33 УРОКЫР
Алыхьым и Пащтыхьыгъуэм сыт къытхуихьынур?
Алыхьым и Пащтыхьыгъуэм тепщэн щІидзакІэщ. Куэд мыщІэу абы ди гъащІэм зэхъуэкІыныгъэшхуэхэр къыхилъхьэнущ. А Пащтыхьыгъуэм дэтхэнэ зыми сыт хуэдэ фІыгъуэхэр къытхуихьынуми къэтщІэнщ.
1. Алыхьым и Пащтыхьыгъуэм дапхуэдэу дунейр мамыр зэрищІыжынур икІи захуагъэр зэрызэтригъэувэжынур?
Алыхьым и Пащтыхьыгъуэм и Пащтыхь Хьисэ цІыху Іейхэмрэ цІыхухэм я пащтыхьыгъуэхэмрэ Армагеддон зауэм щигъэкІуэдынущ (Апокалипсис 16:14, 16). Абы щыгъуэ мы псалъэхэр и кІэм нэс гъэзэщІа хъунущ: «Иджыри тІэкІу дэкІмэ, цІыху хабзэншэр щыІэжынукъым» (Псалом 37:10). Пащтыхьыгъуэр къигъэсэбэпу, Хьисэ дуней псор мамыр ищІыжынущ икІи захуагъэр зэтригъэувэжынущ (Къеджэ Исайя 11:4.)
2. Алыхьым щІылъэм хуиІэ мурадыр гъэзэщІа хъуа нэужь дапхуэдэу ди гъащІэр зэрыщытынур?
Алыхьым и Пащтыхьыгъуэм и фІыгъэкІэ «цІыху пэжхэм мы щІыр я щІэину къахуэнэнущ икІи игъащІэ псокІи абы щыпсэунущ» (Псалом 37:29). Къызыщывгъэхъут цІыху пэж, цІыхуфІ фІэкІ здэщымыІэ дуней! Псори фІыуэ зэролъагъу икІи Иеговэ хуолажьэ. Зыри сымаджэкъым икІи псоми гъащІэ мыухыж яІэу мэпсэу.
3. ЦІыху Іейхэр игъэкІуэдыжа нэужь Алыхьым и Пащтыхьыгъуэм сыт ищІэнур?
Хьисэ цІыху Іейхэр игъэкІуэдыжа нэужь ар иджыри илъэс минкІэ Пащтыхьу щытынущ. А зэманым Хьисэрэ 144 000 хъу тепщэныгъэр абы дэзыІыгъынухэмрэ цІыхухэм ядэІэпыкъунущ гуэныхьым къыІэщІэкІыу дагъуэншэ хъужыну. А зэманым и кІэм щІылъэр жэнэт дахащэ хъужынущ. ЦІыхухэр псори насыпыфІэ хъунущ, сыт щхьэкІэ жыпІэмэ ахэр Иеговэ и жыІэм щІэтынущ. Абы иужькІэ Хьисэ тепщэныгъэр и Адэ Иеговэ иритыжынущ. Апхуэдэу Иеговэ и цІэр зэи хуэмыдэу гъэлъэпІа хъунущ! (Маттэ 6:9, 10). А псом къигъэлъэгъуэнущ Иеговэ и ІэдакъэщІэкІхэм и нэІэ зэрытригъэтыр икІи ар пащтыхьыфІу зэрыщытыр. ИужькІэ Иеговэ игъэкІуэдыжынущ ШейтІанри, жин бзаджэхэри, абыхэм я лъэныкъуэр зыубыдынухэри (Апокалипсис 20:7—10). Алыхьым и Пащтыхьыгъуэм щІылъэр жэнэт ищІыжынурэ, гъащІэ дахэм зэи кІэ иІэнукъым!
НЭХЪ КУУУЭ ХЭПЛЪЭ
Алыхьым и Пащтыхьыгъуэр къигъэсэбэпу, дыкъызэригъэгугъа псори зэригъэзэщІэжынум щыхьэт техъуэ Іуэхугъуэхэр къащІэ.
4. Алыхьым и Пащтыхьыгъуэм цІыху пащтыхьыгъуэхэм кІэ къахуигъэкІуэнущ
Библием зэрыжиІэмкІэ, «цІыхум адрей цІыхум зэран хуэхъуу унафэ хуещІ» (Экклезиаст 8:9). Иеговэ и Пащтыхьыгъуэр къигъэсэбэпу захуагъэр зэтригъэувэжынущ икІи цІыхухэм хэщІыныгъэу яІауэ хъуар берычэту къаІэрыхьэжынущ.
Даниил 2:44, 2 Фессалоникэ 1:6—8 итым фыкъеджи мы упщІэхэм фегупсыс:
-
Иеговэрэ Хьисэрэ цІыхухэм я пащтыхьыгъуэхэмрэ абыхэм я лъэныкъуэр зыубыдахэмрэ сыт иращІэнур?
-
Иеговэрэ Хьисэрэ теухуауэ къэпщІам дапхуэдэу уи фІэщ зэрищІыр ахэр захуагъэм зэрытемыкІынур?
5. Хьисэ псом нэхърэ нэхъ пащтыхьыфІщ
Алыхьым и Пащтыхьыгъуэм и Пащтыхь Хьисэ и лъабжьэ щІэтынухэм фІыгъуэ куэд щахуищІэну зэманым къыхуэмыгъэсу поплъэ. Хьисэ цІыхухэм ядэІэпыкъуну гукъыдэжи къаруи зэриІэр МЫ ВИДЕОМ къыщыпщІэнущ.
Хьисэ щІылъэм щыщыІам ищІа Іуэху телъыджэхэм къагъэлъагъуэ Алыхьым и Пащтыхьыгъуэм цІыхухэм яхуищІэну фІыгъуэхэр. ИщІагъым къыщыхьахэм щыщу сытыт уэ плъэгъуну нэхъ узыхуейр? Мыбдеж къыщыхьа едзыгъуэ псоми къеджэ.
|
ХЬИСЭ ЩІЫЛЪЭМ ЩЫЩЫІАМ: |
ХЬИСЭ УАФЭМ ЩЫІЭУ: |
|---|---|
|
|
|
|
|
|
|
|
6. Алыхьым и Пащтыхьыгъуэм цІыхухэр насыпыфІэ ищІынущ
Иеговэ цІыхухэм яхуиІа мурад дахэр абы и Пащтыхьыгъуэм игъэзэщІэнущ. ЦІыхухэр жэнэтыщІым гъащІэ мыухыж яІэу щыпсэунущ. ВИДЕОМ феплъи Иеговэ дыкъызэригъэгугъа псори, Хьисэ къигъэсэбэпу, зэригъэзэщІэжынур къащІэ.
Псалом 145:16 итым фыкъеджи мы упщІэм фегупсыс:
-
Иеговэ «псэ зыІут псоми зыхуэныкъуэр» зэрыхуищІэм сыт хуэдэ гурыщІэхэр къыуитрэ?
ЗЫГУЭРЫМ ЖИІЭФЫНУЩ: «ЦІыхухэр зэгухьэмэ, зыпэмылъэщыфын гугъуехь мы дунейм теткъым».
-
ЦІыху пащтыхьхэр сыт хуэдэ гугъуехьхэра зэи зыпэмылъэщыфынур икІи Алыхьым и Пащтыхьыгъуэм нэмыщІ нэгъуэщІым зыми ар щІыхузэфІэмыкІынур сыт?
КЪЭПЩЫТЭЖ
Пащтыхьыгъуэм Алыхьым и мурадыр игъэзэщІэнущ. А Пащтыхьыгъуэм щІылъэр жэнэт дахэ ищІыжынущ икІи абы щыпсэуну цІыхуфІхэр Иеговэ игъащІэкІэ хуэлэжьэнущ.
Мы упщІэхэр зэгъусэу зэпкърыфх:
-
Алыхьым и Пащтыхьыгъуэм Иеговэ и цІэр дапхуэдэу зэригъэлъэпІэнур?
-
Библием ит гугъэ дахэхэр Алыхьым и Пащтыхьыгъуэм зэригъэзэщІэнум сыт щыхьэт техъуэр?
-
Алыхьым и Пащтыхьыгъуэм къытхуихьыну фІыгъуэхэм щыщу дэтхэнэра уэ къыпхуэмыгъэсу узыпэплъэр?
НЭХЪЫБЭ КЪАЩІЭ
Армагеддоныр зищІысыр къащІэ.
«Армагеддон зауэр сыт зищІысыр?» (интернет-статья, урысыбзэкІэ)
Хьисэ илъэс минкІэ тепщэу щыщытыну зэманымрэ абы иужь занщІэу къэхъунумрэ къащІэ.
«Алыхьым и Махуэшхуэм сыт къэхъунур?» («ХъумакІуэ чэщанэ», фокІадэм и 1, 2012 гъэ, урысыбзэкІэ)
Жэнэтым дыщыІэу ди нэгу къызэрыщІэдгъэхьэ хъунум теухуауэ еплъ.
«Сэ упщІэ куэдым сагъэпІейтейт» жыхуиІэ статьям уэ къыщыпщІэнущ политикэм пэщІэува щІэпхъаджащІэм Библием еджэн щІидза иужь зэрызихъуэжар.
«Библием гъащІэр ехъуэж» («ХъумакІуэ чэщанэ», щІышылэм и 1, 2012 гъэ, урысыбзэкІэ)
Иджыри уигу ирихьыфынур
НЭХЪЫБЭУ ЯТ УПЩІЭХЭР
Иеговэ и Щыхьэтхэм ирагъэкІуэкІ курсыр зищІысыр сыт?
Библием итыр къэпщІэну къыбдэІэпыкъу курс Иеговэ и Щыхьэтхэм ирагъэкІуэкІ. Абыхэм ущрагъаджэкІэ уи унэм щІэлъ Библиер къэбгъэсэбэп хъунущ икІи уи унагъуэм щыщхэмрэ уи ныбжьэгъухэм щыщ гуэррэ къебгъэблагъэ хъунущ.
