DAW 33
Karai A Mungdan Galaw Ya Na Lam
Karai a Mungdan uphkang nga sai. Kade n na yang, Karai a Mungdan gaw, mungkan ting hpe laklai hkra galai shai ya na re. Karai a Mungdan uphkang ai npu hta, myit mada mai ai kaja ai lam nkau mi hpe hkaja yu ga.
1. Karai a Mungdan gaw mungkan ga hta simsa lam hte tara rap ra lam nga hkra gara hku bai galaw ya na kun?
Karai Mungdan a Hkawhkam Yesu gaw Hara Magedon majan hta, nhkru ai masha ni hte asuya ni hpe jahten kau na re. (Shingran 16:14, 16) Dai aten hta, ndai Chyum Laika myihtoi ga tsep kawp hpring tsup wa na re: “Gade n na yang, tara n lang ai wa nga nga lu na n rai.” (Shakawn 37:10) Mungdan hpe akyu jashawn nna, Yesu gaw mungkan ting hta simsa lam hte tara rap ra lam nga hkra galaw ya na re.—Esaia 11:4 hpe hti u.
2. Mungkan ga hta Karai a myit ra ai lam byin wa ai shaloi prat gaw gara hku byin nga na kun?
Karai a Mungdan uphkang ai npu hta, “ding hpring ai ni gaw dai mungdan hpe madu lu nna, Dai hta e nan nawng e nga nga lu na ma ra ai.” (Shakawn 37:29) Masha yawng ding hpring nna, Yehowa hte shada da hpe tsawra ai ni hte hpring nga ai mungkan hta asak hkrung nga ai ngu shingran yu u. Kadai mung n machyi ai sha, htani htana asak hkrung lu na re.
3. Nhkru ai masha ni hpe yeng seng kau ngut ai hpang Karai a Mungdan gaw hpa galaw ya na kun?
Nhkru ai masha ni hpe yeng seng kau ngut ai hpang, Yesu gaw Hkawhkam hku nna, shaning 1,000 uphkang na re. Dai aten laman, Yesu hte shi hte rau uphkang na 144,000 gaw, shinggyim masha ni hpe hkum tsup wa hkra karum ya na re. Dai aten htum ai shaloi, mungkan ting gaw tsawm htap ai hparadisu byin wa nna, masha yawng mung Yehowa a tara hpe hkan sa ai majaw, ngwi pyaw nga na re. Yesu mung, mungdan hpe Kawa Yehowa hpang de bai ap ya na re. Yehowa a mying mung “chyoi pra” san seng wa na re. (Mahte 6:9, 10) Yehowa gaw, mung masha ni hpe lanu lahku ai, kaja ai Uphkang Madu re ai hpe dai lam gaw sakse madun na re. Dai hpang, Yehowa gaw Shi a uphkang ai lam hpe gumlau ai ni, Satan hte nat ni hpe jahten kau na re. (Shingran 20:7-10) Karai a Mungdan galaw ya ai hkum tsup ai masa lam yawng gaw, htani htana grin mat na re.
Kahtap Hkaja
Karai Kasang gaw Mungdan hpe akyu jashawn nna, htawm hpang hte seng ai Chyum Laika ga sadi ni yawng hpe hpring tsup hkra galaw ya na ngu ai hpe anhte hpa majaw kam mai ai lam hkaja yu ga.
4. Karai a Mungdan gaw shinggyim asuya ni hpe yeng seng kau na
Masha shada da gaw “adip arip” galaw nna uphkang ai. (Hpaji 8:9) Dai zawn n tara ai lam ni n nga hkra, Yehowa gaw shi a Mungdan hku nna galaw ya na re.
Daniela 2:44 hte 2 Htesaloni 1:6-8 hpe hti nna, ndai ga san ni hpe bawngban u:
-
Yehowa hte Kasha Yesu gaw, shinggyim asuya ni hte shanhte hpe madi shadaw ya ai ni hpe hpa galaw na kun?
-
Yehowa hte Yesu a lam nang chye wa ai shaloi, shan galaw ai lam ni gaw, tara rap ra ai ngu ai hpe hpa gaw nang hpe kam shangun ai kun?
5. Yesu gaw kaja htum Hkawhkam re
Karai a Mungdan Hkawhkam Yesu gaw, mungkan ga hta nga ai mung masha ni akyu lu la hkra, lam amyu myu hku nna galaw ya na re. VIDEO hpe hpaw. Yesu gaw karum ya mayu ai myit nga nna, dai hku lu galaw na matu Karai Kasang atsam jaw da ai. Dai hpe gara hku madun wa ai hpe yu yu u.
Mungkan ga kaw nga ai shaloi, Yesu gaw Karai a Mungdan galaw ya na lam ni hpe, madun dan wa sai. Ndai kaw madun da ai lam ni kaw na gara shaman chyeju ni hpe nang grau myit mada nga ai kun? Dai shaman chyeju ni hte seng nna tsun da ai Chyum daw ni hpe hti u.
|
Mungkan Ntsa Nga Ai Shaloi, Yesu gaw . . . |
Sumsing Lamu Kaw Nna Yesu gaw . . . |
|---|---|
|
|
|
|
|
|
|
|
6. Karai a Mungdan gaw grai kaja ai htawm hpang prat hpe galaw ya na
Karai a Mungdan gaw shinggyim masha ni a matu, Yehowa a yaw shada lam hpring tsup hkra galaw ya na re. Shanhte gaw mungkan hparadisu hta, htani htana asak hkrung lu na re. VIDEO hpe hpaw. Yehowa gaw yaw shada lam hpring tsup hkra Kasha Yesu hku nna gara hku galaw ya wa ai hpe yu yu u.
Shakawn 145:16 hpe hti nna, ndai ga san hpe bawngban u:
-
Yehowa gaw, “hkrung mahkrung ni hpe kaja ai hte shakat da” ya na hpe chye ai majaw, nang gara hku hkamsha ai kun?
Nkau Mi Tsun Ai: “Anhte yawng jawm galaw yang, mungkan a manghkang ni hpe hparan lu na re.”
-
Masha asuya ni n lu hparan ya ai gara manghkang ni hpe Karai a Mungdan gaw hparan ya na kun?
Kadun Dawk
Karai a Mungdan gaw yaw shada lam yawng hpring tsup hkra galaw na re. Dai Mungdan gaw, Yehowa hpe htani htana nawku ai masha ni hte hpring nga ai mungkan hparadisu byin hkra galaw ya na re.
Bai Maram
-
Karai a Mungdan gaw, Yehowa a mying hpe gara hku chyoi pra hkra galaw na kun?
-
Karai a Mungdan gaw, Chyum Laika myihtoi ga yawng hpring tsup hkra galaw ya na ngu ai hpe anhte hpa majaw kam ai kun?
-
Karai a Mungdan galaw ya na lam ni kaw na gara hpe nang grau myit mada nga ai kun?
Sawk Sagawn
Hara Magedon ngu ai lachyum gaw hpa re ai hpe hti yu u.
Yesu shaning 1,000 uphkang nga ai aten laman hte htum ai aten hta byin wa na lam ni hpe hkaja yu u.
“Tara Dawdan Ai Nhtoi Hta Hpa Ni Byin Na Kun?” (Sin Langchyi, September 1, 2012)
Mungdan shaman chyeju ni hpe dinghku nawng gara hku shingran yu mai ai hpe yu yu u.
“Ngai Hta San Na Ga San Law Law Nga” ngu ai sumhpa hta, mung masa galaw ai wa gaw, shi tam nga ai manghkang hparan ai lam ni hpe gara hku mu wa ai hpe hti yu u.
“Chyum Laika Gaw Prat Hpe Galai Shai Ya” (Sin Langchyi, January 1, 2012)
You May Also Like
SAN CHYE AI GA SAN NI
Yehowa Sakse Ni Saw Shaga Ai Chyum Laika Hkaja Lamang Ngu Ai Gaw Hpa Rai Kun?
Manu jahpu n jaw ra ai Chyum Laika hkaja ai lamang hpe Yehowa Sakse ni saw shaga ai shaloi, gara Chyum Laika hpe raitim, nang mai lang ai. Na nta masha ni, manang ni, kadai hpe raitim, saw shaga mai ai.
