LUFUNJISHO 33
Bintu Bikooba Bufumu bwa Lesa
Bufumu bwa Lesa bwatendeka kala kulama. Kabiji katatakatu bukafumyepo makatazho onse pano pa ntanda. Pano twayai twisambe pa bintu byawama biketubila buno Bufumu kulutwe.
1. Bufumu bwa Lesa bukaleta byepi mutende ne bunchibamambo bwaoloka pano pa ntanda?
Yesu byo aji Mfumu mu Bufumu bwa Lesa, ye ukonauna bantu bonse batama ne kufumyapo makafulumende a bantu pa nkondo ya Amagedonyi. (Lumwekesho 16:14, 16) Pa kyokya kimye, ino milaye yonse iji mu Baibolo po po ikafika. Baibolo waamba’mba: “Kwashalatu pacheche, babi kechi bakekalako ne.” (Salamo 37:10) Yesu ukengijisha Bufumu bwa Lesa kuba’mba pano pa ntanda ponse pakekale mutende ne bunchibamambo bwaoloka.—Tangai Isaya 11:4.
2. Bwikalo bwa bantu bukekala byepi inge kyaswa muchima wa Lesa kyaubiwa pano pa ntanda?
Mu bukalama bwa Bufumu bwa Lesa, “baoloka bakaswana ntanda, kabiji bakekalangamo myaka ne myaka.” (Salamo 37:29) Fwanyikizhai byo kikawamapo kwikala mu ntanda mujitu bantu baoloka batemwa Yehoba kabiji betemwa bene na bene! Mu ntanda mukekala bantu bakabulanga kukolwa kabiji muntu yense ukekala myaka ne myaka.
3. Ñanyi bintu bikooba Bufumu bwa Lesa inge bantu batama bonse bebonauna?
Inge bantu bonse batama bebonauna, Yesu ukekala pa Bufumu myaka 1,000. Aye pamo ne ba 144,000 bakakwasha bantu pano pa ntanda kwikala baoloka. Pa kupwa myaka 1,000, ino ntanda bakeyalula kwikala paladisa wawama. Kabiji bantu bakekalangamo, bakekala bingi na lusekelo na mambo a kukookela mizhilo ya Yehoba. Inge Yesu wapwisha kuba bino bintu byonse, ukabwezha Bufumu kwi Yehoba Shanji. Kine, jizhina ja Yehoba jikazhijikwa. (Mateo 6:9, 10) Kino kikalengela bantu kuyuka’mba Yehoba ye kalama wawama wata bingi muchima bantu banji. Mambo Yehoba ukonauna Satana, bandemona ne bonse babula kukookela bukalama bwanji. (Lumwekesho 20:7-10) Kabiji bintu byawama bikaleta Bufumu bwa Lesa bikekala myaka ne myaka..
FUNJILAIPO BIKWABO
Monai bintu byafwainwa kwitukwasha kushiinwa kuba’mba Lesa ukengijisha Bufumu bwanji kufikizha bintu byonse biji mu Baibolo byo etulaya kwitubila kulutwe.
4. Bufumu bwa Lesa bukafumyapo makafulumende onse a bantu
Baibolo waamba’mba: “Bantu balama bantu bakwabo na kwibayanjisha.” (Musapwishi. 8:9) Yehoba ukengijisha Bufumu bwanji kufumyapo bubi bonse pano pa ntanda.
Tangai Danyela 2:44 ne 2 Tesalonika 1:6-8, ne kwisamba ano mepuzho:
-
Ñanyi kintu Yehoba ne Mwananji aye Yesu kyo bakooba makafulumende a bantu ne boba beatundaika?
-
Bintu byo mwafunda pe Yehoba ne Yesu bimulengela kushiinwa byepi amba bintu byo bakooba bikawama bingi ne kukwasha bantu?
5. Yesu ye Mfumu wafikilamo
Yesu byo aji Mfumu wa Bufumu bwa Lesa, ukakwasha bantu pano pa ntanda ne kwibobila bintu byawama bingi. Tambai VIDYO mumone Yesu byo amwesha kuba’mba wakebesha bingi kubila bantu bintu byawama kabiji Lesa wamupa bulume bwa kukwasha bantu.
Bintu byaubile Yesu byo ajinga pano pa ntanda byamwesheshe bintu bikooba Bufumu bwa Lesa. Ñanyi bintu byawama biji panshipo byo mukebesha kuba’mba bifike? Tangai kinembelo kyakwatankana na bintu byawama byo mukebesha kumona.
|
BYO AJINGA PANO PA NTANDA, YESU . . . |
MONKAMWA MWIULU, YESU . . . |
|---|---|
|
|
|
|
|
|
|
|
6. Bufumu bwa Lesa bukaleta bintu byawama bingi kulutwe
Bufumu bwa Lesa bukalengela bantu kwikala bwikalo bwawama bingi kwesakana na mwine Yehoba byo akebelenga. Bantu bakekalanga myaka ne myaka pano pa ntanda mu paladisa. Tambai VIDYO mumone Yehoba byo abena kwingijisha Mwananji aye Yesu kufikizha kyaswa muchima wanji.
Tangai Salamo 145:16, ne kwisamba buno bwipuzho:
-
Mumvwa byepi ku muchima kuyuka’mba Yehoba ukapa “bilengwa byumi bintu byonse byo bikeba”?
BANTU BAMO BAMBA’MBA: “Inge kya kuba bantu bonse twakwatankana ne kwingijila pamo, twakonsha kupwisha makatazho aji mu ntanda.”
-
Ñanyi makatazho akapwisha Bufumu bwa Lesa akankalwa kupwisha makafulumende a bantu?
ÑANYI BISHINKA BYO MWAFUNDA?
Bufumu bwa Lesa bukaleta bintu byawama bingi. Bukalula ino ntanda kwikala paladisa mukekalanga bantu bawama bakengijilanga Yehoba myaka ne myaka.
Mepuzho a kupitulukamo
-
Bufumu bwa Lesa bukazhijika byepi jizhina ja Yehoba?
-
Mambo ka o twafwainwa kushiinwa’mba Bufumu bwa Lesa bukafikizha byonsetu byaamba Baibolo?
-
Pa bintu byonse byawama biketubila Bufumu bwa Lesa, ñanyi bintu byo mukebesha bingi kumona?
KEBAI BISHINKA BIKWABO
Yukai bilumbulula kyambo kya Amagedonyi.
Tangai pa bintu bikamweka mukachi ne ku mpelo ya myaka 1,000 ya bukalama bwa kwa Yesu.
“Ki ka Kikamweka mu Juba ja Kije?” (Kyamba kya Usopa, October 1, 2012)
Monai kisemi byo kibena kwifwanyikizha kyaikala pamo mu paladisa pano pa ntanda.
“Najinga na Mepuzho Avula Bingi Ankatezhenga ku Muchima.” Monai nsatuki umo mu bya bumulwilantanda byo ataaine bintu byo akebelenga mu bwikalo bwanji.
“Baibolo Upimpula Bwikalo bwa Bantu” (Kyamba kya Usopa, January 1, 2012)
Mwakonsha Kutemwa
MEPUZHO O BEPUZHA JAVULA
Lufunjisho lwa Baibolo lo lu ka?
Tanai mikumbu ya mepuzho epuzha bantu javula pa mutanchi wetu wa kufunjisha Baibolo.
