OSHILESHWA 33
Osho Ouhamba tau ka wanifa po
Ouhamba waKalunga otau pangele nale. Mafiku otau ka eta omalunduluko manene kombada yedu. Natu ka kundafane oinima imwe iwa oyo to dulu oku ka hafela koshi yepangelo lOuhamba.
1. Ouhamba waKalunga otau ka eta ngahelipi ombili nouyuki kombada yedu?
Jesus, e Ii Ohamba yOuhamba waKalunga, ota ka hanauna po ovanhu ovakolokoshi nomapangelo poita yaArmagedon. (Ehololo 16:14, 16) Pefimbo opo, eudaneko lopaMbiibeli tali shikula otali ka wanifwa po filufilu, olo tali ti: “Ngeenge pa pita okafimbo kaningholi, omuhenakalunga ita kala po vali.” (Epsalme 37:10) Jesus ota ka longifa Ouhamba, opo a shilipaleke kutya kombada yedu oku na ombili nouyuki.— Lesha Jesaja 11:4.
2. Onghalamwenyo otai ka kala ya tya ngahelipi eshi ehalo laKalunga tali ka wanifwa po kombada yedu?
Koshi yepangelo lOuhamba waKalunga, “ovayuki, vo otava ka fyuulula oshilongo, ndele tava kala mo alushe.” (Epsalme 37:29) Diladila nee ngeno mounyuni mu na ashike ovayuki ovo ve hole Jehova nove holafane! Kape na oo ta ka yahama, novanhu aveshe otava ka kala fiyo alushe.
3. Ouhamba waKalunga otau ka wanifa po shike, konima ngeenge oukolokoshi owa xulifwa po?
Konima ngeenge oukolokoshi owa xulifwa po, Jesus ota ka pangela e li Ohamba oule womido 1 000. Momukokomoko wefimbo olo, Jesus nosho yo 144 000 ovo tava ka pangela pamwe naye otava ka kwafela ovanhu kombada yedu va ye mewaneneno. Pexulilo lefimbo olo, edu otali ka hangwa la ninga oparadisa iwa, omo tamu ka kala ovanhu va hafa, ovo va mona ouwa omolwokudulika keemhango daJehova. Opo nee Jesus ota ka shunifa Ouhamba kuXe, Jehova. ‘Edina laJehova otali ka yapulwa’ shi dulife nale. (Mateus 6:9, 10) Otashi ka ulika kutya Jehova oku li Omupangeli a denga mbada, oo e na ko nasha novapangelwa vaye. Opo nee Jehova ota ka hanauna po Satana, eendemoni nosho yo ovo va hoolola okutukulila ounashibofa epangelo laYe. (Ehololo 20:7-10) Eenghalo da wanenena, odo tadi ka etwa kOuhamba waKalunga, otadi ka kalelela fiyo alushe.
KONAKONA MOULE
Konakona kutya omolwashike tu na elineekelo kutya Kalunga ota ka longifa Ouhamba a wanife po omaudaneko aeshe oo e li mOmbiibeli e na sha nonakwiiwa yetu.
4. Ouhamba waKalunga otau ka xulifa po omapangelo opanhu
Ombiibeli oya ti: ‘Omunhu ota pangelele mukwao omupya.’ (Omuudifi 8:9) Jehova ota ka longifa Ouhamba waye, opo a xulife po okuhenouyuki.
Lesha Daniel 2:44 nosho yo 2 Ovatessaloniki 1:6-8, ndele tamu kundafana omapulo taa shikula:
-
Jehova nosho yo Omona, Jesus, otava ka ningila shike omapangelo opanhu nosho yo ovo have a yambidida?
-
Ongahelipi osho we lihonga kombinga yaJehova naJesus she ku shilipaleka kutya osho tava ka ninga oshi li pauyuki?
5. Jesus oku li Ohamba ya denga mbada
Jesus, e li Ohamba yOuhamba waKalunga, ota ka longa shihapu omolwouwa wovapangelwa vaye. Dana OKAVIDIO, opo u mone nghee Jesus a ulika nale kutya oku na ehalo nosho yo eenghono odo a pewa kuKalunga, opo a kwafele ovanhu.
Eshi Jesus a li kombada yedu, oikumwifilonga oyo a li a longa oya li ya ulika osho Ouhamba tau ka wanifa po. Elipipo omomanangeko noupuna taa landula wa teelela nodjuulufi? Lesha omishangwa odo tadi ku kwafele u lihonge shihapu kombinga yomanangeko noupuna oo.
|
OSHO JESUS A NINGA ESHI A LI KOMBADA YEDU . . . |
OSHO JESUS TA KA NINGA E LI OHAMBA MEULU . . . |
|---|---|
|
|
|
|
|
|
|
|
6. Onakwiiwa otai ka kala itunhula koshi yOuhamba waKalunga
Ouhamba otau ka wanifa po filufilu elalakano laJehova lopehovelo li na sha novanhu. Ovanhu otava ka kala fiyo alushe moparadisa kombada yedu. Dana OKAVIDIO u mone nghee Jehova ta longifa Omona waye, Jesus, a wanife po elalakano laYe.
Lesha Epsalme 145:16, ndele tamu kundafana epulo tali shikula:
-
Ou udite ngahelipi, eshi u shii kutya Jehova ota ka ‘palula oinima aishe i na omwenyo kohokwe yaye’?
VAMWE OHAVA TI: “Ngeenge otwa longele kumwe, ohatu dulu okuxulifa po omaupyakadi mounyuni.”
-
Ouhamba waKalunga otau ka xulifa po omaupyakadi elipi, oo omapangelo opanhu itaa dulu oku a xulifa po?
ENGONGO
Ouhamba waKalunga otau ka wanifa po elalakano lao. Otau ka ninga edu alishe oparadisa, omo tamu ka kala ovanhu va wanenena tava longele Jehova fiyo alushe.
Eendululo
-
Ouhamba waKalunga otau ka yapulifa ngahelipi edina laJehova?
-
Oshike she tu tomha tu itavele kutya Ouhamba waKalunga otau ka wanifa po omaudaneko oo e li mOmbiibeli?
-
Moinima aishe iwa oyo tai ka etwa kOuhamba shilipipo wa teelela nodjuulufi?
TALA OUYELELE WA WEDWA PO
Lihonga kutya Armagedon oshike.
Konakona oiningwanima oyo tai ka holoka po pefimbo nosho yo pexulilo lomido 1 000 dokupangela kwaJesus.
“Oshike tashi ka ningwa po mEfiku lEtokolo?” (Oshungonangelo, Oktoba-Desemba 2012)
Tala nghee omaukwaneumbo taa dulu okudilonga pamwe kombinga yomanangeko noupuna oo taa ka etwa kOuhamba.
Moshitukulwa “Onda li ndi na omalipulo mahapu,” lihonga nghee omunapolitika omunashibofa a mona omanyamukulo komapulo oo a li e na.
“Ombiibeli ohai lundulula onghalamwenyo yovanhu” (Oshungonangelo, 1 Januali 2012)
Otashi dulika yo u hafele oikundafanwa ei
OMAPULO OO HAA PULWA LUHAPU
Ekonakonombiibeli olo hali ningwa kEendombwedi daJehova oshike?
Peenghundafana doshali odo hadi ningwa kEendombwedi daJehova, oto dulu okulongifa etoloko lOmbiibeli keshe. Owa manguluka okushiva oukwaneumbo weni aushe, ile keshe umwe oo wa hala a kale po.
