2 Batesalonika 1:6-8, rero muganire ahari ebi bibuzo:
-
Ni bata oku Yehova na Yesu barije kwihaho obutegeki bw’abantu n’abari kubushagika?
-
Ni bata oku ebi wayegire ahari Yehova na Yesu biri kukuhamiza ku barije kukora eby’oburinganiza?
5. Yesu ni Omugabe murungi
Yesu, Omugabe w’Obukama bwa Ruhanga, nayija kukwasa abantu b’omu nsi omu buryo bwingi. Zana VIDIYO kugira ngu orebe oku Yesu yayerekire ku ayine ecetengo n’amani agu Ruhanga yamuhire kugira ngu akwase abantu.
Obu Yesu yabire ari omu nsi akereka omurozo gw’ebi Obukama bwa Ruhanga burije kukora. Ni guha omuri egi migisha ogu otegerize n’ekihika? Shoma ebyahandikirwe ebiri kushoborora eyo migisha.
|
OBU YESU YABIRE ARI OMU NSI . . . |
YESU ARI OMU IGURU, NAYIJA . . . |
|---|---|
|
|
|
|
|
|
|
|
6. Obukama bwa Ruhanga nibwija kuturetera ebirungi byingi
Obukama bwa Ruhanga nibwija kuhikiriza omu bwijwire ekigendererwa eki Ruhanga yabire ayinire abantu omu kubanza. Nibija kubaho ebiro byona omuri paradiso omu nsi. Zana VIDIYO orebe oku Yehova ari kukoresa Omwana weye Yesu omu kuhikiriza ekigendererwa ceye.
Shoma omuri Zaaburi 145:16, rero muganire ahari eki kibuzo:
-
Noyehurira ota wamanya ku Yehova arije ‘kuhazya ekintu cona ekihurire ebi kiri kwetenga’?
ABANTU ABAMWE NIBAGAMBA NGU: “Twena twakora n’amani nitubasa kwihaho ebizibu byona by’omu nsi.”
-
Ni biha bintu ebi Obukama bwa Ruhanga burije kwihaho ebyaremire obutegeki bw’abantu?
EMPINYE
Obukama bwa Ruhanga nibwija kuhikiriza ekigendererwa cabwo. Nibwija kuhindura ensi yona paradiso eyijwire abantu barungi abarije kuba nibaramya Yehova ebiro byona.
Wayega ki?
-
Ni bata oku Obukama bwa Ruhanga burije kweza izina rya Yehova?
-
Ahabw’enki turi kubasa kwesiga ku Obukama bwa Ruhanga burije kuhikiriza ebiraganiso by’omuri Bibuli?
-
Omu bintu birungi ebi Obukama burije kukora ni biha ebi ori kwenda kureba?
CONDOZA
Reba eki ekigambo Haramagedoni kiri kumanyisa.
“Orutaro rwa Haramagedoni ni enki?” (Enkuru y’ahari intaneti)
Shwijuma ebirije kubaho omu butegeki bwa Yesu bw’emyaka 1,000 n’aha muheru gwabwo.
“Ni enki ekirije kubaho ah’izoba ry’orubanja?” (Omunara g’Omurinzi, 1 Okwamwenda, 2012)
Reba oku ab’omu ka bari kubasa kwekwatanisa omu kutera akashushani aha migisha eyi Obukama burije kureta omu biro by’omu misho.
Omu nkuru eyine omutwe oguri kugira ngu: “Nkaba nyine ebibuzo byingi,” yetegereze oku omushija omwe yatungire ebyokugarukamu by’ebibuzo ebi yabire ari kwebuza.
“Bibuli nehindura amagara g’abantu” (Omunara g’Omurinzi, 1 Okokubanza, 2012)
