LESON 33
Ki sa Wayòm Bondye a pral fè
Wayòm Bondye a deja ap dirije nan syèl la. Talè li pral dirije tout tè a e li pral fè gwo chanjman sou li. Annou egzamine kèk bagay Wayòm Bondye a pral fè.
1. Ki jan Wayòm Bondye a pral fè gen lapè ak jistis sou tè a?
Jezi, ki Wa nan Wayòm Bondye a, pral detwi moun ki mechan yo ak gouvènman yo nan gè Amagedon an (Revelasyon 16:14, 16). Lè sa a, men ki pwomès nan Bib la ki pral reyalize: “Talè konsa, mechan yo pap la ankò.” (Sòm 37:10). Pa mwayen Wayòm nan, Jezi pral fè gen lapè ak jistis sou tout tè a. — Li Ezayi 11:4.
2. Ki jan lavi a pral ye lè volonte Bondye ap fèt sou tout tè a?
Lè Wayòm Bondye a pral dirije sou tè a, “moun ki jis yo [ap] posede tè a e [y ap] viv sou li pou toutan”. (Sòm 37:29.) Imajine sa! Tout moun sou tè a se pral bon moun e tout ap renmen Jewova e y ap renmen youn lòt! Pap gen pèsonn k ap malad e tout moun ap viv pou toutan.
3. Ki sa Wayòm Bondye a pral fè lè l fin detwi mechan yo?
Jezi pral dirije pou 1000 an lè l fin detwi mechan yo. Pandan peryòd sa a, li menm ak 144000 mil moun ki pral dirije ansanm avèk li yo pral ede moun sou tè a vin san peche. Nan fen mil an, tè a pral tounen yon bèl paradi, e tout moun k ap viv sou li ap gen kè kontan paske y ap obeyi lwa Jewova yo. Lè sa a, Jezi pral remèt Jewova, Papa l, Wayòm nan. “Non [Jewova pral] vin sen” nan yon nivo li pa t janm ye anvan sa (Matye 6:9, 10). Lè sa a, tout moun ap wè aklè Jewova se yon bon dirijan e li gen sousi pou moun l ap dirije yo. Apre sa, Jewova pral detwi Satan, demon yo ak kèlkeswa moun ki chwazi fè rebèl avè l (Revelasyon 20:7-10). Tout bon bagay Wayòm Bondye a pral fè yo ap dire pou toutan.
FOUYE PLIS
Gade poukisa nou ka gen konfyans Bondye pral sèvi ak Wayòm nan pou l reyalize tout pwomès Bib la fè pou lavni yo.
4. Wayòm Bondye a pral elimine gouvènman lèzòm yo
“Moun domine sou moun pou fè yo soufri.” (Eklezyas 8:9). Pa mwayen Wayòm nan, Jewova pral mete fen nan enjistis sa a.
Li Dànyèl 2:44 ak 2 Tesalonisyen 1:6-8, epi reponn kesyon sa yo:
-
Ki sa Jewova ak Pitit Gason l lan, Jezi, pral fè moun k ap dirije yo ansanm ak moun k ap soutni moun sa yo?
-
Ki jan tout sa w konnen sou Jewova ak Jezi yo ba w garanti yo pap janm fè enjistis?
5. Jezi se pi bon Wa ki ka genyen
Antanke Wa nan Wayòm Bondye a, Jezi pral fè anpil bon bagay pou moun li pral dirije sou tè a. Gade VIDEYO a pou w wè ki jan Jezi deja montre li vle ede moun e Bondye ba l pouvwa pou l fè sa.
Lè Jezi te sou tè a li te bay yon apèsi sou sa Wayòm nan pral fè. Pami benediksyon ki vin apre yo, kiyès ladan yo ou plis ap tann ki pou reyalize? Li vèsè ki mache ak chak benediksyon.
|
LÈ JEZI TE SOU TÈ A LI TE . . . |
PANDAN JEZI NAN SYÈL LA LI PRAL . . . |
|---|---|
|
|
|
|
|
|
|
|
6. Wayòm Bondye a ap fè nou gen yon bèl avni
Grasa Wayòm nan, lèzòm pral viv jan Jewova te vle pou yo viv la. Y ap viv pou toutan sou tè a ki pral tounen yon paradi. Gade VIDEYO a pou w wè ki jan Jewova ap reyalize objektif li pa mwayen Jezi, Pitit Gason l lan.
Li Sòm 145:16, epi reponn kesyon sa a:
-
Ki jan sa fè w santi w lè w konnen Jewova pral “bay tout sa k vivan sa yo bezwen”?
GEN MOUN KI DI: “Si nou met tèt nou ansanm nou ka rezoud pwoblèm monn nan.”
-
Ki pwoblèm gouvènman lèzòm yo pa ka rezoud se Wayòm Bondye a ki pral rezoud yo?
SA W TE APRANN
Wayòm Bondye a pral fè sa Bondye te vle l fè a. Li pral fè tout tè a tounen yon paradi ki gen bon moun sèlman ladan l e k ap adore Jewova pou toutan.
Revizyon
-
Ki jan Wayòm Bondye a pral fè non Jewova vin sen?
-
Sa k fè nou ka kwè Wayòm Bondye a pral reyalize tout pwomès ki nan Bib la?
-
Nan tout sa Wayòm Bondye a pral fè yo ki sa ou plis ap tann ki pou reyalize?
APRANN PLIS
Gade pou w wè ki sa Amagedon ye.
Aprann sa k pral rive pandan peryòd 1000 an Jezi pral dirije antanke wa a, e tousuit apre peryòd sa a.
“Ki sa k pral rive nan Jou Jijman an?” (Toudegad oktòb-desanm 2012)
Gade ki jan fanmi yo ka imajine ki jan lavi yo pral ye nan Paradi a.
Gade ki jan yon militan politik te jwenn repons li t ap chèche yo nan atik ki gen tit “Gen anpil kesyon ki t ap boulvèse m” nan.
Lòt sijè ki enteresan
KESYON MOUN POZE SOUVAN
Ki sa etid Labib Temwen Jewova yo ofri a ye?
Temwen Jewova yo ofri yon pwogram etid Labib gratis ki pèmèt yon etidyan patisipe nan etid la. Pwogram sa a pèmèt ou itilize nenpòt tradiksyon Labib. Ou kapab envite nenpòt fanmi oswa zanmi patisipe nan etid la.
