TIMEƔRI TIS 33
Ayen ara texdem Tgelda n Ṛebbi
Leḥkem n Tgelda n Ṛebbi yebda yakan. Tagelda-yagi ur teţɛeṭṭil ara aţ-ţbeddel aṭas n leḥwayeǧ ɣef lqaɛa. A nẓer kra n leḥwayeǧ yelhan ara texdem.
1. Amek ara d-tessers Tgelda n Ṛebbi lehna akk-d lḥeqq ɣef lqaɛa?
Ɛisa, Agellid n Tgelda n Ṛebbi, ad yessenger lɛibad imcumen akk-d lḥukumat n diri di lgirra n Harmagidun (Aweḥḥi 16:14, 16). Asm’ara d-yaweḍ wass-nni, a d-yeḍru s lekmal-is lweɛd-agi n Wedlis Iqedsen i d-yeqqaren: “Kra n lweqt kan, amcum ur d-iţɣimi ara” (Ahellil 37:10). Ɛisa ad yessexdem Tagelda-yagi iwakken lehna akk-d lḥeqq ad ččaṛen lqaɛa (ɣer-ed Icɛaya 11:4).
2. Amek ara tili temɛict-nneɣ asm’ara d-yeḍru lebɣi n Ṛebbi ɣef lqaɛa?
Ddaw n leɛnaya n Tgelda n Ṛebbi, “Iḥeqqiyen ad weṛten lqaɛa yerna ad ɛicen deg-s i lebda” (Ahellil 37:29, TMN). Xayel-ed amek ara tili tudert! Lɛibad meṛṛa ad ilin d iḥeqqiyen; ad ḥemmlen Yahwa yerna ad ḥemmlen wiyaḍ. Ulac win ara ihelken, yerna a nɛic i dayem.
3. D acu ara texdem Tgelda n Ṛebbi mbeɛd m’ara negren yemcumen?
Asm’ara negren yemcumen, Ɛisa ad yernu ad yeḥkem 1 000 iseggasen. Di lweqt-nni, neţţa akk-d 144 000 n yemdanen ara iḥekmen yid-es ad ɛiwnen lɛibad akken ad uɣalen kemlen. Ɣer taggara n 1 000 iseggasen-agi, lqaɛa aţ-ţuɣal d lǧennet ideg ara ɛicen lɛibad di lfeṛḥ axaṭer ţqadaren leqwanen n Yahwa. Mbeɛd, Ɛisa ad yerr Tagelda i Baba-s. Swakka, isem n Yahwa ‘ad yeţwaqeddes’ akken ur yeţwaqeddes ara yakk uqbel (Matta 6:9, 10). A d-iban ɛinani belli Yahwa d lḥakem yelhan yerna yeţḥebbiṛ ɣef wegdud-is. Ɣer taggara, Yahwa ad yessenger Cciṭan, leǧnun d wid akk ur neqbil ara leḥkem-ines (Aweḥḥi 20:7-10). Liḥala-yagi igerrzen ara d-yeḍrun s Tgelda n Ṛebbi aţ-ţdum i dayem.
A NNADI A NEFHEM AKTEṚ
A nẓer acuɣer i nezmer a neţkel belli Ṛebbi ad yessexdem Tagelda-ines akken a d-yesseḍru ayen i d-yewɛed deg Wedlis Iqedsen ɣef wayen i d-iţeddun.
4. Tagelda n Ṛebbi aţ-ţessenger lḥukumat n yemdanen
“Amdan irkeḍ gma-s, isseɣli-d fell-as ddel” (Amusnaw 8:9). S Tgelda-yagi, Yahwa ad yefru akk iɣeblan swayes i d-yegla leḥkem amesbaṭli n wemdan.
Ɣret-ed Danyil 2:44 akk-d 2 Itisalunikiyen 1:6-8, mbeɛd hedṛet ɣef yesteqsiyen-agi:
-
D acu ara xedmen Yahwa akk-d Ɛisa i lḥukumat n yemdanen akk-d wid yeddan yid-sent?
-
Ɛlaḥsab n wayen i tessneḍ ɣef Yahwa akk-d Ɛisa, acuɣer i teţţuqennɛeḍ belli ayen akk ara xedmen a t-xedmen s lḥeqq?
5. Ulac agellid i gecban Ɛisa
Ɛisa ad yexdem aṭas n lxiṛ i lɛibad ara iɛicen ɣef lqaɛa ddaw n leɛnaya n Tgelda n Ṛebbi. Walit BIDYU-YAGI akken aţ-ţeẓrem belli Ɛisa ibeggen-ed yakan belli yebɣa ad iɛiwen lɣaci, ibeggen-ed daɣen belli yesɛa tazmert ad yexdem ayagi s lqeḍra n Ṛebbi.
Asmi i gella Ɛisa ɣef lqaɛa, yessken-ed d acu ara texdem Tgelda ɣer zdat. Di lewɛud-agi ara d-nwali tura, anwa deg-sen i tḥareḍ a d-yeḍru? Ɣret-ed ifyar yeɛnan mkul yiwen si lewɛud-agi.
|
ASMI I GELLA ƐISA ƔEF LQAƐA... |
SEG IGENNI, ƐISA... |
|---|---|
|
|
|
|
|
|
|
|
6. Tagelda n Ṛebbi tewɛed-aɣ ussan igerrzen ɣer zdat
Tagelda n Ṛebbi a d-tesseḍru ayen i gewɛed Yahwa i yemdanen si tazwara. Ad ɛicen i dayem di lǧennet. Walit BIDYU-YAGI akken aţ-ţeẓrem amek i gwekkel Yahwa Mmi-s, Ɛisa, bac ad yexdem ayen i geqsed Ṛebbi.
Ɣret-ed Ahellil 145:16, mbeɛd hedṛet ɣef westeqsi-yagi:
-
S wacu i teţḥussuḍ imi i teẓriḍ belli Yahwa ‘yesseṛway kra n wayen yeddren’?
KRA QQAREN: “Ma neddukkel afus deg ufus, a nefru iɣeblan n ddunit.”
-
Tagelda n Ṛebbi aţ-ţefru iɣeblan ur zmirent ara lḥukumat n yemdanen ad frunt. D acu-ten iɣeblan-agi?
AYEN I D-NELMED
Tagelda n Ṛebbi aţ-ţessiweḍ aţ-ţexdem lebɣi n Yahwa. Aţ-ţerr lqaɛa meṛṛa d lǧennet ideg ara ɛicen iqeddacen-is i dayem.
A d-nesmekti
-
Amek ara tqeddes Tgelda n Ṛebbi isem n Yahwa?
-
Ayɣer i nezmer a neţkel belli Tagelda n Ṛebbi aţ-ţexdem ayen akk i gewɛed Wedlis Iqedsen?
-
Ger leḥwayeǧ akk ara texdem Tgelda n Ṛebbi, anta deg-sent i teţṛaǧuḍ s lḥir?
TZEMREḌ AŢ-ŢWALIḌ DAƔEN
Acu i d lmeɛna n umeslay “Harmagidun”?
Ayen ara yeḍrun m’ara yeḥkem Ɛisa 1 000 iseggasen d wayen ara yeḍrun ɣer taggara n 1 000 iseggasen.
Que se passera-t-il lors du Jour du Jugement ? (La Tour de Garde, 1er septembre 2012)
Iɛeggalen n yiwet n twacult ţxemmimen ɣef wamek ara tili tudert-nsen di ddunit tajdiṭ.
Yiwen n ccix n tejmaɛt, yeţnadin aţ-ţbeddel tmurt-is, issefhem-ed anda i gufa leǧwab ɣef yesteqsiyen-is (wali taḥkayt « J’étais tourmenté par de nombreuses questions » [Aṭas n yesteqsiyen i yi-iceɣben]).
La Bible transforme des vies (La Tour de Garde, 1er janvier 2012)
Tzemreḍ aţ-ţwaliḍ daɣen…
ISTEQSIYEN I D-IŢŢUƔALEN DIMA
Amek i sɣarayen Inagan n Yahwa Adlis Iqedsen?
M’ara teɣreḍ baṭel Adlis Iqedsen akk-d Inagan n Yahwa, tzemreḍ aţ-ţessexdmeḍ adlis-ik iqedsen w’a d-tɛerḍeḍ iɛeggalen n twacult-ik neɣ leḥbab-ik.
