SOMO LYA 33
Eby’Obwami bwa Mungu Nji Bwayeneza
Obwami bwa Mungu bukala buli bwarhegeka. Hano hofi-hofi, bwahindamula bintu binene oku gulu. Leka rhulole biguma omu bintu binja wakanihira omu burhegesi b’obola Bwami.
1. Nka gurhe Obwami bwa Mungu nji bwalerha omurhula n’ehaki oku gulu?
Yesu, Mwami w’Obwami bwa Mungu alimbula abantu babi n’amarhegesi oku vita lye Armagedoni. (Ufunuo 16:14, 16) Agola mango echila chilagane che Biblia nji chayenera: “Mu kasanzi kageke konyine, omuntu mubi nji arhachibaho.” (Zaburi 37:10) Kugerera obola Bwami, Yesu nji achihangana omurhula n’ehaki biyunjule oku gulu.—Osome Isaya 11:4.
2. Gurhe akalamo nji kaba amango obulonza bwa Mungu bwajirika oku gulu?
Omu burhegesi b’Obwami bwa Mungu, “ab’okunali nji bashokola egulu, nji banalilamako esiku n’amango.” (Zaburi 37:29) Ba nka wawaza oku wakalama omu gulu, abantu boshi balimo basimire Yehova, yi bakulikiza okunali, banazigirene buli muguma n’owindi! Nta muntu nji walwala, na buli muguma nji alama esiku n’amango.
3. Bichi Obwami bwa Mungu nji bwayeneza bumala kulimbula abantu babi?
Amala kulimbula abantu babi, Yesu nji arhegeka ey’ali Mwami myaka 1 000. Mw’amola mango, Yesu n’ababo barhegesi 144 000 nji barhabala abantu bali oku gulu babe bashinganyanya na buzira chaha. Oku buzinda bw’eyo myaka, egulu nji lyahinduka paradizo erhakwiririre ndalo, eyunjwire mw’abantu baherhe obusime bali bayunguka omu kukenga amarhegeko ma Yehova. Naho Yesu nji agalulira Eshe, Yehova oburhegesi. ‘Ezino lya Yehova nji lyaba lyachesezwe’ nk’okubirhasaga kuba chiro. (Matayo 6:9, 10) Nji byaba eyi byayerekenwe bwinja oku Yehova ye Murhegesi mwinja onalaga oku ngabo zage. Ahola sasa, Yehova nji aja alimbula Shetani n’abazimu bage, n’abandi boshi nji baba bachishogere kupinga oburhegesi bwage. (Ufunuo 20:7-10) Ehali zishinganene Obwami bwa Mungu nji bwalerha, nji zarhulaho esiku n’amango.
HUMBA BWENENE
Lola bulagurhe rhwakachizera oku Mungu nji ayeneza ebilagane by’amango mayinjire byoshi Ebiblia ehaanire.
4. Obwami bwa Mungu nji bwamala oburhegesi bw’abantu
“Omuntu anarhegeka owindi muntu omu kumubabaza.” (Muhubiri 8:9) Kugerera Obwami bwage, Yehova nji amala akola kabonerero.
Osome Danieli 2:44 na 2 Watesalonike 1:6-8, muje mwaganira kw’ebila bibazo:
-
Gurhe Yehova n’Omugala, yekala Yesu, nji bajira amarhegesi m’abantu na boshi bamashigikire?
-
Nka gurhe ebiwayigire ku Yehova na Yesu bikuyemezeze oku byoshi nji bajira nji byaba by’okunali binakwanene?
5. Yesu ali Mwami mwinja bwenene
Yesu, Mwami w’Obwami bwa Mungu, nji ajira binene oku nyungu y’engabo zage z’oku gulu. Ziha EVIDEO y’obona oku Yesu aherhe enyorha n’obuhashe Mungu amuhere b’okurhabala abantu.
Amango aliri oku gulu, Yesu aliyerekene oku bugeke eby’Obwami bwa Mungu nji bwayeneza. Omu migisho eyerekenwe oku paje ekulikire, ahanene ehe muyo oli walingiriza oku nyorha? Osome amandiko mayinjire makulikira mayerekene eyola migisho.
|
AMANGO ALIRI OKU GULU, YESU . . . |
EY’ANALI OMU MBINGU, YESU NJI . . . |
|---|---|
|
|
|
|
|
|
|
|
6. Obwami bwa Mungu bwarhulerhera ebinja bwenene amango mayinjire
Obwami bwa Mungu nji bwayeneza omuhigo gurhanzi Mungu aliherhe oku bantu. Nji balama esiku n’amango omu paradizo oku gulu. Ziha EVIDEO olole gurhe Yehova yakola kugerera omugala Yesu omu kuyeneza omuhigo gwage.
Osome Zaburi 145:16, muje mwaganira kw’echila chibazo:
-
Gurhe ochiyunvirhe omu kumenya oku Yehova nji ayeneza enyifinjo ya buli chilemwa choshi chilamire”?
HALI ABANTU BANADERHA: “Nka rhweshi rhuhirire amaboko haguma, rhwakamala ebibazo by’elila gulu.”
-
Bibazo bihe Obwami bwa Mungu nji bwamala oburhegesi bw’abantu burhakagala?
OKU BUGEKE
Obwami bwa Mungu nji bwayeneza omuhigo gwabo. Nji bwahindamula egulu lyoshi libe paradizo elamire mw’abantu bali baharamya Yehova esiku n’amango.
Rhuchiyibusye
-
Nka gurhe Obwami bwa Mungu nji bwachesa ezino lya Yehova?
-
Bula gurhe rhwakanihira ok’Obwami bwa Mungu nji bwayeneza ebilagane byoshi bili omu Biblia?
-
Omu byoshi Obwami bwa Mungu nji bwayeneza, ahanene bichi oli walingiriza oku nyorha nene?
EYINDI MYAZI
Lola Armagedoni k’okuderha gurhe.
Suzuma ebinji byarhengerera omu burhegesi bwa Yesu bwa myaka 1 000, n’enyuma wabo.
“Gurhe Nji Byaba Olusiku l’Olubanja?” (Omunara g’Omulanzi, Lusiku 1, Mwezi gwa 9, 2012)
Lola gurhe emilala yakawaza haguma oku migisho y’amango mayinjire omu Bwami bwa Mungu.
Omu mwazi “Naliherhe Bibazo Binene Byaliri Byankoroga,” lola echarhabalaga mupinzani muguma w’omu by’epolitike abone ebyaliri alonza.
“Ebiblia Enahindamula Akalamo k’Abantu” (Omunara g’Omulanzi, Lusiku 1, Mwezi gwa 1, 2012)
