ADZESUA 33
Dza Nyankopɔn N’Ahendzi No Bɛyɛ
Nyankopɔn n’Ahendzi no ahyɛ ase ridzi tum dada, na ɔrennkyɛr biara ɔbɛba abɛsesa ndzɛmba pii wɔ asaase yi do. Ma yɛnhwɛ ndzɛmba pa a Ahendzi no bɛyɛ ama hɛn no bi wɔ adzesua yi mu.
1. Nyankopɔn n’Ahendzi no besi dɛn ebu atsɛntsenenee na ɔdze asomdwee aaba asaase yi nyina do?
Wɔ Har-Magedon ko no mu no, Jesus a ɔyɛ Nyankopɔn n’Ahendzi no do Hen no bɛsɛɛ ndzebɔnyɛfo, na oeeyi nyimpa aban nyina efi hɔ. (Nyikyerɛ 16:14, 16) Dɛm aber no, dza Bible no ahyɛ ho bɔ yi bɛba mu. Ɔka dɛ: “Aka kakrabaa, na omumuyɛfo nnyi hɔ.” (Ndwom 37:10) Jesus nam Ahendzi no do bobu atsɛntsenenee, na ɔdze asomdwee aaba asaase nyina do.—Kenkan Isaiah 11:4.
2. Sɛ nyimpa biara yɛ Nyankopɔn n’apɛdze wɔ asaase do a, asetsena bɛyɛ dɛn?
Sɛ Nyankopɔn n’Ahendzi no ba a, “atseneneefo benya asaase no edzi, na wɔaatsena mu daa.” (Ndwom 37:29) Ɔwodze fa no dɛ ndzɛmba pa nkotsee na nyimpa a wɔtse wiadze yi mu no yɛ, obiara dɔ Jehovah na ne nyɛnko nyimpa, na yarba na owu so nnyi hɔ. Ehwɛ a, nkyɛ asetsena bɛyɛ dɛn?
3. Sɛ wɔsɛɛ ndzebɔnyɛfo wie a, ebɛnadze na Nyankopɔn n’Ahendzi no bɛyɛ?
Sɛ wɔsɛɛ ndzebɔnyɛfo wie a, Jesus bedzi Hen mfe 1,000. Dɛm aber no, Jesus nye 144,000 a wɔnye no bɔbɔ mu edzi adze no bɔboa nyimpa a wɔwɔ asaase do no nyina ma wɔaabɛyɛ nyimpa a bɔn biara nnyi hɔnho. Mfe 1,000 no bɛba n’ewiei no, nna asaase no nyina adan Paradise. Dɛm aber no, nyimpa nyina enyi bɛgye osiandɛ wobedzi Jehovah ne mbra do. Jesus bɛsan dze Ahendzi no ama n’Egya Jehovah, na ofi dɛm aber no rokɔ no dze, Jehovah ne ‘dzin ho bɛtsew’ korakora. (Matthew 6:9, 10) Afei, obiara bohu dɛ Jehovah yɛ Tumdzifo papa a ɔdwen no nkorɔfo ho. Jehovah bɛsɛɛ Satan, esunsum fi no, nye obiara a ɔbɔsoɛr etsia Jehovah no tumdzi no. (Nyikyerɛ 20:7-10) Ndzɛmba pa a Nyankopɔn n’Ahendzi no dze bɛba asaase do no, ɔbɛtsena hɔ daa.
PƐNSAPƐNSA MU KƆ EKYIR
Ma yɛnhwɛ siantsir a ɔsɛ dɛ yɛgye dzi dɛ Nyankopɔn nam Ahendzi no do bɛyɛ dza Bible no ahyɛ ho bɔ no nyinara.
4. Nyankopɔn n’Ahendzi no beyi nyimpa aban nyina efi hɔ
Bible no ma yehu dɛ, sɛ ‘nyimpa dzi ne nyɛnko no do tum a, ɔdze ɔhaw ba.’ (Ɔsɛnkafo 8:9) Jehovah nam n’Ahendzi no do beyi ɔhaw na amandzehu a nyimpa aban dze aba no nyina efi hɔ.
Ma yɛnkenkan Daniel 2:44 na 2 Thessalonicafo 1:6-8, na yensusu nsɛmbisa yi ho:
-
Ebɛnadze na Jehovah na ne Ba, Jesus, dze bɛyɛ nyimpa aban nye hɔn ekyirtaafo no nyina?
-
Sɛ ehwɛ dza esua afa Jehovah na Jesus ho no a, sɛ worubu atsɛn a, ehwɛ a wobobu no pɛpɛɛpɛ, anaa wɔbɛkyea no? Ebɛnadze ntsi na ereka dɛm?
5. Jesus yɛ Ɔhen a ɔsɛ fata
Jesus a ɔyɛ Nyankopɔn n’Ahendzi no do Hen no bɛyɛ ndzɛmba pii dze aboa nyimpa a wɔbɛtsena asaase do no. Jesus ada no edzi dada dɛ ɔpɛ dɛ ɔboa nyimpa, na Nyankopɔn so ama no tum a ɔdze bɛyɛ dɛm. Ma yɛnhwɛ VIDEO yi, na ibohu siantsir a yɛreka dɛm.
Aber a Jesus wɔ asaase do no, ɔmaa yehun dza Ahendzi no bɛyɛ daakye. Nhyira ahorow a ɔwɔ ha yi, no mu hendze na erohwɛ kwan paa dɛ wo nsa bɛka? Ma yɛnkenkan kyerɛwnsɛm a ɔka dɛm nhyira no ho asɛm no.
|
ABER A NNA JESUS WƆ ASAASE DO NO . . . |
JESUS WƆ SOR, NA DAAKYE . . . |
|---|---|
|
|
|
|
|
|
|
|
6. Nyankopɔn n’Ahendzi bɛma hɛn daakye papa bi
Nna dza Jehovah pɛ ara nye dɛ nyimpa dze enyigye bɛtsena ase daa wɔ Paradise wɔ asaase do. Ahendzi no bɛma nyimpa nsa aka dɛm asetsena no. Ndzɛmba a Jehovah pɛ dɛ ɔyɛ ma nyimpa no, ɔnam ne Ba Jesus do bɛma hɛn nsa aka. Ma yɛnhwɛ VIDEO yi, na yebohu kwan a Jehovah nam Jesus do bɛyɛ dɛm.
Ma yɛnkenkan Ndwom 145:16, na yensusu asɛmbisa yi ho:
-
Kyerɛwsɛm yi ma yehu dɛ, daakye Jehovah bɛma ‘atseasefo nyinara nsa aka hɔn akɔndɔdze amee.’ Enyigyesɛm yi a ehu no ma etse nka dɛn?
BINOM KA DƐ: “Sɛ wiadze yi bɛyɛ yie a ofi hɛnara, ntsi sɛ hɛn nyinara yɛ kor a, yebotum eyi ɔhaw a ɔwɔ wiadze yi mu no efi hɔ.”
-
Ebɛn ɔhaw ahorow na Nyankopɔn n’Ahendzi no beyi efi hɔ a nyimpa n’aban nnkotum eyi efi hɔ?
DZA ESUA
Nyankopɔn nam n’Ahendzi no do bɛyɛ biribiara a ɔabɔ ne tsirmu dɛ ɔbɛyɛ no. Ɔbɛma asaase no nyina adan Paradise, na atseneneefo bɛtsena do, na wɔaasom Jehovah daa.
Mbobɔdo
-
Nyankopɔn n’Ahendzi no besi dɛn atsew Jehovah ne dzin ho?
-
Ebɛnadze ntsi na yɛgye dzi dɛ Nyankopɔn nam n’Ahendzi no do bɛma bɔhyɛ ahorow a ɔwɔ Bible mu no nyinara aba mu?
-
Ndzɛmba pa a Ahendzi no dze bɛba no, no mu hendze na erohwɛ kwan paa?
HWEHWƐ PII KA HO
Kenkan asɛm yi na ibohu dza Har-Magedon kyerɛ.
“Ebɛnadze Nye Har-Magedon Ko No?” (Asɛm bi a ɔwɔ wɛbsaet do)
Kenkan asɛm yi, na hwɛ dza ɔbɔkɔ do wɔ mfrenhyia 1,000 a Jesus dze bedzi Hen no mu. Afei ebɛsan so ehu dza obesi wɔ mfrenhyia 1,000 no n’ewiei.
“Ebɛnadze Na Obesi Atsɛmbu Da No?” (Ɔweɔn-Aban, September 1, 2012)
Hwɛ mbrɛ mbusua botum abɔ mu adwendwen nhyira ahorow a Ahendzi no dze bɛba no ho wɔ video yi mu.
Kenkan asɛm a wɔato dzin “Nna Nsɛm Pii Kyer M’adwen” no, na ibohu mbrɛ papa bi a nna ɔsoɛr tsia aban nyaa ne nsɛmbisa bi ho mbuae.
“Bible No Sesa Nyimpa N’abrabɔ” (Ɔweɔn-Aban, January 1, 2012)
Bi A W'enyi Bɛgye Iyi So Ho
NSƐM A WƆTAA BISA
Ebɛnadze Nye Bible Adzesua A Jehovah Adasefo Nye Nkorɔfo Yɛ No?
Wɔ dɛm Bible adzesua a Jehovah Adasefo nye nkorɔfo yɛ yi mu no, ibotum dze Bible nkyerɛase biara a ewɔ no esũa adze. Ibotum afrɛ w’ebusuafo anaa w’anyɛnkofo binom mpo ma wɔaabɛka woho ma hom eesũa.
