UKPEPN̄KPỌ 33
Se Iditịbede ke Obio Ubọn̄ Abasi
Ukara Abasi ama ọtọtọn̄ọ ke heaven. Ibịghike ukara oro eyedi edinam n̄kpọ ọfọn ke isọn̄. Yak ineme ndusụk nti n̄kpọ emi editịbede ke Obio Ubọn̄ Abasi.
1. Nso idinam ufịk etre inyụn̄ inam emem odu ke isọn̄ ke Obio Ubọn̄ Abasi?
Jesus edi Edidem Obio Ubọn̄ Abasi; enye oyosobo kpukpru ndiọi owo ye ukara owo ke ini ekọn̄ Armageddon. (Ediyarade 16:14, 16) Ini oro ke itie Bible emi ọdọhọde ke “ayak esisịt, idiọkowo ididụhe aba” edisu ke kpukpru itie. (Psalm 37:10) Ke ukara Abasi, Jesus ayanam n̄kpọ man okụt ete ke ufịk etre, ke emem onyụn̄ odu ke ofụri isọn̄.—Kot Isaiah 11:4.
2. N̄kpọ editie didie ẹma ẹnam uduak Abasi ke ofụri isọn̄?
“Ndinen owo ẹyeda isọn̄ ẹnyene, ẹnyụn̄ ẹdụn̄ ke esịt ke nsinsi” ukara Abasi ama edi edisịm isọn̄. (Psalm 37:29) Kere nte uwem editiede ini kpukpru owo ke isọn̄ ẹdimade Jehovah, ẹma mbon en̄wen, ẹnyụn̄ ẹnam nti n̄kpọ kpukpru ini! Owo ididọn̄ọke aba; owo idikpaha aba.
3. Nso iditịbe ke Obio Ubọn̄ Abasi ẹma ẹsobo ndiọi owo ẹma?
Jesus ayakara isọn̄ ke isua 1,000 ẹma ẹsobo ndiọi owo ẹma. Enye ye owo 144,000 oro ẹditienede enye ikara ẹyeda ini oro ẹnam mme owo ẹfọn ẹma. Isua 1,000 oro etikụre, n̄kpọ ọyọfọn ama ke ofụri isọn̄—mme owo ẹyekop ata inemesịt sia kpukpru owo ẹdidu uwem nte Jehovah ọdọhọde. Ini oro ndien ke Jesus edifiak ikpọn̄ ukara inọ Jehovah Ete esie. ‘Ẹyenam enyịn̄ Jehovah asana’ ke ofụri enyọn̄ ye isọn̄. (Matthew 6:9, 10) Etisịm ini oro, kpukpru owo ke enyọn̄ ye isọn̄ ẹyenen̄ede ẹkụt ke Jehovah edi eti Andikara oro amade mbon emi enye akarade. Jehovah Abasi oyosobo Satan ye mme demon esie, ye owo ekededi emi mîsụkke ibuot inọ ukara Abasi. (Ediyarade 20:7-10) Ukara Abasi ayanam n̄kpọ ọfọn ama ke nsinsi nsinsi.
SỊN IDEM KPEP
Se se iwụtde ke Abasi ayanam kpukpru se enye ọn̄wọn̄ọde ke Bible ọnọ nnyịn Obio Ubọn̄ esie ama edi.
4. Ukara owo ididụhe ke Obio Ubọn̄ Abasi
‘Owo akara owo tutu ọnọ enye unan.’ (Ecclesiastes 8:9) Jehovah Abasi ayanam ufịk etre Obio Ubọn̄ esie ama edisịm ofụri isọn̄ emi.
Kot Daniel 2:44 ye 2 Thessalonica 1:6-8, ekem ẹbọrọ mbụme emi ẹnyụn̄ ẹneme ẹban̄a mmọ:
-
Nso ke Jehovah ye Jesus Eyen esie ẹdinam ukara owo ye mbon emi ẹdade ẹnọ ukara owo?
-
Nso ke afo ọdiọn̄ọ aban̄a Jehovah ye Jesus, emi anamde fi enịm ke se mmọ ẹdinamde eyenen onyụn̄ ọfọn?
5. Jesus odot ndikara
Jesus edi Edidem Obio Ubọn̄ Abasi. Enye ayanam ata ediwak nti n̄kpọ ọnọ mme owo mi ke isọn̄. Se VIDIO emi ke oyokụt nte Jesus okowụtde ke Abasi ama ọnọ imọ odudu ndin̄wam mme owo, ke esinyụn̄ enenem imọ ndinam oro.
Se Jesus akanamde ini enye okodude mi ke isọn̄ owụt se iditịbede Obio Ubọn̄ Abasi ama edisịm isọn̄. Ke otu mme n̄kpọ oro ẹbatde mi, ewe ye ewe inen̄ede idọn̄ fi ndikụt? Kot mme itie Bible emi ẹtịn̄de mme n̄kpọ oro ke page oro etienede.
|
MI KE ISỌN̄, JESUS AMA . . . |
KE HEAVEN, JESUS EYETIE . . . |
|---|---|
|
|
|
|
|
|
|
|
6. Obio Ubọn̄ Abasi eyenem tutu
Ukara Abasi ayanam kpukpru n̄kpọ etie nte Abasi okoyomde toto ke editọn̄ọ. N̄kpọ ọyọfọn ama, mme owo ẹyenyụn̄ ẹdu uwem ke nsinsi. Se VIDIO emi man okụt se Jehovah ọnọde Jesus odudu anam man uduak esie osu.
Kot Psalm 145:16, ekem ẹbọrọ mbụme emi ẹnyụn̄ ẹneme ẹban̄a enye:
-
Etie fi didie ndidiọn̄ọ ke Jehovah ọyọnọ kpukpru mme odu-uwem n̄kpọ kpukpru se mmọ ẹyomde?
NDUSỤK OWO ẸSIDỌHỌ ẸTE: “Imekeme ndinam ererimbot emi ọfọn kpukpru owo ẹkpediana kiet.”
-
Nso ke ukara Abasi edinam, emi ukara owo mîkemeke ndinam?
SE IKPEPDE
Ukara Abasi ayanam se Abasi oyomde. Ukara Abasi ayanam ofụri isọn̄ ọfọn ama onyụn̄ enen̄ede eye ọnọ ata ikọt Abasi, ndien mmọ ẹyedu uwem ke nsinsi.
Se M̀mê Emeti
-
Nso ke edinam Obio Ubọn̄ Abasi ama edi man enyịn̄ Abasi asana?
-
Nso iwụt ke se Abasi ọn̄wọn̄ọde ke Bible eyetịbe ke Obio Ubọn̄ Abasi?
-
Nso ye nso ke afo enen̄ede oyom ndikụt ke Obio Ubọn̄ Abasi?
KPEP N̄KPỌ EN̄WEN
Se se Armageddon edide.
Se iditịbede ke ufan̄ isua 1,000 emi Jesus edikarade ye ke utịt isua oro.
“Nso Iditịbe ke Usen Ikpe?” (Enyọn̄-Ukpeme, September 1, 2012)
Se nte ubon ẹkemede nditie ntre nneme mban̄a se iditịbede ke Obio Ubọn̄ Abasi.
Se ibuotikọ emi, “Enyene Mme N̄kpọ Emi Ẹkesụk Ẹfịnade Mi,” ke oyokụt se ikan̄wamde owo emi ekesisọn̄de ibuot ye ukara.
Ekeme Ndidi Ayama Mmọ Emi N̄ko
MBỤME EMI ẸSIWAKDE NDIBỤP
Didie ke Mme Ntiense Jehovah Ẹsikpep Mme Owo Bible?
Emekeme ndikama Bible ekededi ke ini ekpepde n̄kpọ ye Mme Ntiense Jehovah. Akpama, emekeme ndikot ofụri mbon ubon fo, m̀mê ufan fo ekededi editiene ekpep.
