Ku agai nei le Puleʼaga o le Atua. Kua vave faʼi lana ʼaga o fetogi a neʼa fuli i le kele. Ta tioʼi a neʼa mālilie alā ka ʼaga loa aia o fakasoko.

1. E fakasoko fefeʼaki loa e le Puleʼaga o le Atua le tokamālie mo le faitotonu i le kele?

Ko Sesu le Sau o le Puleʼaga o le Atua. E ʼaga loa aia o puliʼi le kakai mo puleʼaga agaveli lolotoga o le tau i Alemaketone. (Apokalipisi 16:14, 16) I le temi lenā, e fakasoko loa le fakapapau leinei o le Tosi-Tapu: “Koi toe fua se ga temi ikiiki, ti e puli loa le tagata agaveli.” (Pesalemo 37:10) Ti e fakaʼaogaʼi loa e Sesu le Puleʼaga o le Atua, ke fakasoko ai le tokamālie mo le faitotonu i le kele.—Lau Esaia 11:4.

2. E fefeʼaki loa le maʼuli i le temi leia e fakasoko ai loa e le Atua lona finegalo i le kele?

I le temi leia e pule ai loa le Puleʼaga o le Atua, “e maua loa e le kau agatonu le fenua, ti e lotou nonofo loa i ai o lee gato.” (Pesalemo 37:29) Fakakaukauʼi ake muʼa, ko le kakai e lotou agatonu mo faitotonu loa. E lotou alofa loa kia Seova mo olātou tatau. E leʼese toe masaki loa se tasi, ti e tou maʼuli loa o talu ai.

3. Koleā loa ka fakasoko e le Puleʼaga o le Atua i le ʼoki o le puliʼi o le kau agaveli?

I le ʼoki o le puliʼi o le kau agaveli, e puleʼi loa e Sesu le kele lolotoga fētuʼu e 1000. I le temi lenā, ko Sesu ti mo le 144000 ka kauga sau mo ia, e lotou tokoi loa ki le kakai ke lotou maʼua le maʼuli saosaoa. I le ʼoki o fētuʼu anā e 1000, e liliu loa le kele ko se palatiso fulumalie. E maʼuli fiafia ai loa le kakai talie e lotou fakalogo ki lao a Seova. E toe tuku loa e Sesu le Puleʼaga ki lona tamana, ti e ‘fakatapusa loa le suafa o Seova’ o fai pe le kamataʼaga. (Mateo 6:9, 10) E fakamāʼoki ai loa ko Seova ko se takitaki mālie leia e tokaga ki lana kakai. ʼOki, ti e puliʼi loa e Seova a Satana, mo le kau temonio ti mo lātou alā e leʼaise fia fakalogo ki lana takitaki. (Apokalipisi 20:7-10) Ti ko neʼa mālilie fuli ka fakasoko loa e le Puleʼaga o le Atua e tuʼu loa o talu ai.

 MANATU LOLOTO

4. E fakagato loa e le Puleʼaga o le Atua a puleʼaga fakatagata

‘E pule le tagata ki le tagata ke fakamamae a ia.’ (Ekelesiasi 8:9) E fakaʼaogaʼi loa e Seova lona Puleʼaga ke fakatokatoka ai a faigataʼaʼia e tupu mei anoʼaga anā.

Lau Taniela 2:44 mo 2 Tesalonika 1:6-8, ti fai a vesili anei:

• Koleā ka fai loa e Seova mo Sesu ki puleʼaga fakatagata ti mo lātou e lagolago ki ai?

• O mulimuli ki neʼa alā na ke ako o uiga mo Seova ti mo Sesu, koleā e ke tui papau ai e totonu a neʼa alā ka la ʼaga loa o fakasoko?

5. Ko Sesu ko se Sau mālie

I le temi taki o le Puleʼaga o le Atua, e lasi loa a neʼa mālilie ka fakasoko loa e Sesu ki lana kakai i le kele. Tioʼi le GĀ ʼATA ke ke iloa ai ko Sesu na fia tokoi ki le kakai, o mafai lana fakasoko a neʼa fuli o tupu ko le makeke leia mei le Atua.

I le nofo o Sesu i le kele, na kamata fakasā e ia le neʼa ka fakasoko loa e le Puleʼaga o le Atua. I le lisi leia i lalo ake, koleā le fakapapau e ke loto loa ke fakasoko? Lau a vaega e tuʼu fakatasi mo le manatu la.

6. E tou maʼua loa se kāʼau fulumalie mei le Puleʼaga o le Atua

 MANATU TĀFITO

E fakasoko loa e le Puleʼaga o le Atua lana fakatuʼutuʼu o kaku ki lona gatoʼaga. E fakaliliu loa e ia le kele kātoa ko se palatiso e nofo ai loa le kau atolasio a Seova o talu ai.

Fakamanatu

• E fakatapusa fefeʼaki loa e le Puleʼaga o le Atua le suafa o Seova?

• Koleā e mafai ai ke tou tui e fakasoko loa e le Puleʼaga o le Atua a fakapapau o le Tosi-Tapu?

• Koleā e ke fakaʼamu ki ai, i neʼa fuli alā ka fakasoko loa e le Puleʼaga o le Atua?