Topẽ Pãꞌi vỹ tỹ rĩr nĩ ha, kanhkã tá. Kãnhmar ti tỹ nén ũ e ag vỹ hyn han ke mũ, Ga kri. Ẽg tỹ kanhrãnrãn ke vẽ, nén ũ há ag vỹ Topẽ Pãꞌi tỹ hyn han ke mũ.

1. Topẽ Pãꞌi hã ren kỹ vẽnh kar mỹ jatun mỹ nỹtĩ han ke mũ?

Jesus, Topẽ Pãꞌi to Pãꞌi vỹ ũn jykre kórég ag kar ẽprã ke Pãꞌi ag tỹ tũꞌ ke mũ, Armagedom ki. (Nén venh ke 16:14, 16) Kỹ “ũn jykre pãno ag tóg kãnhmar tũꞌ henh ke mũ.” (Salmo 37:10) Jesus vỹ vẽnh kar mỹ jatun mỹ nỹtĩnh ke mũ, Topẽ Pãꞌi tỹ. — Salmo 72:12-14 le kem nĩ.

2. Ne nỹ hãn ri kenh ke hãn, Topẽ tỹ tag ki Ga kri, ti vĩ han kỹ?

Tag to ãkrén nĩ, ã tỹ ẽmã ũ ki vỹ ũn ag tỹ tỹ há nỹtĩ kar ag tỹ Jeová kar ũnꞌũ ag jagnẽ to há nỹtĩ! Nén ũ tag vỹ hãn ri kenh ke mũ, Topẽ Pãꞌi kãmĩ, ‘ũn jykre há ag tóg Topẽ tỹ ag mỹ ga há ven ke ẽn hã ki ẽmãnmãn ke mũ. Jatun mỹ ag tóg tá mũnh ke mũ’. (Salmo 37:29) Ũn ag pijé kaganh ke mũ kar vẽnh kar tỹ rĩnrĩr krỹg ja tũ venh ke mũ.

3. Ũn jykre kórég ag tỹ tũꞌ ken kỹ, Topẽ Pãꞌi ne hyn han ke mũ?

Ũn jykre kórég ag tỹ tũꞌ ken kỹ, Jesus vỹ prỹg tỹ mil tỹ rĩr ke mũ. Jesus kar 144 mil ag vỹ ũn ag ajũna kenh ke mũ, ag tỹ há tãvĩ nỹtĩnh mũ, ag pi jykre kórég kar ag pi ag fe nỹtĩnh mũ. Prỹg tỹ mil ke kãn ke mũ, Ga kar vỹ vẽsỹ Ga sĩnvĩ han ke mũ, kar ũn ag kar tỹ mỹ sigsér nỹtĩnh mũ, ag tỹ Topẽ jyvẽn ag ki króm nỹtĩnh ke mũ, tugnĩn. Kỹ Jesus vỹ ti rãnhrãj tỹ Pãꞌi ẽn nĩm ke mũ, ti Panh, Jeová mỹ. Kỹ Jeová ti “jiji tó ẽg tóg tĩ, kỹ vẽnh kar jé ã tỹ tỹ ũn mág nĩ vé”. (Mateus 6:9, 10) Tag vỹ ven ke mũ, Jeová vỹ tỹ Pãꞌi nĩ, ti tỹ ũn ag to kanẽ jur tĩ. Kỹ Jeová vỹ Satanás, vẽnh kuprĩg kórég ag kar ũn ag tỹ ti Pãꞌi kato vãsãnsãn tĩ, ag tỹ tũꞌ kenh ke mũ. (Nén venh ke 20:7-10) Topẽ Pãꞌi tugnĩn, kurã kar ki ũn ag vỹ jatun mỹ nỹtĩnh ke mũ, nén ũ kórég ag vỹ tũꞌ kenh ke mũ, kar ẽg pi ẽg ki nén ũ kórég nỹtĩnh ke mũ gé.

 VẼNH KANHRÃN KÃFÓR NĨ

4. Topẽ Pãꞌi vỹ ẽprã ke Pãꞌi kar tỹ tũꞌ kenh ke mũ

Topẽ Vĩ Rá vỹ ẽg mỹ ke tĩ, “kejẽn ũ ag tóg tigtar nỹtĩ ja nĩgtĩ, jãvo ũꞌũ ag tóg jagãgtar nĩgtĩ, ag jakrẽm nỹtĩn kỹ”. (Eclesiastes 8:9) Jeová tỹ nén ũ kórég kar tỹ tũꞌ kenh ke mũ, ti Pãꞌi tỹ.

Daniel 2:44 kar 2 Tessalônica 1:6-8 le kem nĩ. Kar jagnẽ mré vẽmén nĩ, nén ũ tag ag to:

• Jeová kar Jesus ne hyn han ke mũ, ẽprã ke Pãꞌi ag kar ũn ag vỹ Topẽ Pãꞌi kato vãsãnsãn tĩ, ag to?

• Ã tóg Jeová kar Jesus to nén ũ e to kanhrãn mũ. Ã hã ren kỹ ki kanhró nĩ, ag tỹ ũn ag jykre tugnỹgnỹm ke kã, ag tỹ ũn ag jykre tugnỹgnỹm há han ke mũ ti?

5. Jesus vỹ tỹ Pãꞌi há tãvĩ nĩ

Jesus vỹ Ga tỹ rĩr kỹ, ti vỹ nén ũ há e hyn han ke mũ, ũn ag mỹ. Ha vé VÍDEO ti. Vídeo ti vỹ ẽg mỹ ven tĩ, Jesus vỹ ũn ajũna ke sór tĩ kar Topẽ tỹ ti mỹ tar nĩm mũ, ti tỹ tag han jé.

Jesus tỹ Ga kri tĩg nĩn kã, ti tỹ nén ũ e hyn han ja ẽn vỹ ẽg mỹ ven tĩ, Topẽ Pãꞌi ne hyn han ke mũ ti. Nén ũ tag ag kãmĩ, ã tỹ nén ũ há tỹ ne ve kãfór sór tĩ? Vẽnh rá ag le kem nĩ, ag tỹ nén ũ há tag ag to kãmén kãfór tĩ.

6. Topẽ Pãꞌi vỹ nén ũ há e hyn han ke mũ

 Ã NE KANHRÃN JA TI

Topẽ Pãꞌi vỹ Topẽ vĩ han kãn ke mũ. Ti vỹ Ga há han ke mũ, ũn jykre há ag vỹ Jeová mỹ vĩ há han ke mũ.

Jykrinkrén mũ

• Topẽ Pãꞌi hã ren kỹ vẽnh kar mỹ ven ke mũ, Jeová tỹ tỹ ũn mág nĩ ti?

• Ẽg ne tugnĩn kri fi tĩ, Topẽ Pãꞌi vỹ Topẽ vĩ han kãn ke mũ?

• Topẽ Pãꞌi vỹ nén ũ há e hyn han ke mũ. Nén ũ ag ẽn kãmĩ, nén ũ tỹ ne ã tỹ sór kãfór nĩ?