YOFUNJEDHA 33
N’nga Umwene wa Nlungu unodha ira vyoi a-vi?
Umwene wa Nlungu uromile wale tonga. Mo-odembuwa Umwenula unodhana maraeli-o manjinji vailamboi. Dhoweni nioneni enango mwamaraeli-o anofuna i-yo dhasangalalana, Umwenula wadharoma tonga vailambo yothene yavathi.
1. N’nga Umwene wa Nlungu unodha iranan’ni ira udhena rendele na longomano vailamboi?
Yesu oi ngu Mwene wa Umwene wa Nlungu, unodha nonga atu othakala, na maguverno othene aatu vakondo ya Arumagedo. (Apokalipse 16:14, 16) Vahora yeniyo ninodha ona kwakwaneli-edhiwa wa yolanyedha ya Bibilyani yoonga ira: “Va-adhi hora yoyeva, othakala katinodha kalawo okoka.” (Salimo 37:10) Yesu unodha i-ndi-edha basa Umwenula vodhana rendele thitho longomano vailambo yothene yavathi.—Muleri Esaya 11:4.
2. N’nga ingumi inodha kala yoi a-vi ifunelo ya Nlungu yadhaireya vailambo yothene yavathi?
Umwene wa Nlungu wadhatonga ilamboi, “olongomana tanodhawachela ilambo yavathi, thitho tanodha kala mwemo dhowa nodhowa.” (Salimo 37:29) Vinodha kala vyosangalali-a maningi, ona ira mutu uliwethene vailamboi ngolomana thitho unodhiveliwana Yohova naatu enango. Kavali mutu uliwethene unofuna dhabulela thitho atu othene tanodha kaana ingumi yodhowa nodhowa.
3. N’nga Umwene wa Nlungu unodha ira vyoi a-vi atu othakala tadhanongiwa?
Atu othakala tadhanongiwa, Yesu unodha tonga ninga Mwene muvyawa 1,000. Vahora yen’na, Yesu naanamatonga afwee okwakwana 144,000, tanodha kami-a atu othene vailamboi ira takale olongomana. Vofiya komoni wavyawa 1,000, ilambo yothene inodha kala paradaizo thitho atu tanodha kala mosangalala namwasa ovwela malamulo a Yohova. Amala Yesu unodha weli-edha Umwenuo wa Babee Yohova. Vahora yeniyo “dhina la Yohova [linodha] cheni-iwa,” i-yani-ana walelene. (Mateu 6:9, 10) Mutu uliwethene unodha idhiwa ira Yohova, ngunamatonga wapama oi unothuulela arumiwee. Amala Yohova unodha nonga Satana, viwanda naatu othene tanofuna dhathonyi-edha ira katinofuna vwela utongee. (Apokalipse 20:7-10) Vyevi vyadhaireya, maraeli-o anofuna dhana Umwene wa Nlungu anodha kalao dhowa nodhowa.
FUNJEDHANI VINJINJI
Sakasakani ira mwiidhiwe mwasee kaninokaikela ira Nlungu unodha i-ndi-edha basa Umwenee vokwakwaneli-edha vyolanyedha vyothene vya Bibilyani.
4. Nlungu unodha mali-a maguverno othene aatu
Bibilya linoonga ira: “Mutu unom’pei-a mutu fwee vom’tonga.” (Namalaleya 8:9) Yohova unodha i-ndi-edha basa Umwenee, vomali-a vyongo vyothene vyo-olongomana, vyevyo atu enango vinoairela aliwa afwiwa.
Muleri Danieli 2:44 na 2 Atezalonika 1:6-8, mwamala mutapanye vyofuka vyo-arelavi:
-
N’nga Yohova na Mwanee, Yesu, tanodha iran’ni na maguverno aatu thitho atu tanoa-arela?
-
N’nga vifunjedhilenyo vyoonga Yohova na Yesu, vinousikimizeli-ani a-vi ira tanodha ira vyongo molongomana?
5. Yesu ngu Mwene wapama maningi
Ninga Mwene wa Umwene wa Nlungu, Yesu unodha airela atu vyongo vyapama maningi vailamboi. Muonele VIDIYO ira muone umboni othonyi-edha ira Yesu ngofunechecha kami-a atu thitho ira Nlungu atom’va-a kopolo dhoirana vyevyo.
Vyaira Yesu angali vailamboi, vyatoothonyi-edha vinofuna dhaira Umwene wa Nlungu waatu vailamboi. Vamaraeli-o ali chindoala, n’nga, tiraeli-o liivi lelo linodedi-edhela nyo maningi? Muleri malemba ali sogolo wa raeli-o lililothene.
|
ANGALI VAILAMBO YAVATHI, YESU . . . |
VILI LIYE DHULU, YESU . . . |
|---|---|
|
|
|
|
|
|
|
|
6. Maraeli-o anofuna dhana Umwene wa Nlungu
Umwene wa Nlungu unodha iri-a ira atu takaena ingumi yapama ninga mwemo Yohova mwafunela liye voroma. Atu tanodha kaana ingumi paradaizo vailamboi modhowa nodhowa. Muonele VIDIYO ira muone mwemo Yohova munokwakwaneli-edha liye ifunelwee vo-indi-edha basa Mwanee Yesu.
Muleri Salimo 145:16, mwamala mutapanye yofuka yo-arelai:
-
N’nga munovwa a-vi mwathuulela ira Yohova unodha “kwakwaneli-edha vyofuna vya yaingumi iliyothene”?
ATU ENANGO ANOONGA IRA: “Akala ninoira vyongo movwelana, ninooda mali-a vyorucha vailambo yothene.”
-
N’nga Umwene wa Nlungu unodha mali-a vyorucha viivi vinoimwanana maguverno aatu vimali-a?
MAKUNDO OGWANDELA
Umwene wa Nlungu unodha kwakwaneli-edha ifunelo yana Nlungu voroma. Unodha iri-a ira ilamboi ikale paradaizo, mwemo munofuna dhakala atu apama oi tanodha lambela Yohova modhowa nodhowa.
Vyofuka vyowelela
-
N’nga Umwene wa Nlungu unodha iri-a a-vi ira dhina la Yohova licheni-iwe?
-
Mwasiwa ngwan’ni ninororomela ira Umwene wa Nlungu unodha kwakwaneli-edha vyothene vilanyedhile Bibilya?
-
Vamaraeli-o othene anofuna dhana Umwene wa Nlungu, n’nga tiraeli-o liivi lelo linodedi-edhelanyo maningi?
IDHIWANI VINJINJI
Sakasakani ira mwiidhiwe vinothapulela Arumagedo.
“Kodi Nkhondo ya Aramagedo Idzakhala Yotani?” (Mwasa wavasaiti)
Muleri mwasula ira mwiidhiwe vinofuna ireya muutongi wa Yesu wa vyawa 1,000 thitho komoni wa utongi wen’na.
“Kodi pa Tsiku la Chiweruzo Padzachitika Zotani?” (Nsanja ya Olonda, 1 wa Setembro wa 2012)
Muone vinofuna kami-a mabanja dhifwanafwani-edha ira tali paradaizoni.
Mumwasa oi “Ndinali Ndi Mafunso Ambiri Omwe Ankandisowetsa Mtendere,” muone vyakami-idhe mutu mwinango odhimbinuela anamatonga fwanya vyowakula vya vyofuka vyam’mwimanani-a kaana rendele.
“Baibulo Limasintha Anthu” (Nsanja ya Olonda, 1 wa Janeiro wa 2012)
