SAK 33
Bõe la Rĩungã na n wa maane?
Wẽnnaam Rĩungã rĩm zoe n dɩta naam. Ka la bilfu, a na n toeema bũmb wʋsg tẽngã zugu. Bɩ d gom bõn-sõma kẽer Rĩungã sẽn na n wa maan yelle.
1. Bõe la Wẽnnaam Rĩungã na n maan tɩ laafɩ la tɩrlem zĩnd tẽngã zugu?
A Zeezi sẽn yaa Wẽnnaam Rĩungã rĩmã na n sãama nin-wẽnsã la goosneema-rãmba, Armagedõ zabrã sasa. (Vẽnegre 16:14, 16) Ad bũmb b sẽn pʋlem Biiblã pʋgẽ tɩ na n pids zãng wakat kãnga: “Keta bilf bala, tɩ nin-wẽng ka leb n zĩnd ye.” (Yɩɩn-sõamyã 37:10) Ne Rĩungã maasem, a Zeezi na n kɩtame tɩ laafɩ la tɩrlem zĩnd tẽngã gill zugu.—Karm-y Ezayi 11:4.
2. Wẽnnaam raabã sã n wa maand tẽngã zugu, vɩɩmã na n yɩɩ wãn-wãna?
Wẽnnaam Rĩungã rĩm naam sasa, “nin-tɩrsã n na n soog tẽngã, la b na n paa beenẽ wakat sẽn kõn sa.” (Yɩɩn-sõamyã 37:29) Mams-y y yamẽ y sẽn na n vɩ dũni pʋgẽ, tɩ nebã fãa maand sẽn yaa tɩrga, n nong a Zeova la b nong taaba! Ned baa a ye pa na n lʋɩ bãag ye. Nebã fãa na n vɩɩmda wakat sẽn kõn sa.
3. Bõe la Wẽnnaam Rĩungã na n maan nin-wẽnsã sãoong poore?
Nin-wẽnsã sãoong poore, a Zeezi sẽn yaa rĩmã na n dɩɩ naam yʋʋm 1000. Sasa kãnga, a Zeezi ne neb 144 000 sẽn yaa a na-rɩt-n-taasã na n sõnga ninsaalbã sẽn be tẽngã zugã tɩ b lebg neb sẽn zems zãnga, la sẽn pa maand yel-wẽna. Yʋʋm 1 000 saabẽ, tẽngã gill na n lebga arzãna. Nebã fãa na n tara sũ-noogo, b sẽn tũud a Zeova noyã yĩnga. Rẽ poore, a Zeezi na n lebsa a Ba a Zeova naamã. Rẽ, a Zeova yʋʋrã na n paama waoogr n yɩɩd pĩnda. (Matiye 6:9, 10) Na n yɩɩ vẽeneg t’a Zeova yaa na-sõng sẽn get a nin-buiidã yell neere. Rẽ poore, a Zeova na n sãama a Sʋɩtãan ne zĩn-dãmbã, la neb nins fãa sẽn yãk yam n kɩɩsd a naamã. (Vẽnegre 20:7-10) Wẽnnaam Rĩungã sẽn na n wa ne bõn-sõma ninsã na n kaoosa wakat sẽn kõn sa.
D BAO N BÃNG N PAASE
D ges bũmb ning sẽn kɩt tɩ d tõe n kɩs sɩd tɩ ne Rĩungã maasem, Wẽnnaam na n pidsa bũmb nins fãa b sẽn pʋlem Biiblã pʋgẽ tõnd beoog-daarã wɛɛngẽ wã.
4. Wẽnnaam Rĩungã na n sãama ninsaalbã goosneema-rãmbã
“Ninsaal tõe a to n maand-a wẽnga.” (Koɛɛg soaba 8:9) Ne a Rĩungã maasem, a Zeova na n kɩtame tɩ zãmbã la wẽgbã sa.
Karm-y Dãniyɛll 2:44 la 2 Tesalonik rãmb 1:6-8, tɩ rẽ poor bɩ y leok sogsgã:
-
Bõe la a Zeova ne a Bi-ribl a Zeezi na n wa maan ninsaalbã goosneema-rãmbã, la neb nins sẽn teend-ba?
-
Wãn to la bũmb nins y sẽn bãng a Zeova ne a Zeezi zugã kɩt tɩ y maneg n kɩs sɩd tɩ b sẽn na n maanã yaa tɩrga, la zemse?
5. A Zeezi yaa rĩm sẽn ka to
A Zeezi sẽn yaa Wẽnnaam Rĩungã rĩmã, a na n maana bũmb wʋsg sẽn na n naf Rĩungã poorẽ dãmbã sẽn be tẽngã zugã. Ges-y VIDEO wã, tɩ y na n bãnga a Zeezi sẽn zoe n wilg to-to t’a ratame n sõng ninsaalbã, la tɩ Wẽnnaam kõ-a-la tõog t’a tõe n maan rẽ.
Bũmb nins a Zeezi sẽn maan a sẽn wa n be tẽngã zugã wilgda Rĩungã sẽn na n wa maanã. Bõn-sõma nins b sẽn sõdg tẽngrã sʋka, bʋs la yãmb gũud n tɩ yɩɩda? Karm-y vɛrse nins b sẽn sõdgã, sẽn na yɩl n bãng n paase.
A ZEEZI SẼN WA N BE TẼNGÃ ZUGÃ, . . . |
A ZEEZI NA N ZĨNDA SAASẼ, . . . |
---|---|
|
|
|
|
|
|
|
|
6. Wẽnnaam Rĩungã na n kɩtame tɩ d beoog vɩɩmã yɩ neere
Rĩungã na n kɩtame tɩ ninsaalbã paam vɩ-noog ning a Zeova sẽn da sɩng n dat tɩ b paamã. B na n wa vɩɩmda wakat sẽn kõn sa arzãn pʋgẽ, tẽngã zugu. Ges-y VIDEO wã, n bãng a Zeova sẽn tũnugd ne a Bi-ribl a Zeezi to-to, n pidsd a raabã.
Karm-y Yɩɩn-sõamyã 145:16, tɩ rẽ poor bɩ y leok sokrã:
-
Yãmb sẽn mi t’a Zeova na n gesame ‘tɩ sẽn vɩ-bã fãa paamd b sẽn dat tɩ sekã,’ y tagsg yaa wãna?
NEB KẼER SẼN YETE: “D fãa sã n naag taab n tʋme, d tõogd n welga dũniyã zu-loeese.”
-
Zu-loe-bʋs ninsaalbã goosneema-rãmb sẽn pa tõe n welg la Wẽnnaam Rĩungã na n welge?
KƲMSGO
Wẽnnaam Rĩungã na n pidsa bũmb nins Wẽnnaam sẽn dat t’a maanã. A na n kɩtame tɩ tẽngã gill lebg arzãna, n pid ne nin-sõma sẽn na n waoog a Zeova wakat sẽn kõn sa yĩnga.
Lebg-n-gese
-
Wãn to la Wẽnnaam Rĩungã na n kɩt t’a Zeova yʋʋrã paam waoogre?
-
Bõe yĩng tɩ d tõe n kɩs sɩd tɩ Wẽnnaam Rĩungã na n pidsa bũmb nins fãa b sẽn pʋlem Biiblã pʋgẽ wã?
-
Bõn-sõma nins Rĩungã sẽn na n wa maanã sʋka, bʋg la yãmb gũud n tɩ yɩɩda?
BŨMB A TAABA
Armagedõ rat n yeelame tɩ bõe?
Bũmb nins sẽn na n maan a Zeezi naamã sẽn na n kaoos yʋʋm tusrã sasa, la rẽ poore.
“Bõe n na n maan bʋ-kaoorã daare?” (Yʋʋmd 2012 bõn-bɩʋʋng kiuug pipi daar Gũusg Gasgã)
Zak rãmb sẽn tõe n naag taab n bʋgs bõn-sõma nins Rĩungã sẽn na n wa ne wã zug to-to.
Rao a ye sẽn da kẽesd a meng politikã yɛlẽ kibare. A togsda a sẽn paam a sogsg kẽer leoor to-to. A kibarã gom-zug yaa: “Sogsg wʋsg n da namsd maam.”
“Biiblã toeemda neba” (Yʋʋmd 2012 yʋʋm-vẽkr kiuug pipi daar Gũusg Gasgã)