Timfumu tia Nzambi yâla tita yâla. Ntamana mbo tinata nsobolo za zinene ha mutoto. Tataluzula misamu mia mbote mi lendi kekolo mu lutumu lwa Timfumu.

1. Bwe Timfumu tia Nzambi tikârisila tidzunu na buderede ha mutoto?

Yezu, Mutinu wa Timfumu tia Nzambi mbo kafukisa bankwa mbi na guvernema, mu muzingu wa Armagedo. (Nzabukusu 16:14, 16) Mu ntangu yîna, kani dia Bibila dita landa mbo ditomo lungana: “Ntangu fioti kwa yisiri, mpe bakwa mbi ka bavutu’â kwa bâ ko.” (Mikunga 37:10) Mu nzila ya Timfumu Yezu mbo kasa ti tidzunu na buderede biabâ ha mutoto.​—Tanga Izaya 11:4.

2. Luzingu bwe lubâ, luzolo lwa Nzambi bu lusalama ha mutoto?

Mu lutumu lwa Timfumu tia Nzambi, “bantu ba sungama mbo babiarila mutoto, mpe mbo bazinga mankululu ha zulu mutoto.” (Mikunga 37:29) Banza’eti ti, mu nza yi wena bantu babansoni ba sungama bena, bazololo Yehova mpe bazolosono bawu na bawu! Ka kwena muntu wuvutu bâ na timbevo ko mpe muna muntu mbo wuzinga ntangu zazansoni.

3. Timfumu tia Nzambi nti tilungisa ha manima ma mfukulu ya bankwa mbi?

Ha manima ma mfukulu ya bankwa mbi, Yezu mbo kayâla mvula 1 000. Mu ntangu yo, yandi na bantu  144 000 bayâla na yandi mbo babakisa bantu ha mutoto mu bâ ba lunga na mu lembo vutu bâ na masumu. Ku nsuka ya ntangu yo, mutoto mbo wukwizi bâ paradi ya toma, yafuluka mu bantu bê mu nsayi, mu bungu ti misiku mia Yehova batumamanaka. Ha manima, Yezu mbo kakârisa Timfumu kwe Tata’andi Yehova. Ni buna kwa “nkumbu [ya Yehova yikwizi] bâ ya santu.” (Matie 6:9, 10, NWT) Musamu wo mbo wusongela ti Yehova Mfumu ya mbote yena yikipaka bisari biandi. Ha manima, Yehova mbo kafukisa Satana, bademo na bô bakolamana lutumu lwandi. (Nzabukusu 20:7-10) Luzingu lwa lunga lu nata Timfumu tia Nzambi mbo luzingila ntangu zazansoni.

 YIKA NDILU

4. Timfumu tia Nzambi mbo tisukisa guvernema za bantu

“Muntu wayâla muntu mu mu mwisa mpasi.” (Ekleziaste 8:9) Yehova mbo kasarila Timfumu tiandi mu sukisa titantu.

Tangeno Daniele 2:44 na 2 Bisi-Tesalonike 1:6-8, mpe zonzeleno biyuvu ebi:

• Nti Yehova na Mwana’andi Yezu bakwizi sa mu bungu dia guvernema za bantu na bô bayikaka zo moko?

• Bwe misamu mi walongokele mu Yehova na Yezu mita ku hana lukwikulu ti misamu mi bayirika mbo mibâ mia sungama mpe mia delakana?

5. Yezu ni Mutinu wuyôkele bubote

Bu ke Mutinu wa Timfumu tia Nzambi, Yezu mbo kabakisa bisari biandi ha mutoto mu mpila zazingi. Taleno VIDEO mu mona bwe Yezu kasongela ti nsatu ye nandi na lenda dia mu hana Yehova mu bakisa bantu.

Bu kabâ ha mutoto, Yezu wasongela misamu mia keti yirika Timfumu tia Nzambi. Ntia tusakumunu zololo wakulu baka? Tangeno verse zita tu bakisa mu tomo zaba tusakumunu twango.

6. Timfumu tia Nzambi mbo titomesa bilumbu bia ku matu

 MU BUKUFI

Timfumu tia Nzambi mbo tilungisa kani diandi, mbo tisa ti mutoto wawansoni wabâ paradi yafuluka mu bantu basambila Yehova ntangu zazansoni.

Biyuvu bia mbambukulu

• Bwe Timfumu tia Nzambi tisila ti nkumbu ya Yehova yabâ ya santu?

• Mu bungu dia nti tulendi kwikila ti Timfumu tia Nzambi mbo tilungisa makani ma mu Bibila?

• Mu misamu miamiansoni mi lungisa Timfumu tia Nzambi, nti ta tomo kêla?