Kimfumu ya Nzambi ke na kuyalaka. Ntangu fioti me bikana, ya ke bongisa bamambu na zulu ya ntoto. Na yawu, beto zonzila bambote yina kimfumu ya Nzambi ke nata na ntoto.

1. Wapi mutindu kimfumu ya Nzambi ke vutula kizunu mpe lunungu na zulu ya ntoto?

Yesu, mfumu ya kimfumu ya Nzambi, ke kufwa bantu ya yimbi na baluyalu ya bantu na mvita ya Armagedoni. (Luzabusu 16:14, 16) Na ntangu yina, nsilulu yayi ke lungana mbote-mbote: “Ntangu fioti kaka me bikana, bantu ya yimbi ke vanda dyaka ve.” (Nkunga 37:10) Na nzila ya kimfumu, Yesu ke fulusa ntoto na kizunu mpe lunungu.—Tanga Izaya 11:4.

2. Wa’ faso luzingu ke vanda ntangu luzolo ya Nzambi ke salama na zulu ya ntoto?

Ntangu kimfumu ya Nzambi ke yala, “bantu ya lunungu ke baka ntoto mpe ba ke zinga ntangu nyonso na zulu ya yawu.” (Nkunga 37:29) Kanisa wa’ faso luzingu ke vanda na zulu ya ntoto ntangu bantu nyonso ke vanda ya kulunga, ke zola Yehova mpe ke zola bampangi ya bawu! Ata muntu ke kubwa dyaka maladi, mpe bantu nyonso ke zinga ntangu nyonso.

3. Yinki kimfumu ya Nzambi ke sala na manima ya kufwa bantu ya yimbi?

Na manima ya kufwa bantu ya yimbi, Yesu ke yala bamvula 1 000. Na ntangu yina, yandi na ba 144 000 yina ke yala na yandi, ke sadisa bantu na zulu ya ntoto na kukuma na nzutu yina ke vanda dyaka ve na masumu. Na nsuka ya luyalu ya Yesu, ntoto nyonso ke kuma paradiso, mpe bantu nyonso ke vanda na kilengi samu ba ke tumamá na Yehova. Na manima, Yesu ke vutula kimfumu na Tata ya yandi, Yehova. Na ntangu yina nkumbu ya Nzambi, Yehova “ke vanda ya Santu” na mutindu yina ya vandá nabunu ya salama. (Matayi 6:9, 10, nwt-MK) Ya ke talana pwelele ti ni Yehova kele mfumu ya kulutila mbote, yina ke kipeke bantu yina ke na yisi ya luyalu ya yandi. Yehova ke kufwa Satana, bambazi ya yimbi, mpe ba yina nyonso ke soola kutumama ve na kimfumu ya yandi. (Luzabusu 20:7-10) Mambu nyonso ya mbote yayi yina kimfumu ya Nzambi ke nata na ntoto, ke vanda samu na ntangu nyonso.

 SOSA KUZABA MBOTE-MBOTE

4. Kimfumu ya Nzambi ke kufwa baluyalu ya bantu

“Muntu ke na yalaka muntu samu na kutalisa yandi mpasi.” (Longi 8:9) Na nzila ya kimfumu, Yehova ke yidika yimbi nyonso yina muntu ke na salá na mpangi muntu.

Tanga Danyele 2:44 na 2 Batesalonika 1:6-8, mpe na manima beto zonzila byuvu yayi:

• Yinki Yehova na mwana ya yandi, Yesu, ke sala na ba yina ke na yalá bubu yayi, mpe na ba yina ke nwaniná lutumu ya bawu?

• Wa’ faso mambu yina nge me longoka na yina me tadila Yehova na Yesu ke na ndimisá nge ti nyonso yina ba ke sala ke vanda ya kulunga?

5. Yesu ke mfumu ya kulutila mbote

Yesu ke nata bambote mingi na bantu yina yandi ke yala. Tala VIDEO samu na kutala ti na ntama, Yesu lakisá ti yandi me zola mpe yandi ke na ngolo yina Yehova pesá yandi, samu na kusadisa bantu.

Ntangu Yesu vandá na ntoto, yandi lakisá bifwani ya bamambu yina kimfumu ya Nzambi ke lungisa. Na bambote nyonso yina beto ke zonzila, wapi yina nge me zola mingi ti ya salama? Na yawu, tanga baverse yina ba me pesa awa.

6. Luzingu ke vanda kitoko na yisi ya kimfumu ya Nzambi

 NA BUNKUFI

Kimfumu ya Nzambi ke lungisa luzolo ya Nzambi. Yandi ke kumisa ntoto nyonso paradiso, kisika yina bisadi ya Yehova ke zinga ntangu nyonso.

Mambu ya kusimba

• Wa’ faso kimfumu ya Nzambi ke kumisa nkumbu ya Nzambi santu?

• Samu na yinki beto lenda vanda na kiminu ti, kimfumu ya Nzambi ke lungisa bansilulu nyonso ya Biblia?

• Na bamambu nyonso yina kimfumu ya Nzambi ke lungisa, wapi yina nge ke na sosá ya salama na mbangu?