ITHOMO RĨA 33
Maũndũ Marĩa Ũthamaki wa Ngai Ũkaahingia
Ũthamaki wa Ngai rĩu nĩ ũrathana, na ica ikuhĩ nĩ ũkũrehe mogarũrũku manene gũkũ thĩ. Reke twarĩrĩrie maũndũ mamwe mega ũngĩrĩgĩrĩra gũkona hĩndĩ ya wathani wa Ũthamaki wa Ngai.
1. Ũthamaki wa Ngai ũkaarehe thayũ na kĩhooto atĩa thĩinĩ wa thĩ?
Jesu, Mũthamaki wa Ũthamaki wa Ngai, nĩ akaaniina andũ aganu na thirikari cia gũkũ thĩ kũgerera mbaara ya Hari–Magedoni. (Kũguũrĩrio 16:14, 16) Hĩndĩ ĩyo kĩĩranĩro gĩkĩ kĩa Bibilia nĩ gĩkaahingio biũ: “No kahinda kanini gatigaru, na andũ arĩa aganu matigaakorũo kuo rĩngĩ.” (Thaburi 37:10) Jesu akaahũthĩra Ũthamaki ũcio gũtigĩrĩra atĩ thĩ yothe ĩrĩ na thayũ na kĩhooto.—Thoma Isaia 11:4.
2. Ũtũũro ũkaahana atĩa rĩrĩa wendi wa Ngai ũgeekwo thĩinĩ wa thĩ yothe?
Rungu rwa Ũthamaki wa Ngai, “andũ arĩa athingu nĩ makaagaya thĩ, na magaatũũra thĩinĩ wayo tene na tene.” (Thaburi 37:29) Ta hũũra mbica ũgĩtũũra thĩinĩ wa thĩ ĩrĩ na andũ athingu na othe nĩ mendete Jehova na nĩ mendanĩte! Gũtirĩ mũndũ ũkaarwaraga, na andũ othe magaatũũra tene na tene.
3. Nĩ maũndũ marĩkũ Ũthamaki wa Ngai ũkaahingia thutha wa andũ arĩa aganu kũniinwo?
Thutha wa andũ arĩa aganu kũniinwo, Jesu nĩ agaathana arĩ Mũthamaki ihinda rĩa mĩaka 1,000. Ihinda-inĩ rĩu, Jesu hamwe na arĩa 144,000 magaathana hamwe nake, nĩ magaateithia andũ arĩa magaakorũo gũkũ thĩ gũtuĩka akinyanĩru. Gũkinyĩria mũthia wa ihinda rĩu, thĩ ĩgaakorũo ĩtuĩkĩte paradiso thaka ĩrĩ na andũ marĩ na gĩkeno nĩ ũndũ wa gwathĩkĩra mawatho ma Jehova. Thutha ũcio Jesu nĩ agaacokeria Ithe, Jehova, wathani. Hĩndĩ ĩyo ‘rĩĩtwa rĩa Jehova nĩ rĩgaatherio’ gũkĩra hĩndĩ ĩngĩ o yothe. (Mathayo 6:9, 10) Nĩ gũgaakorũo kuonekete wega atĩ Jehova nĩ Mwathani mwega na nĩ arũmbũyagia andũ ake. Thutha ũcio Jehova nĩ akaaniina Shaitani, ndaimono, na mũndũ o wothe ũgaathuura kũremera wathani wa Jehova. (Kũguũrĩrio 20:7-10) Irathimo iria ikaarehwo nĩ Ũthamaki wa Ngai igaatũũra tene na tene.
THUTHURIA MAKĨRIA
Reke tũthuthurie tuone kĩrĩa kĩngĩtũma tũkorũo na ma atĩ Ngai nĩ akaahũthĩra Ũthamaki wake kũhingia ciĩranĩro ciothe iria irĩ Bibilia-inĩ ciĩgiĩ ihinda rĩũkĩte.
4. Ũthamaki wa Ngai nĩ ũkaaniina thirikari cia andũ
“Mũndũ akoretwo agĩatha mũndũ agatũmaga one o maũndũ moru.” (Kohelethu 8:9) Jehova nĩ akaahũthĩra Ũthamaki wake kũniina wagi ũcio wa kĩhooto.
Thomai Danieli 2:44 na 2 Athesalonike 1:6-8, mũcoke mwarĩrĩrie ciũria ici:
-
Jehova na Mũrũ wake, Jesu, makoera thirikari cia andũ na arĩa macinyitaga mbaru ikinya rĩrĩkũ?
-
Maũndũ marĩa wĩrutĩte igũrũ rĩgiĩ Jehova na Jesu maragũteithia atĩa gũkorũo na ma atĩ mageekaga maũndũ ma kĩhooto?
5. Jesu nĩwe Mũthamaki ũrĩa mwega biũ
Jesu arĩ Mũthamaki wa Ũthamaki wa Ngai, nĩ agaateithia andũ arĩa magaakorũo gũkũ thĩ na njĩra nyingĩ. Mwĩrorerei VIDEO ĩno nĩguo muone ũrĩa Jesu onanĩtie atĩ arĩ na wendi wa gũteithia andũ, na atĩ Ngai nĩ amũhete hinya wa kũmateithia.
Maũndũ marĩa Jesu eekire arĩ gũkũ thĩ nĩ matũteithagia kũmenya maũndũ marĩa Ũthamaki wa Ngai ũkaahingia. Nĩ irathimo irĩkũ cionanĩtio haha wĩriragĩria makĩria gũkona ikĩhinga? Thomai maandĩko marĩa monanĩtio hakuhĩ na irathimo icio marĩa maratũteithia gũtaũkĩrũo nĩcio.
|
JESU ARĨ GŨKŨ THĨ NĨ . . . |
JESU ARĨ IGŨRŨ NĨ . . . |
|---|---|
|
|
|
|
|
|
|
|
6. Ũthamaki wa Ngai nĩ ũgaatũrehera maũndũ mega ihinda rĩũkĩte
Ũthamaki wa Ngai nĩ ũkaahingia biũ muoroto ũrĩa Jehova aarĩ naguo kĩambĩrĩria-inĩ wĩgiĩ andũ. Andũ nĩ magaatũũra tene na tene thĩinĩ wa thĩ ĩrĩ paradiso. Mwĩrorerei VIDEO ĩno nĩguo muone ũrĩa Jehova ahũthagĩra Mũrũ wake, Jesu, kũhingia muoroto wake.
Thomai Thaburi 145:16, mũcoke mwarĩrĩrie kĩũria gĩkĩ:
-
Kũmenya atĩ Jehova nĩ “[akaahingia] merirĩria ma kĩndũ gĩothe kĩrĩ muoyo” kũratũma ũigue atĩa?
ANDŨ AMWE MOIGAGA: “Tũngĩnyitanĩra ithuothe no tũniine mathĩna thĩinĩ wa thĩ.”
-
Nĩ mathĩna marĩkũ Ũthamaki wa Ngai ũkaaniina thirikari cia andũ itangĩhota kũniina?
ŨRĨA TWERUTA
Ũthamaki wa Ngai nĩ ũkaahingia muoroto wa Ngai. Ũkaagarũra thĩ yothe ĩtuĩke paradiso ĩrĩ na andũ ega arĩa magaathathayagia Jehova tene na tene.
Ciũria cia gũcokera
-
Ũthamaki wa Ngai ũgaatheria rĩĩtwa rĩa Jehova na njĩra ĩrĩkũ?
-
Nĩ kĩĩ kĩngĩtũma tũkorũo na ma atĩ Ũthamaki wa Ngai nĩ ũkaahingia ciĩranĩro iria irĩ Bibilia-inĩ?
-
Nĩ ũndũ ũrĩkũ wĩriragĩria mũno gũkona ũkĩhingio nĩ Ũthamaki wa Ngai?
RIKĨRA
Thoma wone Hari–Magedoni nĩ kĩĩ.
“Mbaara ya Hari–Magedoni nĩ Kĩĩ?” (Gĩcunjĩ thĩinĩ wa jw.org/ki)
Thoma wone maũndũ marĩa mageekĩka hĩndĩ ya wathani wa mĩaka 1,000 wa Jesu na mũthia-inĩ wa wathani ũcio.
“Nĩ Maũndũ Marĩkũ Magekĩka Mũthenya wa Cira?” (Mũrangĩri, Oktomba 1, 2012)
Wĩrorere wone ũrĩa andũ thĩinĩ wa famĩlĩ mangĩĩcũrania hamwe igũrũ rĩgiĩ irathimo cia Ũthamaki wa Ngai cia ihinda rĩũkĩte.
Icunjĩ Ingĩ Hihi Ũngĩenda Gũthoma
CIŨRIA IRIA CIŨRAGIO KAINGĨ
Mũbango wa Aira a Jehova wa Kwĩruta Bibilia na Andũ Ũkoragwo Ũhaana Atĩa?
Rĩrĩa ũreruta Bibilia na Aira a Jehova, no ũhũthĩre Bibilia ĩrĩa ũkwenda. No ũnyite ũgeni andũ anyu othe a famĩlĩ kana arata aku rĩrĩa ũreruta.
