LYNNONG 33
Ka Hima U Blei Kan Leh Aïu?
Ka Hima U Blei ka la sdang ban synshar. Shen kan sa wanrah shibun ki jingkylla ha ka pyrthei. To ngin ïa peit mynta katto katne kiei kiei kiba phi lah ban khmih lynti hapoh ka jingsynshar jong ka Hima U Blei.
1. Kumno ka Hima U Blei kan wanrah biang ïa ka jingsuk bad ïa ka jingbishar hok ha pyrthei?
Kum u syiem jong ka Hima U Blei, u Jisu un sa pynduh noh ïa ki briew kiba sniew bad ïa ki sorkar jong kane ka pyrthei ha ka thma Armagedon. (Jingpynpaw 16:14, 16) Ha kata ka por, un pyndep pura ïa kane ka jingkular jong ka Baibl kaba ong: “Namar sa khyndiat pat, te u bymman . . . un ym don shuh.” (Salm 37:10) Te lyngba ka Hima, u Jisu un pynthikna ba ka pyrthei baroh kawei kan dap da ka jingsuk bad ka jingbishar hok.—Pule Isaïah 11:4.
2. Ka jingim kan long kumno ynda ka Hima U Blei kan synshar halor ka pyrthei?
Hapoh ka jingsynshar jong ka Hima U Blei, “kiba hok kin ïoh kynti ïa ka ri, bad kin shong ha ka ha la ka rta.” (Salm 37:29) Pyrkhat kumno ka jingim kan long ha ka pyrthei haba ki briew baroh kin long kiba hok, kiba ieid ïa U Jehobah bad kiba ieid iwei ïa iwei! Yn ym don kiban pang, bad baroh kin im junom.
3. Hadien ba la pynduh ïa ki briew kiba sniew ka Hima U Blei kan leh aïu?
Hadien ba la pynduh noh ïa ki ʼriew sniew, u Jisu un synshar 1,000 snem kum u Syiem. Ha kata ka por, ma u bad ki 1,44,000 ngut kiban synshar lang bad u kin ïarap ïa ki briew ha ka pyrthei ban long kiba janai bad kiba khlem pop. Ha kaba kut jong kata ka jingsynshar, ka pyrthei kan sa kylla long ka paradais, kaba dap da ki briew kiba kmen namar ki kohnguh ïa ki aiñ U Jehobah. Hadien kata, yn “pynkyntang khuid ïa ka kyrteng U Jehobah,” kabym pat ju jia kumta mynno mynno ruh. (Mathaïos 6:9, 10) Kane kan pynshisha ba U Jehobah u dei u Nongsynshar uba biang tam bad uba phikir ïa la u paidbah. Nangta U Jehobah un sa pynduh noh ïa u Soitan, ki ksuid bad ïa kino kino kiba ïaleh pyrshah ïa ka jingsynshar jong u. (Jingpynpaw 20:7-10) Ka jinglong jingman bajanai kaban wanrah da ka Hima U Blei kan neh junom.
WAD SHUH SHUH
Peit balei ngi lah ban shaniah ba U Blei un pyndonkam ïa ka Hima jong u ban pyndep ïa ki jingkular kiba don ha ka Baibl na ka bynta ka lawei jong ngi.
4. Ka Hima U Blei kan pynduh noh ïa ki sorkar u briew
“U briew u leh donbor halor uwei pat ban pynsniew ïa u.” (Ekklesiastis 8:9) Lyngba ka Hima jong u, U Jehobah un sa weng noh ïa kane ka jingleh bymhok.
Pule Daniel 2:44 bad 2 Thessaloni 1:6-8, bad nangta sa ïa peit lang ïa kine ki jingkylli harum:
-
Kumno U Jehobah bad u khun jong u, u Jisu Khrist, kin leh ïa ki sorkar u briew bad ïa kito kiba kyrshan ïa ki?
-
Kumno ka jingtip jong phi shaphang U Jehobah bad u Jisu ka pynthikna ïa phi ba kaei kaba kin leh kan long kaba dei?
5. U Jisu u long u Syiem uba biang tam
Kum u Syiem jong ka Hima U Blei, u Jisu un sa leh shibun kiei kiei kiban pynmyntoi ïa u paidbah ha ka pyrthei. Peit ïa ka VIDEO ban tip kumno u Jisu u la pyni ba u don ïa ka jingthrang bad ïa ka bor na U Blei ban ïarap ïa ki briew.
Mynba u Jisu u don ha pyrthei, u la pyni ïa kaei ba ka Hima U Blei kan sa leh. Phi ap khmih lynti ïa kano na kine ki jingkyrkhu harum? Pule ïa kine ki dkhot Baibl kiban ïarap ïa phi ban tip shuh shuh shaphang kito ki jingkyrkhu.
|
MYNBA U JISU U DON HA PYRTHEI U LA. . . |
NA BNENG U JISU UN . . . |
|---|---|
|
|
|
|
|
|
|
|
6. Ka Hima U Blei kan wanlam ïa ka lawei baphyrnai
Ka Hima kan sa pyndep pura ïa ka jingthmu banyngkong jong U Jehobah na ka bynta ki briew. Kin im junom ha ka paradais ha pyrthei. Peit ïa ka VIDEO ban peit kumno U Jehobah u dang trei lyngba u khun jong u, u Jisu, ban pyndep ïa ka jingthmu jong U.
Pule Salm 145:16, bad nangta sa ïa peit lang ïa kane ka jingkylli harum:
-
Kumno phi sngew ban tip ba U Jehobah un “pynhun ïa ka jingkwah jong kiba im baroh”?
DON KIBA ONG: “Lada ngi ïatylli lang, ngi lah ban weng ïa ki jingeh jong ka pyrthei.”
-
Kiei ki jingeh ba ka Hima U Blei kan sa weng, kiba ki sorkar u briew kim lah ban leh?
KI MAT BAKONGSAN
Ka Hima U Blei kan sa pyndep ïa ka mon jong U Blei. Kan sa pynkylla ïa kane ka pyrthei sha ka paradais kaba dap da ki briew kiba bha kiban mane ïa U Jehobah shi junom.
Peit Biang
-
Kumno ka Hima U Blei kan pyndonburom ïa ka kyrteng U Jehobah?
-
Balei ngi lah ban ngeit ba ka Hima U Blei kan pynurlong ïa ki jingkular jong ka Baibl?
-
Ka jingpyndep aïu kaba phi ap khmih lynti ha ka Hima U Blei?
PULE SHUH SHUH
Wad ka mut aïu Armagedon.
Pule shaphang kaei kaban jia ha ka por ka jingsynshar ba 1000 snem jong u Jisu bad ha kaba kut jong ka.
“Kan Jia Aïu ha ka Sngi ka Jingbishar?” (Ka Kutphira, Nailur 1, 2012, Phareng)
Peit kumno ki longïing ki lah ban puson lang ïa ki jingkyrkhu ha ka Hima U Blei.
Pule shaphang uwei u briew uba la leh pyrshah ïa ka sorkar bad uba la don shibun ki jingkylli, hynrei u la lap ïa ki jubab jong kita ki jingkylli.
“Ka Baibl ka Pynkylla ïa ka Jingim” (Ka Kutphira, Kyllalyngkot 1, 2012, Phareng)
