Ouhona wa Mukuru nai u honapara. Moruveze rwatjimanga owo mau tjiti omarundurukiro omanene kombanda yehi. Ngatu katare koviṋa tjiva oviwa mbi mo yenene okukamuna kehi yOuhona wa Mukuru.

1. Omomuano uṋe Ouhona wa Mukuru mu mau yeta ohange nousemba kombanda yehi?

Jesus, Ombara yOuhona wa Mukuru, ma nyono ovandu ovarunde nozohoromende movita vya Armagedon. (Omavandururiro 16:14, 16) Moruveze ndwo, omakwizikiro wOmbeibela nga maye yenenisiwa: “Mokaruveze okasupi omurunde tjandje ke tji po.” (Epsalme 37:10) Okupitira mOuhona mbwi, Jesus ma tjiti kutja pe kare ohange nousemba kombanda yehi arihe.—Lesa Jesaja 11:4.

2. Ehupo mari kakara vi indu ombango ya Mukuru tji ya utu okutjitwa kombanda yehi?

Kehi yOuhona wa Mukuru “ovasemba mave rumata ehi, nu mave tura mu ro nga aruhe.” (Epsalme 37:29) Ripurira ohunga nokuhupa mouye ovandu avehe mu ve ri ovasemba, nu avehe mu va suvera Jehova nokusuverasana. Kape nomundu ngu ma vere nu ovandu avehe mave hupu nga aruhe.

3. Ouhona wa Mukuru mau kayenenisa tjike indu ovarunde tji va zu nokunyonwa?

Ovarunde tji va zu nokunyonwa, Jesus ma kahonapara otjOmbara oure wozombura 1 000. Moruveze ndwo, Jesus na imba mbu mave kahonapara pu na ye 144 000, mave kavatera ovandu kombanda yehi kutja ve rire ohomonena. Komaandero wozombura eyovi, ehi mari katanaurirwa moparadisa ombwa ndje ura novandu mbe nondjoroka nu mbe muna ouwa mokukongorera ozoveta za Jehova. Okuzambo Jesus ma yarura Ouhona ku Ihe Jehova. Ena ra Jehova ‘mari kayapurwa.’ (Mateus 6:9, 10) Moruveze ndwo, ovandu avehe mave kamuna kutja Jehova Omunane omusemba ngu rikendera kovakarere ve. Okuzambo Jehova ma nyono Satan, ozondemone, na imba avehe mba toorora okupirukira ouhonapare We. (Omavandururiro 20:7-10) Ozongaro ozosemba nḓu maze etwa i yOuhona wa Mukuru maze karerere nga aruhe.

 KONḒONONA OUKOTO

4. Ouhona wa Mukuru mau yandeke ozohoromende zovandu

“Omundu umwe rumwe u honaparera omukwao nga tji ma humapara.” (Omuzuvarise 8:9) Jehova ma ungurisa Ouhona we okuisa po ouhasemba mbwi.

Lesa Daniel 2:44 no 2 Ovatesalonika 1:6-8, nu okuzambo hungirira komapuriro nga:

• Jehova nOmuna we Jesus, mave tjiti tjike kovahonapare wovandu na imba mbu ve ve pa oruvara?

• Oviṋa mbi we rihonga ohunga na Jehova na Jesus, mavi ku vatere vi okukara nongamburiro kutja ovitjitwa vyawo mavi rire ovisemba?

5. Jesus wa pwa okurira Ombara

Otja Ombara yOuhona wa Mukuru, Jesus ma kavatera ovandu kombanda yehi momiano omingi pekepeke. Nyanda OKAVIDIO ku make raisa kutja Jesus u vanga okuvatera ovandu nokutja Mukuru we mu pa omasa wokutjita nao.

Oviṋa Jesus mbya tjita indu tja ri kombanda yehi vya raisa kutja Ouhona mau kayenenisa ye. Ozondaya zeṋe nḓa tamunwa mba nḓu mo vanga okukayorokera? Lesa omatjangwa ngu maye kongorera mba ngu maye tu vatera okurihonga ovingi ohunga nozondaya nḓo.

6. Ouhona wa Mukuru mau eta oruyaveze oruwa

 OKUYARUKIRA PO OUSUPI

Ouhona wa Mukuru mau kayenenisa oviṋa Mukuru mbye vanga okutjita. Owo mau tjiti kutja ehi arihe ri rire oparadisa mu mamu tura ovandu mbu mave rikotamene ku Jehova nga aruhe.

Okurizemburukisa

• Omomuano uṋe Ouhona wa Mukuru mu mau yapura ena ra Jehova?

• Omena raye tji matu yenene okukambura kutja Ouhona wa Mukuru mau yenenisa omakwizikiro wOmbeibela?

• Moviṋa avihe Ouhona wa Mukuru mbi mau yenenisa, otjikwaye tji mo zeri tjinene okumuna?