KUKWE JA TÖTIKARA 33
Gobran Ngöbökwe kukwe ne nuaindi
Gobran Ngöbökwe niena gobrane aune köböra kukwe ükete kä tibienbätä. Kukwe kwin nuaindi gobran yekwe aune mä raba ngübare ngäbiti kä jutobiti ye ani mike gare jai.
1. ¿Kukwe ükadrete aune kä jäme rabadreta kä tibienbätä yekäre Gobran Ngöbökwe dre nuaindi?
Rü kri Armagedón yete, Jesús Rei Gobran Ngöbökwe te käkwe nitre aune gobrantre kä tibienbätä kukwe blo nuainkä ye gaite (Apocalipsis 16:14, 16, TNM). Kä ye näire Bibliabätä kukwe käbämikata ne rabai bare: “Kä nebera braibe aune nitre käme ye ñaka rabaira” (Salmo 37:10). Gobran yebiti Jesukwe kukwe ükaite aune kä jäme rabai kä jökräbiti (mäkwe ñäkä Isaías 11:4 yebätä).
2. Ngöbö töi mikai nemen bare kä jökräbiti ngwane, ¿nitre rabai ja ngwen ño?
Gobran Ngöbökwe yete, “nitre kukwe metre nuainkä yekwe kä tibien rabai aune nünain kärekäre te kwetre” (Salmo 37:29). ¡Nitre rabai Jehová tarere, ja tarere kwärikwäri, ja ngwen kwin ngwane nüna rabai ño ye bämike ja töite! Ni ñaka rabai nemen bren aune nünain kärekäre.
3. Nitre ja ngwanka blo ye gaite, ¿bitikäre dre rabai bare Gobran Ngöbökwe ie?
Nitre ja ngwanka käme gaite ye bitikäre Jesukwe gobrandi kä 1,000 te. Kä ye ngwane, Jesús aune nitre 144,000 gobranka käkwe ni kä tibienbätä dimikai nemen kwäre ngite yebätä aune nementa metre ja ngrabarebiti. Kä 1,000 krati ye jataira krüte ngwane, kä tibien kwitaira bä nuäre aune nitre jökrä rabai nüne kä jutobiti, ñobätä ñan aune rabaitre Jehová kukwe mike täte. Ye bitikäre Jesús gobran ye biainta Rün kwe Jehová ie, aune Ngöbö kä rabai deme ñan nuainbare jire erere (Mateo 6:9, 10). Jehová juta kwe kriemikaka aune gobranka kwin rabai gare metre. Biti Jehovakwe, Satana, chokalitre aune nitre reketaka kiri ye gaite (Apocalipsis 20:7-10). Gobran Ngöbökwe kukwe ükaite kwin ye rabai kärekäre.
JA TÖTIKE BÄRI NGUSETA
Kukwe jökrä käbämikata Bibliabätä ye Ngöbökwe mikai nemen bare ja känenkäre Gobran kwe yebiti, ye ñobätä ni raba tö ngwen ie ye ani mike gare jai.
4. Gobran Ngöbökwe gobrantre kä tibienbätä gaite
“Käre ni känebätä tä ni mada gobraine mikakäre ja tare nike” (Eclesiastés 8:9). Kukwe jökrä blo nuainta ye Jehovakwe ükaite Gobran jakwe yebiti.
Ñäkädre Daniel 2:44 aune 2 Tesalonicenses 1:6-8 yebätä aune kukwe ne kädriere jabe:
-
Jehová aune monso kwe Jesús, ¿käkwe dre nuaindi gobrantre kä nebätä aune nitre dimikaka yebätä?
-
Kukwe niena gare Jehová aune Jesubätä mäi, ¿ye ñobätä tä mike gare mäi kukwe ükaite metre kwe aune ñan ni ruäre aibe kräke?
5. Jesús gobranka bäri kwin
Jesús tädi gobrane Gobran Ngöbökwe te ngwane, kukwe keta kabre kwin nuaindi kwe ni kä tibienbätä kräke. Jesús tö ni dimikai krubäte aune Ngöbökwe ja die biani ie nuainkäre ye mikakäre gare jai VIDEO mikadre ñärärä.
Jesús nämäne kä tibienbätä ngwane kukwe keta kabre nuainbare kwe, ye erere Gobran Ngöbökwe käkwe nuaindi ye bämikani kwe. Kukwe käbämikata tä jatäri, ¿ne meden mä tö tuai nemen bare? Kukwe käbämikata tä textobätä ye jökräbätä ñäkädre.
|
KÄ TIBIENBÄTÄ JESUKWE... |
KÄ KWINBÄTÄ JESUKWE... |
|---|---|
|
|
|
|
|
|
|
|
6. Ja känenkäre Gobran Ngöbökwe köböire kukwe kwin rabai nikwe
Kenanbe Jehová tö namani kukwe kwin tuai nemen bare ni kä nebätä kräke, ye Gobran Ngöbökwe köböire rabai bare. Kä bä nuäre kä tibienbätä te nünain kärekäre. Ño Jehovata Ngobo kwe Jesús yebiti ja töi mike nemen bare ye mikakäre gare jai VIDEO mikadre ñärärä.
Ñäkädre Salmo 145:16 yebätä aune kukwe ne kädriere jabe:
-
Ni nire aune jondron nire jökrä “tö dre dre ie” ye erere Jehovakwe biain ie, ¿yebätä ja ruin ño mäi?
NITRE RUÄRE TÄ KUKWE NE NIERE: “Nikwe ja di ngwain gwairebe ngwane, ni raba kukwe käbiti tibien ye ükete”.
-
¿Gobran kä tibienbätä die ñaka kukwe meden nuainkäre abokän Gobran Ngöbökwe käkwe ükaite?
¿DRE NIBI GARE MÄI?
Gobran Ngöbökwe köböire kä tibien kwitai bä nuäre aune nitre töi kwin aibe rabai Jehová mike täte kärekäre.
Ngwankäreta törö
-
¿Gobran Ngöbökwe käkwe dre nuaindi ne kwe Jehová kä rabadre deme?
-
Kukwe käbämikata Bibliabätä ye Gobran Ngöbökwe käkwe mikai nemen bare, ¿ye ñobätä gare metre nie?
-
Gobran Ngöbökwe kukwe nuaindi, ¿ye meden mä tö tuai nemen bare?
KUKWE MIKE GARE BÄRI JAI
Dre abokän Armagedón ye mike gare jai.
Kä Mil te Jesukwe gobrandi yete dre rabai bare aune kä ye krütai ngwane, dre rabai bare ye mike gare jai.
“¿Kukwe ükaite ye käi näire dre rabai bare?” (Ni Mikaka Mokre, 1 septiembre 2012)
Kukwe rabai bare Gobran Ngöbökwe ie, ¿yete ni ja mräkäre tä kä ngwen juto jabätä ye raba bämike ño ja töite?
Kukwe nämäne activista político ngwen töbike ye ükaite ye ñokänti namani gare ie ye mike gare jai biografía “Kukwe keta kabre nämä ti töi nike” yete.
“Biblia niaratre töi kwitani” (Ni Mikaka Mokre, 1 enero 2012)
Ne rabai tuen kwin mäi arato
KUKWE NGWANTARITA BÄRI
¿Ja tötika Bibliabätä drieta ni testiko Jehovakwe ye abokän ño?
Ni testiko Jehovakwe tä ni tötike ye ütiä kärä ñaka aune mä raba ja tötike Biblia jeñe mäkwe yebiti. Ne madakäre mä raba mä mräkä jökrä o ja ketamuko ye nübaire jabe ja tötike.
