SULA MAR 33
Pinyruodh Nyasaye Biro Timo Ang’o?
Pinyruodh Nyasaye sani locho. Machiegnini, obiro kelo lokruoge madongo e piny. We wanon ane moko kuom gik ma wageno neno ka Pinyruodh Nyasaye timo.
1. Ere kaka Pinyruodh Nyasaye biro kelo kuwe kod tim makare e piny?
Yesu ma e Ruodh Pinyruodh Nyasaye biro ketho joma richo kod sirkande mag dhano e lweny mar Har–Magedon. (Fweny 16:14, 16) E kindeno, singo manie ndiko ma luwoni biro timore: “Odong’ mana kinde matin, to joricho ok nobedie.” (Zaburi 37:10) Yesu biro tiyo gi Pinyruoth mondo okel ne dhano duto kuwe kod tim makare e piny.—Som Isaya 11:4.
2. Ngima biro chalo nade kinde ma dwach Nyasaye biro timore e piny?
E bwo loch mar Pinyruodh Nyasaye, “jo makare nobed weg piny, kendo ginidagie nyaka chieng’.” (Zaburi 37:29) Parie ka idak e piny ma ji duto gin joma kare kendo gihero Jehova kod jowetegi! Onge ng’at ma biro bedo ma tuo kendo ji duto biro dak nyaka chieng’.
3. Pinyruodh Nyasaye biro timo ang’o bang’ ka oseketh joma richo?
Ka osetiek joma richo, Yesu biro locho kuom higni 1,000. E kindeno, Yesu gi ji 144,000 ma biro locho kode, biro konyo dhano manie piny ka mondo gibed joma kare chuth. Bang’ higni 1,000 piny duto biro bedo paradiso ma jaber, kendo ji duto biro bedo mamor nikech giluwo chike Jehova. Bang’ mano, Yesu biro dwoko loch ne Jehova wuon-gi. E kindeno, ‘nying Jehova nobed maler’ moloyo kinde moro amora. (Mathayo 6:9, 10) Biro nenore maler ni Jehova en Jaloch maber mohero jotichne. Kae to Jehova biro ketho Satan, jochiende, kod ng’ato ang’ata ma biro ng’anyo ne lochne. (Fweny 20:7-10) Ber ma Pinyruodh Nyasaye biro kelo nosik nyaka chieng’.
TIM NONRO
Non ane gimomiyo wanyalo bedo gadier ni e kinde ma biro, Nyasaye biro tiyo gi Pinyruodhe e timo gik moko duto mosesingo e Muma.
4. Pinyruodh Nyasaye biro tieko sirkande duto mag dhano
“Loch dhano . . . en loch ma kelo mana hinyruok.” (Eklesiastes 8:9) Jehova biro tiyo gi Pinyruodhe mondo otiek gik ma ok kare ma timbe maricho mag dhano osekelo e piny.
Som Daniel 2:44 kod 2 Jo-Thesalonika 1:6-8, kae to uwuo e wi penjo ma luwogi:
-
Ang’o ma Jehova kod Yesu wuode biro timo ne jotend pinyni kod ji duto ma riwogi lwedo?
-
Ere kaka gik ma isepuonjori e wi Jehova gi Yesu miyo ibedo gadier ni gibiro timo gik moko e yo makare?
5. Yesu e Ruoth maberie mogik
Kaka Ruodh Pinyruodh Nyasaye, Yesu biro konyo joma nie piny e yore mang’eny ahinya. Tug VIDIO mondo ine gima nyiso ni Yesu nigi gombo mar konyo ji, kendo ni Nyasaye osemiye teko mar timo kamano.
Gik ma Yesu notimo ka en e piny, nonyiso gik ma Pinyruodh Nyasaye biro timo. Kuom gueth ma luwogi, gin mage ma igombo neno ka timore? Som ndiko moket kanyo motudore gi guethgo.
|
KA NE YESU NI E PINY, . . . |
KA YESU NI E POLO, OBIRO . . . |
|---|---|
|
|
|
|
|
|
|
|
6. Pinyruodh Nyasaye biro kelo lokruoge mabeyo e kinde ma biro
Pinyruodh Nyasaye biro miyo dhano odag e ngima maber mana kaka Jehova ne dwaro a chakruok. Gibiro dak e paradiso e piny nyaka chieng’. Tug VIDIO mondo ine kaka Jehova tiyo gi Yesu wuode e chopo dwache.
Som Zaburi 145:16, kae to uwuo e wi penjo ma luwoni:
-
Ng’eyo ni Jehova biro miyo “gik mangima duto gik ma gidwaro” miyo iwinjo nade?
PARO MA JOMOKO NIGO: “Ka watiyo kanyachiel, wanyalo tieko chandruoge duto manie piny.”
-
Gin chandruoge mage ma sirkande mag dhano ok nyal tieko to Pinyruodh Nyasaye kende e ma biro tieko?
PUONJ MADUONG’
Nyasaye biro tiyo gi Pinyruodhe e chopo dwache. Obiro loso piny obed paradiso kama joma beyo biro lame nyaka chieng’.
Ang’o ma ipuonjori?
-
Ere kaka Pinyruodh Nyasaye biro miyo nying Jehova obed maler?
-
Ang’o momiyo wanyalo bedo gadier ni Pinyruodh Nyasaye biro chopo singo manie Muma?
-
Gin gik mage ma Pinyruodh Nyasaye biro timo ma igombo neno ka timore?
MED TIMO NONRO
Som ane sula ma luwoni mondo ing’e gima Har–Magedon en.
Non ane gik ma biro timore e kinde loch Yesu mar higni 1,000 kod gik ma biro timore bang’ hignigo.
“Ang’o Mabiro Timore Chieng’ Bura?” (Ohinga mar Jarito, Oktoba 1, 2012)
Ne ane kaka joot nyalo temo paro kaka ngimagi biro chalo ka gin e Paradiso.
Som sula ma wiye wacho ni “Ne An gi Penjo Mang’eny ma ne Chanda,” mondo ine ane kaka ng’at moro ma nowere gi weche siasa noyudo gima nosebedo komanyo.
“Muma Loko Kit Ngima Ji” (Ohinga mar Jarito, Januar 1, 2012)
Samoro Inyalo Hero Magi Bende
PENJO MA JI JOPENJO
Ere Kaka Joneno mag Jehova Puonjoga Ji Muma?
E puonjruok Muma ma Joneno mag Jehova tayoga, inyalo tiyo gi Muma moro amora mihero. Bed thuolo gwelo joodu duto kata osiepeni e puonjruok.
