DERS 33

Padîşahiya Xwedê wê Çi Bike?

LÊDE

Padîşahiya Xwedê êdî hukim dajo. Di wexteke nêzîk de, Padîşahiya Xwedê wê halê dinyayê bi temamî biguherîne. Rojên xweş û geş li benda me ne! Ka em binêrin ku Padîşahiya Xwedê wê ji bo me çi bike.

1. Padîşahiya Xwedê wê çawa aştî û edaletê li dinyayê çêke?

Îsa Mesîh wê hemû însanên xerab û hukûmetên dinyayê di şerê Harmegedonê de tune bike (Peyxam 16:14, 16). Wê çaxê, ev soza Xwedê wê bê cih: “Di nêz de wê dawiya yê xerab bê” (Zebûr 37:10). Ji ber ku Îsa Mesîh Padîşahê Padîşahiya Xwedê ye, ewê aştî û edaletê bîne dinyayê (Îşaya 11:4 bixwîne).

2. Gava ku daxwaza Xwedê li ser rûyê erdê bê cih, jiyan wê çawa be?

Di bin hukmê Padîşahiya Xwedê de, “kesên rast wê rûyê erdê, bi mîrasî bistînin û her û her li ser bijîn” (Zebûr 37:29, Wergera Weşanên Do). Xeyal bike ku jiyana me wê çi qas xweş be! Tenê kesên rast wê li dinyayê hebin. Ewê ji Yehowa û ji hevdû hez bikin. Tu kes wê nexweş nekeve, û her kes wê heta bi hetayê bijî.

3. Piştî tunekirina însanên xerab, Padîşahiya Xwedê wê çi bike?

Piştî tunekirina însanên xerab, Padîşahê me, Îsa Mesîh, wê ji bo 1.000 salî hukim bajo. Di wê wextê de, Îsa Mesîh û 144.000 hevhukimdarên wî wê alî însanan bikin ku ew gav bi gav bigihîjin bêqisûriyê. Di dawiya 1.000 salî de, temamiya dinyayê wê bibe ceneteke bedew. Hemû însan wê bextewar bin, çimkî ewê guh bidin Yehowa Xwedê. Dû re, Îsa Mesîh wê hukimdariyê teslîmî destê Bavê xwe Yehowa bike. Hingê, navê Yehowa Xwedê wê bi temamî bê pîrozkirin (Metta 6:9, 10). Ev yek jî wê bê îsbatkirin: Yehowa Hukimdarê herî baş e, ew bi rastî xema xizmetkarên xwe dixwe. Paşê, Yehowa wê Şeytan, cinan û hemû kesên ku li hemberî hukimdariya wî serî radikin, helak bike (Peyxam 20:7-10). Û ev halê pir xweş wê heta bi hetayê dewam bike.

HÛR Û KÛR BIFIKIRE

Çima em dikarin bawer bikin ku Yehowa Xwedê wê bi destê Padîşahiya xwe hemû sozên xwe bîne cih?

4. Padîşahiya Xwedê wê hukûmetên dinyayê tune bike

“Serweriya zilamekî, li ser yekî din, bi xesara wî ye” (Waiz 8:9). Lê Yehowa wê bi destê Padîşahiya xwe vê neheqiyê bi dawî bike.

Danîêl 2:44 û 2. Selanîkî 1:6-8 bixwîne û li ser van pirsan sohbetê bikin:

Yehowa Xwedê û Kurê wî, Îsa Mesîh, wê çi bînin serê hukûmetên însanan û alîgirên wan?
Heta niha, tu li ser Yehowa û Îsa Mesîh hînî gelek tiştan bûyî. Tu çima dikarî bawer bî ku ewê bi awayekî adil hereket bikin?

5. Îsa Mesîh Padîşahê herî baş e

Padîşahê me, Îsa Mesîh, wê ji bo xêra însanan gelek tiştên baş bike. Ew hem dixwaze û hem jî qudreta wî heye ku alî însanan bike, çimkî Yehowa Xwedê çavkaniya qudreta wî ye. VÎDEOYÊ vêxe û bibîne ku Îsa Mesîh ev yek çawa nîşan daye.

VÎDEO: Îsa Mesîh Nîşan Da ku Padîşahiya Xwedê wê Çi Bike (1:13)

Wexta ku Îsa Mesîh li dinyayê bû, wî nîşan da ku ewê di pêşerojê de çi bike. Ji nav van xêr û bereketan, kêfa te herî zêde ji kîjanê re tê? Van ayetan bixwîne û li ser wan bifikire:

WEXTA KU ÎSA MESÎH LI DINYAYÊ BÛ, …	JI EZMANAN, ÎSA MESÎH WÊ …
wî hêza tebîetê kontrol dikir (Marqos 4:36-41).	hemû problemên tebîetê safî bike (Îşaya 35:1, 2).
wî bi mucîzeyekê bi hezaran kes têr kiribûn (Metta 14:17-21).	xela û birçîtiyê tune bike (Zebûr 72:16).
wî gelek kesên nexweş qenc dikirin (Lûqa 18:35-43).	siheta bêqisûr bide her kesî (Îşaya 33:24).
wî kesên mirî vegerandin jiyanê (Lûqa 8:49-55).	miriyan rake û mirinê tune bike (Peyxam 21:3, 4).

6. Rojên xweş û geş li benda me ne

Yehowa dixwaze ku însan heta bi hetayê di ceneta li ser rûyê erdê de bijîn. Ewê bi destê Padîşahiya xwe vê mexseda xwe ya eslî bîne cih. VÎDEOYÊ vêxe û bibîne ku Yehowa wê bi destê Kurê xwe, Îsa Mesîh, çi bike.

VÎDEO: Rojên Xweş li Benda Me ne (4:38)

Zebûr 145:16 bixwîne û li ser vê pirsê sohbetê bikin:

Fikra ku Yehowa wê daxwaza hemû mexlûqatên xwe bîne cih, li ser te çawa tesîr dike?

HINEK WISA DIBÊJIN: “Eger hemû însan nebin yek, emê herin yek bi yek.”

Hukûmetên dinyayê nikarin kîjan probleman çareser bikin? Lê Padîşahiya Xwedê wê problemên dinyayê çawa çareser bike?

BI ÇEND GOTINAN

Padîşahiya Xwedê wê hemû hedefên xwe bîne cih. Ewê tevahiya dinyayê bike cenet. Însanên baş wê li ser rûyê erdê bijîn. Ewê heta bi hetayê ji Yehowa re îbadetê bikin.