33-ШО УРОК
Мом Юмын Кугыжаныш ончыкыжым ышта
Юмын Кугыжаныш уже вуйлата. Вашке тудо мландыште илышым тӱрыснек вашталта. Айста пален налына, мом Юмын Кугыжаныш ончыкыжым ышта да могай пайдам тиде тыланда конда.
1. Кузе Юмын Кугыжанышлан кӧра мландыште тыныс ден чын ыштымаш лийыт?
Иисус, Юмын Кугыжанышын Кугыжаже, Армагеддон сарыште осал еҥ-влак ден айдеме правительстве-влакым пытара (Почмаш 16:14, 16). Тунам тыгай библийысе сӧрымаш тӱрыснек шукталтеш: «Шукат ок эрте, а языкан [«осалым ыштыше», УТ] еҥ огеш лий» (Псалом 36:10). Мландыште тыныс ден чын ыштымаш лийыт. Тидым Иисус Юмын Кугыжанышлан кӧра ышта. (Исайя 11:4 лудын лекса.)
2. Мландыште Юмын эрыкше шукталтмеке, илыш могай лиеш?
Юмын Кугыжанышын вуйлатымыж годым «Юмылан йӧрышӧ-шамычлан мланде пуалтеш, да тушан нуно курым-курымлан вераҥыт» (Псалом 36:29). Шоналтыза гына, могай тӱня лиеш, кушто сай да поро еҥ-влак икте-весым да Иеговам йӧратен илаш тӱҥалыт! Чылан таза лийыт, да илышышт курымеш лиеш.
3. Осал еҥ-влакым пытарыме деч вара Юмын Кугыжаныш мом ышта?
Осал еҥ-влакым пытарыме деч вара Иисус эше тӱжем ий Кугыжа семын вуйлаташ тӱҥалеш. Ту жапыште тудо да тудын дене пырля 144 000 вуйлатыше уло айдеме тукымлан язык деч тӱрыснек утлаш полшат. Тӱжем ий мучаште уло мланде мотор райыш савырна. Еҥ-влак Иегован законжо-влак почеш илаш тӱҥалыт, сандене пиалан лийыт. Тунам Иисус властьшым Иегова Ачажлан пӧртылта. Иегован лӱмжӧ нигунамсе деч чапландарыме лиеш! (Матфейын 6:9, 10). Чыла тиде теве мом пеҥгыдемда: Иегова — сай вуйлатыше, да тудым колыштшо еҥ-влак верч тудо тырша. Вара Иегова Сатана ден демон-влакым да нунын могырыш чыла шогалше-влакым пытара (Почмаш 20:7—10). Юмын Кугыжанышлан кӧра мландыште чапле условий-влак курымеш лийыт.
КЕЛГЫНРАК ШЫМЛЕН НАЛЗА
Юмо Кугыжанышыжлан кӧра Библийыште возымо чыла сӧрымашыж-влакым шукта манын, доказательстве-влакым ончен лекса.
4. Юмын Кугыжаныш еҥ-влакын вуйлатымыштлан мучашым пышта
Библийыште возымо дене келшышын, «айдемын вес айдеме дене озаланымыже эҥгекым конда» (Экклезиаст 8:9). Иегова Кугыжанышыжлан кӧра чыла эҥгекым да чын огыл ыштымым кораҥда.
Даниил 2:44 да 2 Фессалоникысе-влаклан 1:6—8 лудын лекса да вашмутым пуыза:
-
Иегова ден Иисус Эргыже айдеме правительстве-влак дене да нунын могырыштышт шогышо еҥ-влак дене мом ыштат?
-
Иегова ден Иисус ончыкыжымат чын ышташ тӱҥалыт. Тыланда тидлан ӱшанашлан нунын нерген пален налмыда кузе полша?
5. Иисус — эн сай вуйлатыше
Иисус, Юмын Кугыжанышын Кугыжаже, еҥ-влакын кумылышт ден кӱлешлыкыштым шотыш налын вуйлаташ тӱҥалеш. Тиде ВИДЕОРОЛИК гыч те пален налыда: еҥ-влаклан полшашлан Иисусын кумылжат, вийжат уло.
Мландыште чудо-влакым ыштымыж дене Иисус ончыктен, мом тудо ышта, кунам Юмын Кугыжанышын Кугыжаже лиеш. Ӱлнӧ возымо сӧрымаш-влак гыч кудыжым те чотрак вучеда? Тыште чыла кондымо библийысе почеламутым лудын лекса.
|
МЛАНДЫШТЕ ИИСУС: |
КАВА ГЫЧ ИИСУС: |
|---|---|
|
|
|
|
|
|
|
|
6. Юмын Кугыжаныш еҥ-влаклан пиалан илышым пӧлекла
Юмын Кугыжаныш еҥ-влаклан тыгай илышым пӧлекла, кудыжым Иегова ончылгочак шонен пыштен. Нуно рай мландыште курымеш илаш тӱҥалыт. ВИДЕОРОЛИКЫМ ончалза да пален налза, кузе Иегова Иисус гоч чыла шке сӧрымашыжым шукта.
Псалом 144:16 лудын лекса да вашмутым пуыза:
-
Иегова «чыла илыше-влакын кумылыштым» шукта манын пален налмеке, могай шижмашда лектеш?
ИКТАЖ-КӦ КАЛАСЕН КЕРТЕШ: «Еҥ-влак иктеш ушнат гын, чыла тӱнямбалысе проблеме-влакым сеҥен кертыт».
-
Могай проблеме-влакым айдеме правительстве-влак нигунамат сеҥен огыт керт, да молан тидым Юмын Кугыжаныш гына ыштен кертеш?
ТӰҤ ШОНЫМАШ
Юмын Кугыжаныш Иегован шонен пыштымыжым шукта. Тудын вуйлатымыж годым уло мланде райыш савырна. Тушто сай еҥ-влак гына лийыт. Нуно Иеговалан курымеш кумалаш тӱҥалыт.
Ушештарымаш
-
Кузе Юмын Кугыжанышлан кӧра Иегован лӱмжӧ чапландарыме лиеш?
-
Юмын Кугыжаныш Библийыште возымо чыла сӧрымашым шукта манын, молан ӱшанаш лиеш?
-
Могай библийысе сӧрымашын шукталтмыжым те чот вучеда?
ЕШАРТЫШЛАН
Пален налза, мо тыгай Армагеддон.
Христосын тӱжем ий вуйлатымыж годым да вуйлатымашын мучашыштыже мо лиеш, пален налза.
Ончалза, кузе йоча ден кугурак-влак сылне ончыкылык нерген шонкален кертыт.
«Мыйым шуко йодыш тургыжландарен» статья гыч те пален налыда, кузе ик политический преступник Библийым лудаш тӱҥалме деч вара вашталтын.
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
