LISHOMO 33
Utawala wa Nnungu ulota kutandedya nyamani
Utawala wa Nnungu undyanjanga kulangalalela. Muwakati wakuvandika undatenda mabadiliko makumene mushilambo shapai. Tuke tulole vinu vyambone vilota kuka natandedya Utawala wa Nnungu.
1. Utawala wa Nnungu ulota kwidanavo dashi amani na ishaliya mushilambo shapai?
Yesu, Umu wa Utawala wa Nnungu, andauka navabamola vanu vakalau na dishilikali uti mu ing’ondo ya Alimagedoni. (Maono 16:14, 16) Wakati awo, shakulivikila ashi shindauka ndatandeka: ‘Muwakati wakuvandika vakalau uti havapagwa kavili.’ (Dimu 37:10) Kwaindila ya Utawala awo Yesu andauka nakikisha kenga ipali amani na ishaliya mushilambo uti.—Shomya Ishaiya 11:4.
2. Shingumi shilota kuva dashi mushilambo shapai palota kutandeka malotelo lake Nnungu?
Valangalalegwa na Utawala wa Nnungu, ‘vanu vaishaliya vandanama mushilambo shapai mu myaka víkamalilika.’ (Dimu 37:29) Kumbukila unama mushilambo mwavavele vanu vaishaliya, vannagwaledya Yeova, na vananagwaladyania kula munu na muje! Vanu havauka shinu nava valwele, na kula munu andanama mu myaka víkamalilika.
3. Utawala wa Nnungu ulota kutandedya nyamani baada ya kuvabamola vakalau?
Baada ya kuvabamola vakalau, Yesu andalangalalela kenga Umu mu myaka 1.000. Wakati awo, Yesu na vakulangalalelamwagwe 144.000 vanavapwashela vanu vavele mushilambo shapai kuva vakukulupilika na vakavé lidambi. Kumwisho kwa myaka avyo, shilambo uti shinauka nava palaishu, na vanu uti vanauka napuwanga kwamwaa wakwigwilila malamulo lamwe Yeova. Badae Yesu anaujiya Utawala kwa Tatake Yeova. Muwakati awo, ‘lina limwe Yeova linauka nashwalela.’ (Mateu 6:9, 10) Yeova andauka nalodya kenga nae ni nkúlangalalela wambone na avatanana venentete vake. Badae Yeova anauka nambamola Shatwani, vandamoni, na vanu vanji valota kupinga kulangalalela kwake. (Maono 20:7-10) Kwamwaa wa Utawala wa Nnungu shingumi shinauka nava shambone namene mu myaka víkamalilika.
LAMBELA KUMANYA VYOE
Manya mwaa shani tunkuulula kwamini kenga Nnungu andatumila Utawala wake, pakulota kutandedya vyakulivikila uti vivele mu Ibibiliya kwaupande wa wakati wamushu.
4. Utawala wa Nnungu undauka nabamola dishilikali dya vanu
‘Munu ankutawala munu mwagwe kwa ukalau.’ (Nkúvalanga 8:9) Kupitila Utawala wake Yeova anamalidya ungave-ishaliya.
Shomya Daniyele 2:44 na 2 Vateshalonika 1:6-8, na badae mwambangile mwaa vyakudya vya mwina:
-
Yeova na Mwanagwe Yesu, valota kutenda nyamani kwaupande wa dishilikali dya vanu na avalá vaungila nkono?
-
Ukakumbukila vinu vyaulipundishidye kwaupande umwe Yeova namu Yesu, vinkukupa dashi wakika kenga kuukumu kwake Nnungu kundava kwa ishaliya?
5. Yesu ni Umu wambone
Kenga Umu wa Utawala wa Nnungu, Yesu andauka natenda vinu vyoe pakulota kuvapwashela venentete vake. Lola VIDEO pakulota wone kenga mwiu Yesu ankulota kuvapwashela vanu na Nnungu animupa dimongo pakulota kutenda shinu asho.
Yesu pavéle mushilambo shapai andilodya vinu vilota kuka natenda Utawala wa Nnungu. Dinudyo shani dyavavalenge dyaulindilila wako na amu? Shomya maandiko alodyegwa pakulota ulipundishe vyoe kwaupande wa dinudyo adyo.
|
YESU PAVÉLE MUSHILAMBO SHAPAI . . . |
YESU PALOTA KUVA KUWA . . . |
|---|---|
|
|
|
|
|
|
|
|
6. Utawala wa Nnungu unaidanavo shingumi shambone muwakati wamushu
Utawala wa Nnungu undatandedya malotelo lake Nnungu, lavenavo tangu kunantandi kwaupande wa vanu. Vanu vandanama muwakati úkamalilika ku palaishu mushilambo shapai. Lola VIDEO pakulota wone Yeova mwantumilila Mwanagwe Yesu, pakulota kutandedya malotelo lake.
Shomya Dimu 145:16, na badae mwambangile mwaa shakudya sha mwina:
-
Unkuligwa dashi kwa kumanya kenga Yeova anauka ‘natandedya malotelo a kula shinu shinama’?
VANU VANJI VANKUSHIDONI: “Ikava kenga vanu uti vankwigwania tunkuulula kumalidya matatisho mushilambo uti.”
-
Utawala wa Nnungu ulota kumalidya matatisho shani latatakadile dishilikali dya vanu?
KWAUNGWIPI
Utawala wa Nnungu undauka natandedya vinu uti vyalota Nnungu vitandeke. Undauka natadya shilambo kuva palaishu yavaumbele vanu vambone, valota kulipudya ngwengwe kumwe Yeova.
Tukumbukilange
-
Utawala wa Nnungu ulota kuka dashi nashwaledya lina limwe Yeova?
-
Mwaa shani tunkuulula kwamini kenga Utawala wa Nnungu undauka natandedya vyakulivikila uti vivele mu Ibibiliya?
-
Kwa vinu vyoe vilota kuka natandedya Utawala wa Nnungu vinu shani vikunagwadile wako vitandeke?
LIPUNDISHE
Manya manaake Alimagedoni.
“Vita vya Har–Magedoni Ni Nini?” (Makala iliyo kwenye mtandao)
Manya nyamani shilóta kutandeka mu myaka 1.000 mu kulangalalela kumwe Yesu, namomo shomya nyamani shilóta kuka natandeka baada ya apo.
“Ni Nini Kitakachotokea Katika Siku ya Hukumu?” (Mnara wa Mlinzi, Septemba 1, 2012)
Lola likola likumbukilanga kwaupande wa dinudyo dya wakati wamushu dya Utawala wa Nnungu.
Lishomo “Dívanavo vyakudya vyoe vishingudingadinga,” lola mwashi nnume washiyasha mwaukidile napata majibu a vyakudya vyavenavo vishimwangaisha.
“Biblia Inabadili Maisha” (Mnara wa Mlinzi, Januari 1, 2012)
