NǓKPLƆNKPLƆN 33
Nǔ E Axɔ́suɖuto ɔ Na Wà lɛ É
Axɔ́suɖuto Mawu tɔn ko ɖò acɛ kpa wɛ. Zaanɖé dìn ɔ, é na bló huzuhuzu ɖaxó lɛ ɖò ayikúngban jí. Mǐ ni gbéjé nǔ ɖagbe ɖěɖee a sixu ɖó nukún ɖò acɛkpikpa Axɔ́suɖuto ɔ tɔn glɔ́ é ɖé lɛ kpɔ́n.
1. Nɛ̌ Axɔ́suɖuto Mawu tɔn ka na bló bɔ fífá kpo nǔjlɔjlɔwiwa kpo na lɛ́ tíìn ɖò ayikúngban ɔ jí gbɔn?
Jezu e nyí Axɔ́su Axɔ́suɖuto Mawu tɔn tɔn é na sú kún dó nú mɛ nyanya lɛ kpo acɛkpikpa lɛ kpo ɖò ahwan Haamagedɔni tɔn hwenu. (Nǔɖexlɛ́mɛ 16:14, 16) Ðò hwe enɛ nu ɔ, akpá Biblu tɔn elɔ na jɛnu bǐ mlɛ́mlɛ́: “Zaanɖé dìn ɔ, mɛdídá sɔ́ na ɖè ǎ.” (Ðɛhan 37:10) Gbɔn Axɔ́suɖuto ɔ gblamɛ ɔ, Jezu na bló bɔ fífá kpo nǔjlɔjlɔwiwa kpo na kpé ayikúngban ɔ bǐ jí.—Xà Ezayíi 11:4.
2. Nɛ̌ gbɛ̀ ka na cí hwenu e jlǒ Mawu tɔn na nyí wiwa ɖò ayikúngban jí é?
Ðò acɛkpikpa Axɔ́suɖuto Mawu tɔn tɔn glɔ́ ɔ, “[ayikúngban] ɔ na nyí hwɛjijɔnɔ lɛ tɔn, bɔ ye na nɔ [jí] kaka sɔyi.” (Ðɛhan 37:29) Dǒ nukúnmɛ kpɔ́n ɖɔ a ɖò gbɛ̀ ɖé mɛ, bɔ nǔjlɔjlɔwatɔ́ e yí wǎn nú Jehovah kpo yeɖée lɛ kpo é kɛɖɛ wɛ gɔ́ mɛ! Mɛ ɖě sɔ́ na jɛ azɔn ǎ, bɔ mɛ bǐ na nɔ gbɛ̀ kaka sɔyi.
3. Nú è sú kún dó nú mɛ nyanya lɛ gudo ɔ, etɛ Axɔ́suɖuto Mawu tɔn ka na wà?
Nú è sú kún dó nú mɛ nyanya lɛ gudo ɔ, Jezu e nyí Axɔ́su ɔ é na kpa acɛ nú xwè 1 000. Ðò táan enɛ mɛ ɔ, Jezu kpo mɛ 144 000 e na kpa acɛ xá ɛ lɛ é kpo na d’alɔ gbɛtɔ́ lɛ bɔ ye na nyí mɛ maɖóblɔ̌. Ðò vivɔnu xwè 1 000 ɔ tɔn ɔ, gbɛtɔ́ lɛ bǐ na ɖó awǎjijɛ, ɖó ye na ɖò tónú sè nú sɛ́n Jehovah tɔn lɛ wɛ. Enɛ gudo ɔ, Jezu na zé acɛkpikpa ɔ jó nú Tɔ́ tɔn Jehovah. Jehovah sín ‘nyikɔ na nyí nǔ sísí,’ lee é ma ko nyí gbɔn kpɔ́n ǎ é. (Matie 6:9, 10) É na xlɛ́ ɖɔ Jehovah wɛ nyí Acɛkpatɔ́ ɖagbe e nɔ kpé nukún dó toví tɔn lɛ wu é. Enɛ gudo ɔ, Jehovah na sú kún dó nú Satáan, awoví lɛ, kpo mɛ ɖevo ɖebǔ e na wá gbeta ɔ kɔn bo na fɔ́n gǔ dó acɛkpikpa Tɔn jí é kpo. (Nǔɖexlɛ́mɛ 20:7-10) Ninɔmɛ ɖagbe ɖěɖee Axɔ́suɖuto Mawu tɔn na hɛn wá lɛ é na nɔ ayǐ kaka sɔyi.
BA DÒ NÚ NǓ D’EJI
Gbějé nǔ e wu mǐ sixu kúdeji ɖɔ Mawu na zán Axɔ́suɖuto ɔ, dó bló bɔ akpá e Biblu dó dó sɔgudo mǐtɔn wu lɛ é bǐ na jɛnu é kpɔ́n.
4. Axɔ́suɖuto Mawu tɔn na ɖó nǔ acɛkpikpa gbɛtɔ́ tɔn lɛ nu
“Gbɛtɔ́ ɖě nɔ kpa acɛ gannaganna nú nɔzo tɔn, bo nɔ wà nǔ dó wǔ tɔn.” (Nǔnywɛtɔ́xó 8:9) Jehovah na zán Axɔ́suɖuto tɔn dó ɖó nǔ nǔagɔwiwa enɛ nu.
Xà Daniyɛli 2:44 kpo 2 Tɛsalonikinu lɛ 1:6-8 kpo, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Etɛ Jehovah kpo Vǐ tɔn Jezu kpo ka na wà nú acɛkpikpa gbɛtɔ́ tɔn lɛ, kpo mɛ ɖěɖee nɔ nɔ gudo nú acɛkpikpa enɛ lɛ é kpo?
-
Nɛ̌ nǔ ɖěɖee a ko kplɔ́n dó Jehovah kpo Jezu kpo wu lɛ é ka na we ganjɛwu ɖɔ nǔwiwa yetɔn lɛ na sɔgbe bo na lɛ́ ɖò jlɛ̌ jí gbɔn?
5. Jezu wɛ nyí Axɔ́su ɖagbe hugǎn ɔ
Ðó Jezu wɛ nyí Axɔ́su Axɔ́suɖuto Mawu tɔn tɔn wutu ɔ, é na wà nǔ e na hɛn lè wá nú toví tɔn ayikúngban jí tɔn lɛ é gegě. Xò VIDEO ɔ, bo kpɔ́n lee Jezu ko ɖexlɛ́ ɖɔ emi jló na d’alɔ gbɛtɔ́ lɛ, bɔ Mawu na hlɔnhlɔn emi bɔ emi na wà mɔ̌ gbɔn é.
Hwenu e Jezu ɖò ayikúngban jí é ɔ, é sɔ́ nǔ e Axɔ́suɖuto ɔ na wà lɛ é sín nu ɖó te. Nyɔna e è slɛ́ ɖò fí lɛ é ɖětɛ ɖó nukún wɛ hwɛ ka ɖè tawun? Xà wemafɔ ɖěɖee zɔn kpɔ́ xá nyɔna enɛ lɛ, bo ɖɔ xó dó ye wu lɛ é.
|
HWENU E JEZU ÐÒ AYIKÚNGBAN JÍ É Ɔ, É . . . |
JEZU NA NƆ JIXWÉ, BO NA . . . |
|---|---|
|
|
|
|
|
|
|
|
6. Axɔ́suɖuto Mawu tɔn na hɛn sɔgudo ɖagbeɖagbe ɖé wá
Axɔ́suɖuto ɔ na bló bɔ linlin e Jehovah ɖó nú gbɛtɔ́ lɛ sín dò é na jɛnu bǐ mlɛ́mlɛ́. Ye na nɔ gbɛ̀ kaka sɔyi ɖò palaɖisi mɛ ɖò ayikúngban jí. Xò VIDEO ɔ, bo kpɔ́n lee Jehovah ɖò Vǐ tɔn Jezu zán wɛ bonu linlin Tɔn na jɛnu gbɔn é.
Xà Ðɛhan 145:16, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Nɛ̌ tuùn e a tuùn ɖɔ Jehovah na “na nǔɖuɖu nǔ e ko sixu ɖò gbɛ̀ é bǐ” é ka cí nú we?
MƐÐÉ LƐ ÐƆ: “Nú mǐ mɛ bǐ wà nǔ ɖó kpɔ́ ɔ, mǐ sixu ɖeɖɛ tagba gbɛ̀ ɔ tɔn lɛ.”
-
Tagba tɛ lɛ Axɔ́suɖuto Mawu tɔn ka na ɖeɖɛ bɔ acɛkpikpa gbɛtɔ́ tɔn lɛ ma ka sixu ɖeɖɛ ǎ?
ETƐ LƐ A KA KPLƆ́N?
Axɔ́suɖuto Mawu tɔn na bló nǔ e Mawu jló ɖɔ é ni wà é. É na bló bɔ ayikúngban ɔ bǐ na huzu palaɖisi bɔ mɛ ɖagbe lɛ na gɔ́ jí, bo na sɛn Jehovah kaka sɔyi.
Vɔ̌gbɔnji
-
Nɛ̌ Axɔ́suɖuto Mawu tɔn ka na bló bɔ nyikɔ Jehovah tɔn na nyí nǔ mímɛ́ gbɔn?
-
Etɛwu mǐ ka sixu kúdeji ɖɔ Axɔ́suɖuto Mawu tɔn na bló bɔ akpá Biblu tɔn lɛ na jɛnu?
-
Nǔ ɖěɖee Axɔ́suɖuto ɔ na bló lɛ é ɖětɛ ɖó nukún wɛ hwɛ ka ɖè tawun?
KÍJÉ
Ba dò nú nǔ e Haamagedɔni nyí é.
Gbějé nǔ ɖěɖee na jɛ ɖò acɛkpikpa xwè 1 000 tɔn Jezu tɔn hwenu lɛ é kpo nǔ ɖěɖee na jɛ ɖò vivɔnu tɔn lɛ é kpo kpɔ́n.
“Etɛ ka Na Jɛ Ðò Hwɛɖɔzángbe?” (Atɔxwɛ [Gungbe] 1er octobre 2012)
Kpɔ́n lee xwédo lɛ sixu nɔ kpɔ́ bo lin tamɛ dó nyɔna sɔgudo tɔn Axɔ́suɖuto ɔ tɔn lɛ jí gbɔn é.
Ðò xóta, “Nǔkanbyɔ Gegě Ðó Akpɔ nú Mì” mɛ ɔ, kpɔ́n lee mɛ e nɔ fɔ́n gǔ ɖò toxóɖiɖɔ linu é ɖé mɔ sinkɔn ɖěɖee ɖó nukún wɛ é ɖè lɛ é gbɔn é.
“Biblu Nɔ Huzu Gbɛzán Mɛtɔn” (Atɔxwɛ [Flansegbe] 1er janvier 2012)
Xóta élɔ́ lɛ́ lɔ sixú jɛjí nú we
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
