33-ساباق
قۇداي پاتشالىعى نە ىستەيدى؟
قۇداي پاتشالىعى ٴقازىر كوكتە بيلىك ەتىپ جاتىر. جاقىندا ول جەر بەتىنە بيلىگىن جۇرگىزىپ، ۇلكەن وزگەرىستەر جاسايدى. ٴقازىر سول وزگەرىستەردىڭ كەيبىرىن قاراستىرايىق.
1. قۇداي پاتشالىعى قالاي جەر بەتىنە بەيبىتشىلىك پەن ادىلدىك ورناتادى؟
قۇداي پاتشالىعىنىڭ پاتشاسى يسا زۇلىم ادامدار مەن ۇكىمەتتەردى ارماگەددون سوعىسىندا جويادى (ايان 16:14، 16). سول كەزدە كيەلى كىتاپتاعى «كوپ ۇزاماي زۇلىمدار جوق بولادى» دەگەن ۋادە تولىقتاي ورىندالادى (ٴزابۇر 37:10). ٴيا، پاتشالىق ارقىلى يسا بۇكىل جەر بەتىنە بەيبىتشىلىك پەن ادىلدىك ورناتادى (يشايا 11:4 وقىڭىز).
2. قۇداي ەركى جەر بەتىندە ورىندالعاندا، ٶمىر قانداي بولادى؟
قۇداي پاتشالىعى بيلىك ەتكەن كەزدە «ادىلدەر جەردى مۇرا ەتەدى، وندا ماڭگى باقي ٶمىر سۇرەدى» (ٴزابۇر 37:29). ٶزىڭىز ەلەستەتىپ كورىڭىزشى: جەردە تەك جاقسى، ٵدىل، ەحوبانى جانە ٴبىر-ٴبىرىن جاقسى كورەتىن ادامدار عانا ٶمىر سۇرەدى! ەشكىم اۋىرمايدى، ٴبارى ماڭگى جاسايدى. بۇل نەتكەن عانيبەت ٶمىر بولماق!
3. زۇلىمداردى جويعان سوڭ، قۇداي پاتشالىعى نەنى جۇزەگە اسىرادى؟
زۇلىمداردى جويعان سوڭ، يسا پاتشا رەتىندە 1000 جىل بيلىك ەتەدى. سول كەزدە ول 144000 بيلەۋشىسىمەن بىرگە ادامزاتقا كۇنالارىنان ارىلىپ، كەمەلدىلىككە جەتۋگە كومەكتەسەدى. مىڭ جىلدىڭ سوڭىنا قاراي بۇكىل جەرجۇزى اسەم جۇماققا اينالادى جانە ەحوبانىڭ زاڭدارىنا باعىنىپ جۇرگەن باقىتتى ادامدارعا تولادى. سودان كەيىن يسا پاتشالىقتى قايتادان اكەسى ەحوباعا تاپسىرادى. سوندا بۇرىن-سوڭدى بولماعانداي ەحوبانىڭ «ەسىمى كيەلى بولادى» (ماتاي 6:9، 10). مۇنىڭ ٴبارى ەحوبا ٶز ازاماتتارىنىڭ قامىن ويلايتىن ەڭ جاقسى بيلەۋشى ەكەنىن دالەلدەيدى. سوسىن ەحوبا شايتاندى، جىنداردى جانە ٶزىنىڭ بيلىگىنە قارسى شىققان كەز كەلگەن ادامدى جويادى (ايان 20:7—10). قۇداي پاتشالىعى ىستەيتىن تاڭعاجايىپ جاعداي ماڭگىلىككە ۇلاسادى.
تەرەڭىرەك ٷڭىلىڭىز
قۇداي كيەلى جازبالارداعى بولاشاققا قاتىستى ۋادەلەردى پاتشالىق ارقىلى ورىندايتىنىنا نەلىكتەن سەنىمدى بولا الاتىنىمىزدى قاراستىرايىق.
4. قۇداي پاتشالىعى ادامداردىڭ ۇكىمەتتەرىن الىپ تاستايدى
«ادامنىڭ ادامعا بيلىك ەتۋى تەك زيان كەلتىرەدى» (ۋاعىزداۋشى 8:9). ەحوبا ٶز پاتشالىعى ارقىلى وسى ادىلەتسىزدىكتى توقتاتادى.
دانيال 2:44 پەن سالونيكالىقتارعا 2-حات 1:6—8 وقىپ، مىنا سۇراقتاردى تالقىلاڭىزدار:
-
ەحوبا مەن ونىڭ ۇلى يسا ۇكىمەتتەرمەن جانە ونىڭ قولداۋشىلارىمەن نە ىستەيدى؟
-
ٴسىزدىڭ وسى ۋاقىتقا دەيىن ەحوبا مەن يسا جايلى وقىپ بىلگەنىڭىز ولاردىڭ ٵدىل ارەكەت ەتەتىنىنە سەندىرە مە؟ نەگە؟
5. يسا — ەڭ كەرەمەت پاتشا
قۇداي پاتشالىعىنىڭ پاتشاسى يسا كەلەشەكتە جەردەگى ازاماتتارىنا كوپتەگەن جاقسىلىق جاسايدى. يسا ادامدارعا كومەكتەسكىسى كەلەتىنىن جانە سونى ىستەۋگە قۇداي وعان قۇدىرەت دارىتقانىن الدەقاشان دالەلدەپ قويعان. بەينەروليكتى كورىڭىزدەر.
يسا جەردە بولعاندا، قۇداي پاتشالىعى قانداي ىستەردى جۇزەگە اسىراتىنىن كورسەتكەن. ٴسىز كەستەدە جازىلعان قاي نارسەنى اسىرەسە كۇتۋدەسىز؟ كەستەدەگى تارماقتاردى وقىپ، پاتشالىقتىڭ توگەتىن باتالارى جايلى كوبىرەك ٴبىلىڭىز.
يسا جەردە بولعاندا |
يسا كوكتەن |
---|---|
|
|
|
|
|
|
|
|
6. قۇداي پاتشالىعى جارقىن بولاشاق سيلايدى
قۇداي پاتشالىعى ەحوبا اۋەل باستا ادامدار ٷشىن نيەت قىلعان عاجاپ ٶمىردى سيلايدى. بارلىق ادامدار جەردەگى جۇماقتا ماڭگى ٶمىر سۇرەدى. ەحوبا ٶز ۇلى يسا ارقىلى وسى نيەتىن قالاي جۇزەگە اسىراتىنىن ٴبىلۋ ٷشىن، بەينەروليكتى كورىڭىزدەر.
ٴزابۇر 145:16 وقىپ، مىنا سۇراقتى تالقىلاڭىزدار:
-
ەحوبا «بارشا تىرشىلىك يەلەرىنىڭ قاجەتىن بەرەتىنى» ٴسىزدى قانداي سەزىمگە بولەيدى؟
كەيبىرەۋلەردىڭ ايتاتىنى: «ٴبارىمىز بىرىكسەك، الەمدەگى قيىندىقتاردى شەشەمىز».
-
قۇداي پاتشالىعى ادام ۇكىمەتتەرى شەشە المايتىن قانداي قيىندىقتاردى شەشەدى؟
تۇيىندەمە
قۇداي پاتشالىعى ەحوبانىڭ نيەت-قالاۋىن جۇزەگە اسىرادى. ول بۇكىل جەردى جۇماققا اينالدىرىپ، ەحوباعا ماڭگى عيبادات ەتەتىن جاقسى ادامدارعا تولتىرادى.
قايتالاۋ
-
قۇداي پاتشالىعى ەحوبانىڭ ەسىمىن قالاي كيەلى ەتەدى؟
-
قۇداي پاتشالىعى كيەلى جازبالارداعى ۋادەلەردى ورىندايتىنىنا نەلىكتەن سەنۋگە بولادى؟
-
قۇداي پاتشالىعى اكەلەتىن كوپ جاقسىلىقتىڭ قايسىسىن اسىرەسە كۇتۋدەسىز؟
قوسىمشا ىزدەنىڭىز
ارماگەددون دەگەن نە ەكەنىن وقىپ كورىڭىز.
«ارماگەددون سوعىسى دەگەن نە؟» (jw.org تور بەكەتىندەگى ماقالا) (حانزۇشا)
يسانىڭ مىڭجىلدىق پاتشالىعى كەزىندە جانە سوڭىندا قانداي وقيعالار بولاتىنىن وقىپ كورىڭىز.
«سوت كۇنى نە بولادى؟» («كۇزەت مۇناراسى» (حانزۇشا)، 1-قازان، 2012)
ٴبىر وتباسى قۇداي پاتشالىعىنىڭ باتالارىن قالاي ەلەستەتىپ جاتقانىن تاماشالاڭىز.
كەزىندە ساياسي قىلمىسكەر بولعان ەر ادام سۇراقتارىنا قالاي جاۋاپ تاپقانىن «مەنى كوپتەگەن سۇراقتار مازالايتىن» دەگەن ٶمىربايانىنان وقىپ كورىڭىز.
«كيەلى كىتاپ ادامنىڭ ٶمىرىن وزگەرتەدى» («كۇزەت مۇناراسى» (حانزۇشا)، 1-قاڭتار، 2012)