LEKSIÓN 33
¿Mbaʼe mbaʼépa ojapóta Ñandejára Rréino?
Ñandejára Rréino ningo ogovernáma, ha koʼẽrõite okambiáta hetaiterei mbaʼe ko yvy ape ári. Jahechamína unas kuánta kósa iporãitereíva nde ikatútava rehupyty jaiko vove upe Rréino poguýpe.
1. ¿Mbaʼépa ojapóta Ñandejára Rréino oĩ jey hag̃ua hustísia ha pyʼaguapy ko múndope?
Jesús, pe Rréi ogovernáva Ñandejára Rréino, ohundietéta umi hénte aña ha umi goviérno umánope pe gérra de Armagedónpe (Apocalipsis 16:14, 16). Upe tiémpope, ko múndo tuichakuére oñekumplíta ko profesía oĩva la Bíbliape: “Koʼẽrõitéma opáta umi hénte iñañáva” (Salmo 37:10). Ñandejára Rréino rupive Jesús ojapóta tekotevẽva guive oĩ jey hag̃ua hustísia ha pyʼaguapy ko múndope (elee Isaías 11:4).
2. ¿Mbaʼéichapa jaikóta ojejapo vove Ñandejára volunta ko yvy ape ári?
Ñandejára Rréino poguýpe, “umi hembiapo porãvape oñemeʼẽta ko yvy, ha oikóta pype opa ára g̃uarã” (Salmo 37:29). ¡Eñeimahinamína mbaʼeichaitépa javyʼáta peteĩ lugár oĩháme hénte hembiapo porãvante ha ohayhúva Jehovápe ha hapichakuérape! Upépe ndaiporimoʼãvéima hasýva ha enterovéva oikóta pára siémpre.
3. ¿Mbaʼépa ojapóta Ñandejára Rréino oñehundipa rire umi hénte añáme?
Oñehundi rire umi hénte añáme, Jesús ogovernáta 1.000 áñore. Upe aja haʼe ha 144.000 ogovernáva hendive oipytyvõta umi oikóvape ko yvy ape ári haʼe hag̃ua perfékto. Ko yvýgui oiko jeýta peteĩ paraíso, ha opávo umi 1.000 áño oikóta pype vyʼápe sólamente umi iñeʼẽrendúva Jehovápe. Upéi Jesús omeʼẽ jeýta pe Rréino Itúa Jehovápe. Ha upérõ hasypeve ko yvy tuichakuére oñembotuicháta Jehová réra (Mateo 6:9, 10). Avei ojehechaukátama Jehová haʼeha peteĩ governánte imbaʼeporãva ha oñeinteresáva umi oĩvare ipoguýpe. Haʼe ohundíta Satanáspe, idemoniokuérape, ha oimeraẽ ótro opuʼãvape igoviérno kóntrare (Apocalipsis 20:7-10). Ha entéro mbaʼe porã oguerútava Ñandejára Rréino oduráta pára siémpre.
EJEPYʼAMONGETAMÍNA
Jahechamína mbaʼérepa ñaimekuaa segúro Ñandejára oipurutaha Irréino okumpli hag̃ua entéro umi promésa oĩva la Bíbliape oñeʼẽva ñane renonderãre.
4. Ñandejára Rréino ohundíta umi goviérno umáno
La Biblia heʼi: “Yvypóra omanda hapicháre operhudika hag̃uánte chupe” (Eclesiastés 8:9). Upéicha rupi ko múndope oĩ hetaiterei inhustísia, péro Jehová oipurúta Irréino osolusionaite hag̃ua upéva.
Elee Daniel 2:44 ha 2 Tesalonicenses 1:6-8, ha upéi erresponde koʼã porandu:
-
¿Mbaʼépa ojapóta Jehová ha Itaʼýra Jesús umi goviérno umánore ha umi oapojávare koʼã goviérno?
-
Koʼág̃a reikuaa porãvémarõ Jehová ha Jesúspe, ¿mbaʼérepa reimekuaa segúro haʼekuéra ihustotaha katuete?
5. Jesús haʼe pe ñanegoverna porãvétava
Ogoverna aja Ñandejára Rréinope, Jesús ojapóta hetaiterei mbaʼe oipytyvõ hag̃ua umi oikóvape ko yvy ape ári. Oĩrõ guare ko yvy ape ári, haʼe ohechaukáma vaʼekue oipytyvõseha la héntepe ha Ñandejára omeʼẽ hague chupe pe podér upearã. Eikuaa hag̃ua mbaʼérepa jaʼe upéva ehecha pe VIDÉO.
Oĩ aja ko yvy ape ári Jesús ohechauka vaʼekue michĩmi mbaʼe mbaʼépa ojapóta Ñandejára Rréino rupive. Emañamína pe lístape umi promésa porãite jatopáva la Bíbliape. ¿Mavaitévapa ndegustave? Elee umi téxto bíblico oĩva káda vendisión rire nepytyvõtava rentende porãve hag̃ua káda uno.
|
OJAPO VAʼEKUE KO YVÝPE: |
OJAPÓTAVA YVÁGA GUIVE: |
|---|---|
|
|
|
|
|
|
|
|
6. Ñandejára Rréino poguýpe añetehápe jaiko porãta
Ñandejára Rréino rupive ikatúta ojeiko ko yvy ape ári Ñandejára oipota haguéicha iñepyrũ guive. Umi oĩva ipoguýpe oikóta pára siémpre peteĩ paraísope. Ehecha pe VIDÉO ohechaukáva mbaʼéichapa Jehová ojevale hína Itaʼýra Jesúsre okumpli hag̃ua ivolunta.
Elee Salmo 145:16, ha upéi erresponde ko porandu:
-
¿Mbaʼéichapa reñeñandu reikuaávo Jehová omeʼẽtaha “entérope opa mbaʼe oipotáva”?
OĨRAMO HEʼÍVA: “Ñañopytyvõramo ikatúta ñasolusiona umi provléma oĩva ko múndope”.
-
¿Mbaʼe provlémapa osolusionáta Ñandejára Rréino ndaikatúiva osolusiona umi goviérno umáno?
RRESÚMEN
Ñandejára Rréino rupive oñekumplíta Jehová volunta. Ko yvy kompletoitégui oikóta peteĩ paraíso oĩtahápe sólamente umi hénte ivuénova oadoráva Jehovápe pára siémpre.
Rrepáso
-
¿Mbaʼéichapa Ñandejára Rréino ombotuicháta Jehová réra?
-
¿Mbaʼérepa ikatu jaguerovia Ñandejára Rréino rupive oñekumplitaha umi promésa oĩva la Bíbliape?
-
Ñandejára Rréino ojapóta heta mbaʼe iporãitereíva, ¿mbaʼépa la nde rehechasevéva umíva apytégui?
EINVESTIGA HAG̃UA
Ehecha mbaʼépa heʼise Armagedón.
“¿Mbaʼépa hína pe gérra de Armagedón?” (Artíkulo oĩva jw-pe)
Ehecha mbaʼe mbaʼépa oikóta Jesús goviérno de 1.000 áño aja ha upe riremi.
“¿Mbaʼépa oikóta pe Día de huísiope?” (La Atalaya 1 de septiembre de 2012)
Ehecha mbaʼéichapa umi família ikatu oñeimahina umi mbaʼe porã ohupytýtava pe paraísope.
Pe experiénsia héravape “Oĩ vaʼekue heta mbaʼe nantendéiva”, ehecha mbaʼépa oipytyvõ peteĩ karaípe otopa hag̃ua la rrespuésta umi mbaʼe oikuaasévape.
“La Biblia okambia chupekuéra” (La Atalaya 1 de enero de 2012)
Koʼã téma ikatu ndegusta avei
OÑEPORANDU MEMÉVA
¿Mbaʼéichapa umi testígo de Jehová ojapo peteĩ kúrso bíblico?
Ko kúrso bíblico oofresévape ndéve umi testígo de Jehová eipurukuaa pe traduksión bíblica ndegustavéva. Ndojekovrái mbaʼevete. Ikatu einvita ne família térã ne amigokuérape oĩ hag̃ua.
