TUTO 33
Zeuka Peta Mubuso wa Mulimu
Mubuso wa Mulimu ukalile kale kubusa. Mubuso wo utuha ueza licinceho zetuna fa lifasi. Halunyakisiseñi zeñwi za lika zende zeuka peta Mubuso wa Mulimu.
1. Mubuso wa Mulimu ukatahisa cwañi kozo ni kuluka fa lifasi?
Jesu, yena Mulena wa Mubuso wa Mulimu, ukayundisa batu babamaswe ni mibuso ya lifasi fa ndwa ya Armagedoni. (Sinulo 16:14, 16) Ka nako yeo, sepiso ya mwa Bibele yelatelela ikatalelezwa: “Kusiyezi feela nakonyana, mi babamaswe habasana kubateñi.” (Samu 37:10) Ka nako yeo, Jesu ukatahisa kozo ni kuluka mwa lifasi kaufela.—Mubale Isaya 11:4.
2. Bupilo bukaba cwañi tato ya Mulimu haika eziwa fa lifasi?
Mubuso wa Mulimu hauka busa lifasi, “babalukile bakaluwa lifasi, mi bakapila ku lona kuya kuile.” (Samu 37:29) Nako yeo ikaba yende hahulu kakuli batu kaufela babaka pila fa lifasi bakaba babalukile, bakalatana, mi bakalata Jehova! Hakuna mutu yakakula, mi batu kaufela bakapila kuya kuile.
3. Ki lika mañi zeuka peta Mubuso wa Mulimu batu babamaswe hase bayundusizwe?
Batu babamaswe hase bayundisizwe, Jesu ukabusa sina Mulena ka lilimo ze 1,000. Ka nako yeo, Jesu ni ba 144,000 bakabusa ni bona, bakatusa batu kuba babapetahalile. Kwa mafelelezo a lilimo zeo, lifasi likaba paradaisi yende, fokuka pila feela batu babautwa milao ya Jehova. Hasamulaho, Jesu ukakutisa Mubuso ku Ndatahe, yena Jehova. Ka nako yeo, ‘libizo la Mulimu likakeniswa’ ka nzila yeipitezi luli. (Mateu 6:9, 10) Batu bakaiponela kuli Jehova ki Mubusi yomunde ili yalata batanga bahae. Jehova ukayundisa Satani, madimona, ni batu kaufela babaiketezi kumukwenuhela. (Sinulo 20:7-10) Lika zende zeuka eza Mubuso wa Mulimu likaina kuya kuile.
MUBATISISE
Munyakisise libaka halukona kusepa kuli Mulimu ukaitusisa Mubuso wahae kutaleleza lisepiso kaufela za mwa Bibele.
4. Mubuso wa Mulimu ukafelisa mibuso ya batu
‘Mutu ubile ni maata a kuhatelela yomuñwi, kumueza maswe.’ (Muekelesia 8:9) Ka kuitusisa Mubuso wahae, Jehova ukafelisa kusaluka.
Mubale Daniele 2:44 ni 2 Matesalonika 1:6-8, mi kihona mukanyakisisa lipuzo zelatelela:
-
Ki lika mañi zakaeza Jehova ni Mwanaa hae, yena Jesu, kwa mibuso ya batu ni baba iyemela?
-
Zemuitutile ka za Jehova ni Jesu limikolwisa cwañi kuli bakaatula ka kuluka?
5. Jesu ki Mulena yomunde
Ka kuba Mulena wa Mubuso wa Mulimu, Jesu ukaeza lika zeñata zekatusa batu fa lifasi. Mubuhe VIDIO kuli mubone mwaboniselize Jesu kuli unani takazo ni maata afilwe ki Mulimu a kutusa batu.
Hanaali fa lifasi, Jesu naaezize lika zebonisa zeuka peta Mubuso wa Mulimu kwapili. Ki limbuyoti lifi zemutabela fa mukoloko olatelela? Mubale mañolo azamaelela ni limbuyoti zebonisizwe.
|
HANAALI FA LIFASI, JESU . . . |
KWA LIHALIMU, JESU . . . |
|---|---|
|
|
|
|
|
|
|
|
6. Mubuso wa Mulimu ukaeza lika zende
Mubuso wo ukapeta mulelo wa Jehova wa kuli batu baikole bupilo. Batu bakapila kuya kuile mwa paradaisi fa lifasi. Mubuhe VIDIO kuli mubone zasweli kueza Jehova ka kuitusisa Mwanaa hae, yena Jesu, kuli apete mulelo wahae.
Mubale Samu 145:16, mi kihona mukanyakisisa puzo yelatelela:
-
Muikutwa cwañi kuziba kuli Jehova ‘ukakulisa takazo ya zepila kaufela’?
BABAÑWI BABULELANGA KULI: “Haiba lusebelisana hamoho, lwakona kufelisa matata aliteñi mwa lifasi.”
-
Mubuso wa Mulimu ukafelisa matata mañi ebapalezwi kufelisa babusi ba lifasi?
LITABA KA BUKUSWANI
Mubuso wa Mulimu ukapeta tato yahae. Ukatahisa kuli lifasi libe paradaisi mokuka pila batu babande babaka lapela Jehova kuya kuile.
Mulundulule
-
Mubuso wa Mulimu ukakenisa cwañi libizo la Jehova?
-
Ki kabakalañi halukona kukolwa kuli Mubuso wa Mulimu ukataleleza lisepiso za mwa Bibele?
-
Kwa limbuyoti zeuka tahisa Mubuso wa Mulimu, ki mbuyoti ifi yemunyolelwa hahulu?
MUBONE LITABA ZEÑWI
Mubatisise kuli Armagedoni ki nto mañi.
Munyakisise zekaezahala ka nako ya puso ya Jesu ya lilimo ze 1,000 ni kwa mafelelezo ayona.
“Ki Lika Mañi Zekaezahala fa Lizazi la Katulo?” (Tawala ya Mulibeleli, October-December, 2012)
Munyakisise zekona kutusa mabasi kunahanisisa limbuyoti zebaka ikola ka nako yeuka busa lifasi Mubuso wa Mulimu.
Mwa taba yeli, “Neninani Lipuzo Zeñata,” mubone mo muuna yomuñwi naafumanezi likalabo kwa lipuzo zanaanani zona.
“Bibele Yacincanga Bupilo Bwa Batu” (Tawala ya Mulibeleli, January 1, 2012)
Hape Mwendi Mwakona Kutabela Litaba Ze
LIPUZO ZEBUZIWANGA HAÑATA
Tuto ya Bibele Yebazamaisanga Lipaki za Jehova ki Nto Mañi?
Hamunze muituta Bibele ni Lipaki za Jehova, mwakona kuitusisa toloko ya Bibele ifi kamba ifi yemutabela. Mulukuluhile kumema lubasi lwamina kaufela kamba mulikani wamina ufi kamba ufi kuli afumanehe kwa tuto yamina.
