DILONGESHA DIA 33
Malu alua Bukalenge kuenza
Bukalenge bua Nzambi bukadi bukokesha. Mu katupa kîpi emu, nebushintulule malu a bungi pa buloba. Tumonayi malu mimpe aluabu kuenza.
1. Mmunyi muateka Bukalenge bua Nzambi buakane ne ditalala pa buloba?
Yezu, Mukalenge wa Bukalenge bua Nzambi, neabutule bantu babi ne mbulamatadi yabu mu mvita ya Armagedone. (Buakabuluibua 16:14, 16) Dîba adi, mulayi wa mu Bible wa ne: “Mu katupa kîpi patupu, bantu babi kabakuikalaku kabidi to,” newukumbane wonso. (Misambu 37:10) Ku diambuluisha dia Bukalenge ebu, Yezu neateke buakane ne ditalala pa buloba bujima.—Balayi Yeshaya 11:4.
2. Nsombelu neikale mushindu kayi pikala disua dia Nzambi dienzeka pa buloba?
Pakokesha Bukalenge bua Nzambi, “bantu bakane nebapiane buloba, nebasombapu bua kashidi.” (Misambu 37:29) Anji elabi meji: bantu bonso bikale bakane, banange Yehowa, ne banange bantu nabu! Muntu nansha umue kakusama to, ne bantu bonso nebashale ne muoyo kashidi.
3. Bukalenge bua Nzambi nebuenze malu kayi pabutulabu bantu babi?
Pabutulabu bantu babi, Yezu neakokeshe munkatshi mua bidimu 1 000. Tshikondo atshi, yeye ne bantu 144 000 bakokeshaye nabu nebambuluishe bantu bua balue bapuangane, kabayi mpekatu. Pajika bidimu 1 000, buloba nebulue Mparadizu mulenga muwule ne bantu badi ne disanka bua ditumikila mikenji ya Yehowa. Pashishe Yezu neapingajile Tatuende Yehowa bukokeshi, ne ‘dîna dia Yehowa nedijidibue’ kupita kuonso eku. (Matayi 6:9, 10) Nebimueneke patoke ne: Yehowa mMukokeshi muimpe udi utabalela bantu. Pashishe, Yehowa neabutule Satana, bademon, ne bonso badi basungula bua kutombokela bukokeshi buende. (Buakabuluibua 20:7-10) Nsombelu mulenga watutuadila Bukalenge bua Nzambi neashalaku kashidi.
BUELA MU BUONDOKE
Mona bua tshinyi mbimpe tuikale batuishibue ne: Nzambi neakumbaje malu adi Bible mutulaye ku diambuluisha dia Bukalenge buende.
4. Bukalenge bua Nzambi nebubutule mbulamatadi ya bantu
‘Muntu udi ukokesha muntu mukuabu bua kumukengesha.’ (Muambi 8:9) Yehowa neajikije bualu ebu ku diambuluisha dia Bukalenge buende.
Balayi Danyele 2:44 ne 2 Tesalonike 1:6-8, pashishe nuandamune nkonko eyi:
-
Yehowa ne Muanende Yezu nebenzele mbulamatadi ya bantu ne bonso badi bayitua mpanda tshinyi?
-
Bilondeshile malu audi mulonge adi atangila Yehowa ne Yezu, bua tshinyi udi mutuishibue ne: tshienzabu netshikale tshimpe ne tshikumbane?
5. Yezu mMukalenge muimpe mutambe
Bu mudi Yezu Mukalenge wa Bukalenge bua Nzambi, neenzele bantu malu mimpe a bungi. Tangilayi FILME bua kumona mukadi Yezu muleje ne: mmusue kuambuluisha bantu, ne Nzambi mmumupeshe bukole bua kubambuluisha.
Pavua Yezu pa buloba wakalabuija bantu malu enza Bukalenge bua Nzambi. Mu mabenesha adi alonda aa, nngepi audi mutekemene ne muoyo mujima? Balayi mvese idi mielamu idi itangila dibenesha dionso.
|
PAVUA YEZU PA BULOBA . . . |
MU DIULU, YEZU . . . |
|---|---|
|
|
|
|
|
|
|
|
6. Bukalenge bua Nzambi nebututuadile nsombelu mulenga
Bukalenge bua Nzambi nebukumbaje malu onso avua Yehowa mulongoluele bantu katshia ku ntuadijilu. Nebasombe kashidi mu Mparadizu pa buloba. Tangilayi FILME bua kumona mudi Yehowa wenza malu ne Muanende Yezu bua kukumbaja disua diende.
Balayi Misambu 145:16, pashishe nuandamune lukonko elu:
-
Mmunyi muudi umvua padibu bamba ne: Yehowa ‘neakumbaje dijinga dia tshintu tshionso tshidi ne muoyo?’
BAMUE BATU BAMBA NE: “Tuetu badienzeje bonso, tudi mua kujikija ntatu ya pa buloba.”
-
Nntatu kayi yajikija Bukalenge bua Nzambi idi mbulamatadi ya bantu kayiyi mua kujikija?
TSHIA KUKUATA
Bukalenge bua Nzambi nebukumbaje tshipatshila tshiabu. Nebuvuije buloba bujima Mparadizu wasamba batendeledi ba Yehowa ne muoyo kashidi.
Diambulula
-
Bukalenge bua Nzambi nebujidile dîna dia Yehowa mushindu kayi?
-
Bua tshinyi mbimpe kuitaba ne: Bukalenge bua Nzambi nebukumbaje milayi ya mu Bible?
-
Mu malu onso enza Bukalenge bua Nzambi, ngepi audi muindile ne muoyo mujima?
BIA KUTANGILA KABIDI
Mona tshidi Armagedone umvuija.
“Mvita ya Armagedone ntshinyi?” (Tshiena-bualu tshia mu jw.org)
Mona malu enzeka mu bukokeshi bua bidimu 1 000 bua Yezu ne ku ndekelu kuabu.
“Ntshinyi tshienzeka mu Dituku dia dilumbuluisha?” (Tshibumba tshia Nsentedi 1/9/2012)
Mona mudi bena mu dîku mua kudimona mu Mparadizu.
Bala tshiena-bualu tshia “Mvua ne nkonko ya bungi ivua insamisha mutu,” umone muvua ntomboji muena tshididi mupete mandamuna a nkonko ivuaye udiela.
“Bible utu ushintulula bantu” (Tshibumba tshia Nsentedi 1/1/2012)
Mona bikuabu:
NKONKO ITU BANTU BATAMBA KUELA
Programe wa dilongeshangana Bible wa Bantemu ba Yehowa ntshinyi?
Programe wa nuenda nuyukila wa kuyi ufuta wa Bantemu ba Yehowa eu udi mua kumulonga ne nkudimuinu kayi yonso wa Bible uudi nende. Bikila nansha dîku dienu dijima anyi balunda bebe bonso baudi musue bua nuikale nulonga nabu tshiapamue.
