AYÈGÈ 33
É mam Édzoé Zamba ya yi bò
Édzoé Zamba é nteleya. Édzoé té é mbeme sò tséndé abui mam a si mu. Bia zu yen abeng mam Édzoé té ya yi bò.
1. Akia afé Édzoé Zamba ya yi sò ai mvòè ai susuo a si?
Yésus, Nkukuma ya Édzoé Zamba a yi man dzangʼla bebé bebot ai bidzoé biaba a bita ba loé na Armagédòn (Akuli Mam 16:14, 16). Abog té ndò nkulen adzo ya Bibel hi wa yi dzaleben: “Ve man éban; ndò fe bikokòt bia yi bò mòmò” (Salmen 37:10). Ai zen ya Édzoé Zamba, Yésus a yi dzala si ai mvòè ai susuo (Langʼa Yésaya 11:4).
2. Énying ya yi tòbò ya éyòng nyien Zamba wa yi bòben a si ése?
Éyòng Édzoé Zamba ya yi tòngʼlò mam mese ya si, “besusuo bebot ba yi nòng si, be ntoa été a nguma étoa” (Salmen 37:29). Tam tsog na mot ose a yi tòbò susuo; mot ose a yi ding Yéhova ai fe é bot bevòk. Mot zing a yi ki kòn, ai bia yi nying kòm ése.
3. Dzé Édzoé Zamba ya yi bò amvus yi na bebé bebot be maneya dzang?
Amvus yi na bebé bebot be maneya dzang, Yésus a yi ke osu na a dzoé a tang 1 000 mimbu. Abog té ase, nyè ai é bot 144 000 ba yi dzoé ai nyè, ba yi vòli bot na be vengʼen ntut. A memana me toyini mimbu mité, si ése ya yi bò mbembe étòbega, paradis, ndzalen ai é bot ba nying a mintak amu ba tong memvéndé me Yéhova. Éyòng té ndzò, Yésus a yi dugen ve Ésia, Yéhova, Édzoé. Ai ‘dzoé Yéhova da yi fuubenʼ ane a mbeya ki tam bòben (Matéus 6:9, 10). Bot bese ba yi yen a ngeng na Yéhova a ne mbembe ntòngʼlò ai na a yem nòng ngab ai é ba ba yebe Édzoé dzié. Amvus ya été, Yéhova a yi dzangʼla Satan, bebé minsisim ai é bot bese ba yi lumen ai Édzoé dzié abog té (Akuli Mam 20:7-10). Mimbembe mimam mise Édzoé Zamba ya yi bò mia yi langʼen kòm ése.
TUENE FAG
Bi tam yen asu dzé bi ne yebe na, Zamba a yi belen ai Édzoé dzié asu yi na a dzala mengaaga mese ya Bibel asu melu ma zu.
4. Édzoé Zamba ya yi mana ai bidzoé bibot
“Mot a dzoé ényò mbòk na a bò nyè abé” (Ékklésiast 8:9). Ai zen ya Édzoé dzié, Yéhova a yi mana mindzug mise mbe mbòen té wa sò ai wò.
Langʼa Daniel 2:44 ai 2 Tésaloni 1:6-8, ai yalen minsili mi tsaa mi:
-
Dzé Yéhova ban Yésus ba yi bò bidzoé bibot ai é ba ba sug bidzoé bité?
-
Akia afé é mam o he yègè me bebege Yéhova ban Yésus ma ve wò ndi na mimbòen miaba mia yi bò tetele ai susuo?
5. Yésus a ne mbembe Nkukuma
Yésus a yi bò abeng mam asu é ba ba yi wogé ai Édzoé Zamba. Bebege VIDÉO asu yi na o yen ane Yésus a nga lere na a bele nyien ya vòli bot ai fe na Zamba a nga ve nyè ngul ya bò dò.
Éyòng a nga be a si, Yésus a nga lere mendem ya é mam Édzoé Zamba ya yi bò. É mengaaga mese me tsaa ma, mefé wò yi na wò yen ane ma dzaleben? Langʼa bifus bi Bibel bia lere mengaaga meté.
A SI MU YÉSUS A NGA . . . |
A TOA A YOB YÉSUS A YI . . . |
---|---|
|
|
|
|
|
|
|
|
6. Édzoé Zamba ya yi sò ai mbembe énying melu ma zu
Édzoé Zamba ya yi dzala nsongʼen Zamba a bele asu bot. Ba yi nying a ntié kòm a paradis. Bebege VIDÉO asu yi na o yen ane Yéhova a belen ai Mòn woé, Yésus, asu yi na a dzala nsongʼen woé.
Langʼa Salmen 145:16 ai yalen a nsili hi:
-
Wò woren dzé éyòng wò tsog na Yéhova a yi “dzali nyien ya vevee dzom ése”?
ABUI BOT DA DZO NA: “Nge bia bese bia ve mengul, bi ne dzam mana é mam mese ma ndegele bia.”
-
Mindzug mifé Édzoé Zamba ya yi sò mana a bidzoé bibot bi seki dzam mana a si?
OBALBAS
Édzoé Zamba ya yi dzala nsongʼen woé. Ya yi vengʼen si ése paradis é vom ya bebò bisié be Zamba bese ba yi nying a kòm ya kòm ése.
Dzé bia baala
-
Akia afé Édzoé Zamba ya yi fubu dzoé Yéhova?
-
Asu dzé bi bele ndi na Édzoé Zamba ya yi dzala mengaaga mese ya Bibel?
-
A mam mese Édzoé Zamba ya yi bò, afé o nga yiya na a dzaleben?
O NE FE BEBE
Dzé é ne Armagédòn?
“Quʼest-ce que la bataille dʼArmaguédon?” (Nlangʼen a jw.org)
É mam ma yi bòben éyòng Yésus a yi dzoé a tang mimbu 1 000 ai é ma ya memana me Édzoé té.
“Que se passera-t-il lors du jour du jugement?” (La Tour de Garde, 1er septembre 2012)
Nda bot zing ya fas énying ba yi bi a paradis.
A nlangʼen “Jʼétais tourmenté par de nombreuses questions,” yene akia ya é mot a nga be bò édzoé éngana a timi é vom a nga bi biyalen ya minsili mié.
“La Bible transforme des vies” (La Tour de Garde, 1er janvier 2012)