CIIYO 33
Bwaami Nsheshi Bukacite
Bwaami bwakwe Lesa bwakatalika kale kweendelesha. Conoonobo bulakwaalula shintu pacishi capanshi. Amuleke tubandike pashintu shibotu Bwaami nsheshi bukacite na bukatalike kweendelesha pacishi coonse.
1. Ino Bwaami bwakwe Lesa bulaakuleta buyani luumuno abululami pacishi capanshi?
Yesu, Mwaami wa Bwaami bwakwe Lesa, alaakunyonyoola bantu boonse bacita shibiibi alimwi amfulumeende sha bantu pankondo ya Amagedoni. (Ciyubululo 16:14, 16) Paciindi ico, cishomesho camu Baibo caamba ayi: ‘Kwacaalabo kaciindi kaniini, bamucita shibi balaakushimingana’ cilaakukumanishikwa. (Kulumbaisha 37:10) Kwiinda mu Bwaami, Yesu alaakushinisha kwaamba ayi pacishi coonse capanshi paba luumuno abululami.—Amubelenge Isaya 11:4.
2. Ino shintu shilaakuba buyani na Lesa akakumanishe kuyanda kwakwe pacishi capanshi?
Mubweendeleshi bwa Bwaami bwakwe Lesa, ‘baluleme balaakupyana cishi, alimwi balaakunookalaamo kwamuyayaya.’ (Kulumbaisha 37:29) Amuyeeyebo mbweshi cikabe kukala mucishi muswitebo bantu baluleme, basuni Yehova alimwi basunene! Teshi kukabeewo kuciswa alimwi bantu boonse balaakukala kwamuyayaya.
3. Ino nshiinshi Bwaami bwakwe Lesa nsheshi bukacite pesule lyakunyonyoola bantu bacita shibiibi?
Pesule lyakunyonyoola bantu bacita shibiibi, Yesu alaakweendelesha mbuli Mwaami kwa myaaka 1,000. Paciindi ici, Yesu pomwi aba 144,000 balaakucafwa bantu pacishi kwaamba ayi babe bamaninite. Kumamanino amyaaka iyi, cishi capanshi cilaakuba paladaiso alimwi bantu boonse balaakunosangalala ceebo cakunyumfwila milawo yakwe Yehova. Lyalo Yesu alaakuboosha Bwaami kuli Yehova, Baishi. Liina lyakwe Yehova lilaakwiindaawo ‘kusalashikwa.’ (Mateyo 6:9, 10) Paciindi ici, bantu boonse balaakushiba kwaamba ayi Yehova ngu Mweendeleshi uli kabotu alimwi alabikila maano kubalelwa. Yehova alaakunyonyoola Satana ashibanda shakwe abaabo boonse beshi bakapondokele buleelo Bwakwe. (Ciyubululo 20:7-10) Shintu shibotu Bwaami nsheshi bukacite shilaakutolelela kubaako kwamuyayaya.
AMWIIYILEWO ASHIMWI
Amubone nceenga twashomena ayi Bwaami bwakwe Lesa bulaakukumanisha shishomesho shoonse Lesa nshaakatushomesha.
4. Bwaami bwakwe Lesa bulaakukushaawo mfulumeende sha bantu
“Muntu aleendelesha muntunyina munshila imuletela mapensho.” (Shikushimikila 8:9, NWT) Kwiinda mu Bwaami bwakwe, Yehova alaakumana mapensho esa ceebo cakulyatililana uku.
Amubelenge Danyelo 2:44 alimwi a 2 Bene Tesalonika 1:6-8, akubandika miipusho iyi:
-
Ino nshiinshi Yehova a Yesu nsheshi bakacite kumfulumeende sha bantu abaabo bali kulubasu lwa nshisho?
-
Ino nshomweeya pali Yehova alimwi a Yesu shamucafwa buyani kushoma kwaamba ayi balaakutondesha bululami mushintu shoonse nsheshi bakacite?
5. Yesu ngu Mwaami weelela
Mbuli Mwaami wa Bwaami bwakwe Lesa, Yesu alaakucafwa bantu pacishi capanshi munshila shiinji. Amweebele VIDYO kwaamba ayi mubone Yesu mbwakatondesha ayi alisuni kucafwa bantu alimwi akwaamba ayi Lesa wakamupa nkusu shakucita boobo.
Yesu ndyaakalinga pacishi capanshi, wakatondesha shintu Bwaami nsheshi bukacite. Ino nshoolwe nshi pasheeshi shatondeshekwa nshemutolangila bunene? Amubelenge malembo atokonkelaawo atotucafwa kwiiya shiinji pashoolwe isho.
|
YESU NDYAAKALINGA PACISHI CAPANSHI . . . |
YESU NDYESHI AKANOKWEENDELESHA KWICULU . . . |
|---|---|
|
|
|
|
|
|
|
|
6. Bwaami bwakwe Lesa bulaakulengesha shintu kubota
Bwaami bwakwe Lesa bulaakulengesha kwaamba ayi bantu bakanookala kabotu kweelana a Lesa mbwaakalinga kusuni kumatalikilo. Balaakukala kwamuyayaya mu paladaiso pacishi capanshi. Amweebele VIDYO kwaamba ayi mubone Yehova mbwatookumanisha kuyanda kwakwe kwiinda muli Yesu, Mwanaakwe.
Amubelenge Kulumbaisha 145:16, akubandika mwiipusho uyu:
-
Ino kushiba kwaamba ayi Yehova ‘alaakusanina kabotu shoonse nshaakalenga’ kulamupa kulinyumfwa buyani?
BANTU BAMWI BALAAMBA AYI: “Inga twacikonsha kumana mapensho oonse amucishi, na twasebensela pomwi.”
-
Ino ngamapensho nshi Bwaami bwakwe Lesa ngeshi bukamaane ayo mfulumeende sha bantu ngeenga tashicikoonshi kumana?
CITEENTE CINENE
Bwaami bwakwe Lesa bulaakucita shintu Lesa nshaasuni kukumanisha. Bulakwaalula cishi capanshi coonse kuba paladaiso umo mweshi mukasule bantu bacita shibotu alimwi beshi bakanoopaila Yehova kwamuyayaya.
Kwiindulukaamo
-
Ino Bwaami bwakwe Lesa bulaakulengesha buyani liina lyakwe Yehova kusalashikwa?
-
Ino nceebonshi nceenga twashomena ayi Bwaami bwakwe Lesa bulaakukumanisha shishomesho shaambwa mu Baibo?
-
Ino ncoolwe nshi ncomusunishi kubona pasheesho Bwaami nsheshi bukakumanishe?
AMULANGWETEEWO ASHIMWI
Amwiiye liswi lyakwaamba ayi Amagedoni ncolisansulula.
“Ino Inkondo ya Amagedoni Nciinshi?” (Makani acanika pa jw.org)
Amwiiye pashintu sheshi shikacitike mubuleelo bwakwe Yesu bwa myaaka 1,000 alimwi akumamanino abuleelo bwakwe.
Amubone mikwashi mbweenga yacita kwaamba ayi banooyeeya pashoolwe sha Bwaami shili kunembo.
Amwiiye shimapolitiki umwi mbwakacana shikumbulo kumiipusho njaakalinga kucite mumutwi utokwaamba ayi, “Ndakalinga Kucite Miipusho Iinji Yakalinga Kumpensha.”
“Baibo Ilaalula Buumi bwa Muntu” (Njashi Yamulindilishi, January 1, 2012)
You May Also Like
MIIPUSHO LIINJI BANTU NJOBEPUSHA
Ino Nshiinshi Nsheenga Mweeya Ndyemutokwiiya Baibo a Bakamboni Bakwe Yehova?
Ndyemutokwiiya Baibo a Bakamboni Bakwe Yehova kwakubula kulipila, inga mwasebensesha Baibo ili yoonse. Mulyangulukite kwiitako bamumukwashi wanu na beshicibusa banu bali boonse mbweenga mwasuna kucanikaawo paciiyo.
