Tupana miꞌaira Morekuat Iesui atipy pe Morekuatno raꞌyn. Meij̃uran epote Iesui timompakup hamuat mesūwat yi. Korā̃ watikuap hamo kat Tupana miꞌaira Morekuat tunug̃ hamuat waku rakat mesūwat yi tote hap etiat hap.

1. Kat hap eig̃ Iesui tunug̃ hamuat mesūwat yi tote mītꞌīn tukupteꞌen woꞌowese hap wȳwo hamo.

Atipy tote pyi Iesui tuꞌuka hamo saꞌag̃ nug̃ haria wȳwo iꞌewȳte mesūwat yi totiaria morekuaria wȳwo hawyi toiꞌatuꞌakit hawyi toiꞌatumomã hamuat. Miꞌi wuꞌuka hap set Amaketũ e. (Iesui Aru E Hap 16:14,16) Karāmpe miꞌi hap tutunug̃ naꞌyn hawyi Tupana Ehay toꞌe — Ȳt pyaꞌi raꞌyn ȳt nakuꞌi nug̃ haria ieig̃neꞌen hap moweityk hamuat e. (Saumu 37:10) Tupana miꞌaira aiporekuat Iesui tunug̃ yne hamo tominug̃ hampȳk puo mesūwat yi oktān mītꞌīn tukupteꞌen woꞌowese hap wȳwo hamo. — Etimowempāp o Isaia 11:4.

2. Karāmpe Tupana tunug̃ naꞌyn tomikyꞌesat ewy mesūwat yi tote hawyi aikotā̃ hamuat eig̃ aheig̃neꞌen hap.

Erewanentup pyno ereig̃neꞌen sej̃am ikahu kahato rakat rote. Itote mītꞌīn toꞌokyꞌe toꞌokyꞌe kahato rakaria wȳwo iꞌewȳte torānia raꞌyn Ieuwa montypot haria wȳwo iꞌewȳte torānia raꞌyn mītꞌīn wakuaria wȳwo. Meketā̃ hamuat ri Tupana miꞌaira Morekuat tunug̃ katupono wakuaria pe tutum yne mesūwat yi iꞌatuwatnuat. Miꞌi pe wyti aru teꞌeropyhuꞌat wuatꞌi eꞌāt pe hamo. (Saumu 37:29) Ȳt uweꞌi poꞌog̃ hamuat iꞌahū maꞌato torānia raꞌyn mītꞌīn tukupteꞌen wuatꞌi eꞌāt pe hamuat.

3. Toimomã raꞌyn saꞌag̃ nug̃ haria wȳwo hawyi kan Tupana miꞌaira Morekuat tunug̃ hamuat.

Iesui timomã raꞌyn saꞌag̃ nug̃ haria wȳwo hawyi atipy tote pyi Morekuatno hamo toig̃neꞌen miu anu turān. Miꞌi turān 144 miu rakaria wȳwo taꞌatuhoꞌopowȳro hamuat mītꞌīn ȳt iꞌaparap hap wȳwoꞌi poꞌog̃ tukupteꞌen hamuat hap ete. Miu anu kahu hawyi mesūwat yi nusuken wo hamo raꞌyn ikahu kahato hamuat iꞌewȳte torānia mītꞌīn iꞌatuwepīt kahato hap wȳwo tukupteꞌen hamuat kat pote torānia raꞌyn imontypot Tupana woꞌonãpin hap koꞌi hamo. Miꞌi hawyi Iesui toꞌe hamo toꞌȳwot kape — Korā̃ pyi epo pe raꞌyn en hamo raꞌyn torānia mītꞌīn Morekuatno wuatꞌi eꞌāt pe ereig̃neꞌen hamo e. Miꞌi hap puo pyi ti aru atimowato uhet e Ieuwa ȳt karāmpiatꞌi uiminug̃ hap ewy e. (Esekieu 36:23) Miꞌi hap puo pyi Ieuwa timoherep hamo uiat yn uiporekuat poꞌog̃ waku torānia kai hap katupono arenentup kahato mītꞌīn kape e. Ieuwa timomã hamuat ahiag̃ hawyi ahiag̃niaria wȳwo iꞌewȳte tomiꞌaira Morekuat etiat wemopyꞌahakꞌi haria mītꞌīn toiꞌatumomã hamuat wy. (Iesui Aru E Hap 20:7-10) Tupana miꞌaira Morekuat hap puo pyi aipīt aiwanentup hap koꞌi iꞌewȳte iraniaꞌīn hampȳk kahato hamo raꞌyn wuatꞌi eꞌāt pe hamo.

 EREWANENTUP O ETIKUAP POꞌOG̃ HAMO

4. Tupana miꞌaira Morekuat timomã yne hamuat mesūwat yi totiaria morekuaria wȳwo

Tupana Ehay henoi mītꞌīn hatek takaria ȳt iꞌatumiꞌuꞌi rakaria morekuaria miꞌakit koꞌi hekat rakaria mimohit koꞌi e. (Ekeresiasi 4:1) Tomiꞌaira Morekuat puo pyi Ieuwa timomã yne hamuat raꞌyn iꞌatuminug̃ wakuꞌi rakat wȳwo.

Eweimowempāp o Saumu 110:5,6 hawyi 2 Tesaronika 1:6-8. Miꞌi hawyi apoꞌe hap koꞌi ete eiwoꞌoꞌehay.

• Ieuwa hawyi Iesui. Kat hap eig̃ taꞌatunug̃ hamuat mesūwat yi totiaria morekuaria koꞌi wȳwo iꞌewȳte iꞌatueupiat wat haria wȳwo.

• Etikuap kahato raꞌyn Ieuwa hawyi Iesui iꞌatuminug̃ koꞌi etiat. Kat pote asom etimohey kuap meij̃uran wuat iꞌatuminug̃ hampȳk kahato hamuat hap etiat.

5. Iesui poꞌog̃ waku torānia kawiat rakat morekuat

Tupana miꞌaira aiporekuatnuat Iesui tunug̃ kahato hamuat wakuat koꞌi mītꞌīn powȳro mesūwat yi tote hamo. Ewetehaꞌat pyno VÍDEO kape. Vídeo timoherep Iesui tiꞌatupowȳro terān kahato mītꞌīn iꞌewȳte miꞌi hap nug̃ hamo Tupana tum tesaika hap Iesui pe.

Karāmpe Iesui toig̃neꞌen mesūwat yi tote turān tutunug̃ kahato wakuat koꞌi. Miꞌi hap puo pyi toimoherep meketā̃ hamuat tutunug̃ hamuat karāmpe yi Morekuatno raꞌyn toig̃neꞌen hawyi hap. Iwoꞌokpypiat Tupana Ehay piat e hap koꞌi aikowan etikyꞌesat kahato raꞌyn tuwemoherep hap. Eweimowempāp o Tupana Ehay piat e hap koꞌi. Miꞌi hap koꞌi etiat tohenoi poꞌog̃ hamuat. Meig̃muewuat Tupana Ehay piat aipoityro hap etiat tohenoi poꞌog̃ hamuat.

6. Tupana miꞌaira Morekuat puo pyi aheig̃neꞌen hap waku kahato hamuat

 WATUWEMŪꞌE RAꞌYN

Tomiꞌaira Morekuat puo pyi Tupana tunug̃ yne hamuat tomikyꞌesat koꞌi. Toimompakup hamuat mesūwat yi nusuken wo hawyi torānia mītꞌīn wakuaria taꞌatumontypot wuatꞌi eꞌāt pe Ieuwa hamo.

Hotꞌokꞌe te asom

• Kat hap eig̃ Tupana miꞌaira Morekuat tunug̃ hamuat Ieuwa set mowato hamo.

• Kat pote asom watimohey kuap tomiꞌaira Morekuat puo pyi Ieuwa tunug̃ yne hamuat tomikyꞌesat koꞌi aikotā̃ Tupana Ehay piat aru e hap koꞌi ewy hap ete.

• Tupana miꞌaira Morekuat tunug̃ kahato hamuat wakuat koꞌi mesūwat yi tote. Maꞌato kat hag̃ sēse raꞌyn etikyꞌesat kahato tutunug̃ hap.