AJUMTALÁB 33
Jawaʼ neʼets kin tʼajaʼ in Eyaltal a Dios
In Eyaltal a Dios kʼwajatits ti abatnom. Lej wéʼits neʼets kin tʼajaʼ abal ka waʼtsin i alwataláb ban Tsabál. Ki tsuʼuw jawaʼ játs axéʼ xi alwataláb ani jaleʼ ti éjtowal ku lej kulbéj.
1. ¿Jantʼoj neʼets kin tʼajaʼ in Eyaltal a Dios abal ka waʼtsin i koyattaláb ban Tsabál ani ku kʼwajiy alwaʼ?
A Jesús játs an eyal tin Eyaltal a Dios. Tam ka pejéxin ban Armagedón, neʼets kin talabédhaʼ an atiklábchik axi pojkax ani an eyalchik (Apocalipsis 16:14, 16). Tikʼelej neʼets ki ejtow ki uluw abal pútunits axéʼ xi kaw axi kʼwajat ti Biblia: «Expidhits wéʼ i kʼij ani neʼets ka tixkʼáj axi pojkax» (Salmo 37:10). A Jesús neʼets kin eyendhaʼ in Eyaltal a Dios abal patal an atikláb ka kʼwajiy koyat ani kin tʼajaʼchik jawaʼ tekedh (ka ajiy Isaías 11:4).
2. ¿Jantʼiniʼ neʼets ku kʼwajiy tam ka pútunits in tsalápil a Dios ban Tsabál?
Tam in Eyaltal a Dios kin abatnaʼits an Tsabál, «an atiklábchik axi kin tʼajaʼ jawaʼ tekedh, neʼets kin kʼalnaʼ an Tsabál ani neʼets ka kʼwajiy tanáʼ abal etsʼey» (Salmo 37:29). ¿A tsalpayámal jantʼiniʼ neʼets ku kʼwajiy tam patal an atikláb kin tʼajaʼ jawaʼ tekedh, kin kʼanidhaʼ a Jehová ani ka kʼanidháxin? Yabáts jitaʼ neʼets ka yawʼláts, nibal ka tsemets.
3. ¿Jantʼoj neʼets kin tʼajaʼ in Eyaltal a Dios tam kin talabédhaʼits an pojkax?
Tam kin talabédhaʼits an pojkax, a Jesús neʼets ti abatnom 1.000 i támub. Al nixéʼ xi 1.000 i támub, a Jesús ani an 144.000 axi neʼets ti eyal kʼal jajáʼ, neʼets kin tólmiy an atiklábchik abal ka tixkʼan an walabtaláb ani ka tʼokej in ejatal. Tam ka pútunits an mil i támub, an Tsabál neʼets ka kʼwajiy lej alabél, patal an atikláb neʼets kin belkaʼ a Jehová ani neʼets ka kʼwajiychik lej kulbél. Tam, a Jesús neʼets kin jilaʼ abal a Jehová kin áynanchij ti abatnom ani yabáts jitaʼ neʼets kin lúklinchij in bij a Jehová (Mateo 6:9, 10). Jayej, patal neʼets kin tʼajaʼ ti kwéntaj abal a Jehová pel jun i alwaʼ Eyal ani abal in beletnál an atikláb. Talbél, a Jehová neʼets kin talabédhaʼ a Satanás, an demonios ani jitakits tam atikláb kʼal axi ka tomolnáj (Apocalipsis 20:7-10). Patal an alwataláb axi kin chiʼdhaʼ in Eyaltal a Dios neʼets ka owey abal etsʼey.
ABAL KA EXÓBNAʼ MÁS
Ki tsuʼuw jaleʼ ti lej belál abal a Dios neʼets kin eyendhaʼ in Eyaltal abal kin putuw patal jawaʼ in tsálpayal kin tʼajaʼ.
4. In Eyaltal a Dios neʼets kin talabédhaʼ patal an eyal axi tejéʼ Tsabál
«An inikchik expidh in abatnámal axi kʼeʼat abal kin ódhnaʼchik» (Eclesiastés 8:9). A Jehová neʼets kin eyendhaʼ in Eyaltal abal kin tsʼejkaʼ patal jawaʼ an eyalchik in tʼajámal.
Ka ajiychik Daniel 2:44 ani 2 Tesalonicenses 1:6-8, ani ka tsálpaychik kʼal axéʼ:
-
¿Jantʼoj neʼets kin tʼajaʼ a Jehová ani a Jesús kʼal an eyalchik ani kʼal axi tu tolmiyáb?
-
¿Jaleʼ a belál abal a Jehová ani a Jesús etsʼey neʼets kin tʼajaʼ jawaʼ tekedh?
5. A Jesús játs axi in tomnál ti abatnom
Tam a Jesús kin abatnaʼ an Tsabál, neʼets kin tʼajaʼ yan jantʼoj alwaʼ abal kin tólmiy an atiklábchik. Ka tsuʼuwchik an VIDEO abal ka exlaʼ jantʼiniʼ in tejwamedhámal a Jesús abal in léʼ kin tólmiy an atiklábchik, ani abal pidhnének i tsapláb kʼal a Dios abal kin tʼajaʼ.
Jawaʼ in tʼajaʼ a Jesús tam ti xeʼtsin tejéʼ Tsabál, in tejwamédhaʼ abal játs jawaʼ neʼets kin tʼajaʼ in Eyaltal a Dios. Tejéʼ alál, kʼwajat talchik i lablixtaláb axi in ulumal a Jehová abal neʼets kin tʼajaʼ. ¿Jawaʼ játs axi más a léʼ ka tsuʼuw ka putun? Ka ajiychik patal an textos axi u kaw tin kwéntaj axeʼchik xi lablixtaláb.
|
BAN TSABÁL, A JESÚS... |
MA TI ÉB, A JESÚS... |
|---|---|
|
|
|
|
|
|
|
|
6. In Eyaltal a Dios, tu pidhál jun i aychixtaláb lej alabél
A Jehová neʼets kin eyendhaʼ in Eyaltal, abal kin putuw an tsalap axi etsʼey in koʼoyamal abal an atiklábchik. Neʼets ka kʼwajiychik abal etsʼey ban alabél Tsabál. Ka tsuʼuwchik an VIDEO abal ka exlaʼ jantʼiniʼ a Jehová kʼwajat in eyendhál a Jesús, abal kin putuw in tsalápil.
Ka ajiychik Salmo 145:16 ani ka tsálpaychik kʼal axéʼ:
-
¿Jantʼiniʼ a atsʼál ka exlaʼ abal a Jehová neʼets kin pidhaʼ jawaʼ in yéjenchal «patal jawaʼ ejat»?
JAWAʼ TALCHIK IN TSÁLPAYAL: «Max patal ku tólmixin, neʼets ki ejtow ki tsʼejkaʼ an kʼibataláb axi waʼats».
-
¿Jantʼoj tam kʼibataláb axi yab in éjtowal kin tsʼejkaʼ an eyalchik, neʼets kin tsʼejkaʼ in Eyaltal a Dios?
JAWAʼ I EXOBNÁMAL
In Eyaltal a Dios neʼets kin ejtow kin tsʼejkaʼ patal jawaʼ in kwaʼal tsalpadh. Ban ít Tsabál, expidh neʼets ka waʼtsin i atikláb axi kin kʼakʼnaʼ a Jehová abal etsʼey.
Ki tʼilaʼ jawaʼ i exóbnaʼ
-
¿Jantʼoj neʼets kin tʼajaʼ in Eyaltal a Dios abal ka tʼokej in bij a Jehová?
-
¿Jaléʼ ti lej belál abal in Eyaltal a Dios neʼets kin putuw jawaʼ in ulal an Biblia?
-
Kʼal patal jawaʼ neʼets kin tʼajaʼ in Eyaltal a Dios, ¿jawaʼ játs axi más a léʼ ka tsuʼuw ka putun?
KA EXÓBNAʼ JANTʼOJ ÍT
Ka exlaʼ jantʼoj játs an Armagedón.
Ka exóbnaʼ jantʼoj neʼets ka watʼey ban mil i támub, tam a Jesús ka kʼwajiy ti abatnom, ani jantʼoj neʼets ka watʼey talbél.
Ka tsuʼuw jun i yanél axi kʼwajat in tsálpayal abal u kʼwajílits ban ít Tsabál.
Ka ajiy an biografía «U léʼak ku exlaʼ yan jantʼoj» abal ka exlaʼ jun i inik axi in léʼak kin tsʼejkaʼ an kʼibataláb. Ka tsuʼuw jantʼoj in tʼajaʼ ti kwéntaj.
«Tólmiyatchik kʼal an Biblia abal kin jalkʼuy in ejatal» (La Atalaya, 1 de enero de 2012)
Puede que también le interese
JAWA’ YAN I ATIKLÁB TU KONÓWIYAL
¿Jantʼiniʼ játs an exobchixtaláb axi in binál an ólchixchik kʼal a Jehová?
Kʼal an exobintaláb axi in binál an ólchixchik kʼal a Jehová, tatáʼ a éjtowal ka eyendhaʼ jawakits tam Biblia axi a kwaʼal, jayej a éjtowal ka kaniy a yanél o a jaʼúbchik ban exobintaláb ani yab kwaʼal ka jalbiy.
