CIJIJO 33
Umambo hwa Mwari Hunozoitenyi?
Umambo hwa Mwari huri kutonga mugore. Ngo kukasika iwona unozocinja mugariro wo nyika ino. Ngatende tivone zviro zvimweni zvakanaka zvinozoithwa ngo Umambo uhu.
1. Umambo hwa Mwari hunozoitenyi kuti panyika pave no runyararo no ururami?
Jesu, Mambo wo Umambo hwa Mwari, anozopeja vandhu vakashata no utongi hwo vandhu pa hondo yo Armagedhoni. (Apokaripsi 16:14, 16) Pa zvinozoitika izvi, cigondiso co Bhaibheri cokuti: “Garirai padoko: akuzovibze no muxati” cinozokwanirisika. (Nduyo 37:10) Jesu ecishandisa Umambo hwa Mwari, iyena anozoviisa runyararo no ururami munyika yese.—Verenganyi Isaia 11:4.
2. Upenyu unozova wakadini kudari kuda ka Mwari kukazoitika panyika?
Amborangariranyi basi kurarama mu nyika yokuti vandhu vese vakarurama, vakanaka, vanoda Jehovha no kudisana ngo cavo. Ngo kudaro mu Umambo hwa Mwari, “varurami vanozoita veno vo nyika, vanozogaremo mbhera narini.” (Nduyo 37:29) Akucinazve na umwe anozonanga kuti ndiri kuhwaja. Vandhu vese vanozopona kwenda no kwenda.
3. Umambo hwa Mwari hunozoitenyi kudari vakashata vakapera kuparajwa?
Pasure po kuparajwa ko vandhu vakashata, Jesu anozotonga ko makore anokwana kuita ciuru [1.000]. Pamukuvo wondhowo, Jesu no vo 144.000 vaanozotonga navo vanozobesera vandhu panyika kuti vave vakakwana. Pakupera ko ciuru co makore, nyika yese inozova paradhiso yakaseja. Vandhu vese vanozova vakadakara ngo kuti vanonga vecizwira mutemo ja Jehovha. Jesu anozohwirija Umambo kuna Baba wake, Jehovha. ‘Zina ra Jehovha rinozoceneswa’ kupinda zvarakamboithwa kare. (Mateu 6:9, 10) Munozova no cokwadi cokuti Jehovha ndiyena Mutongi wakanaka anoneseka ngo vandhu. Jehovha anozoparaja Sathana, madhimoni no vandhu vese vanosana kupandukira utongi Hwake. (Apokaripsi 20:7-10) Zvakanaka zvese zvinozoithwa ngo Umambo hwa Mwari, kubatanija no kuva no upenyu hwakakwana, zvinozova zvo kwenda no kwenda.
NASANYI KUPSAKISISA
Vonanyi kuti ngenyi tingathemba kuti Mwari anozoshandisa Umambo hwake kuti akwanirise zvigondiso zvo Bhaibheri kuitira kumbeji.
4. Umambo hwa Mwari hunozopeja utongi hwo vandhu
Bhaibheri rinoti: “Varipo vandhu vanotonga panyezuru po vamweni, kuti vavaxuphe.” (Mucumaeri 8:9) Jehovha anozoshandisa Umambo hwake kuti apeje kutama kururama kwese.
Verenganyi Danieli 2:44 na 2 Vatesaronika 1:6-8, perapo bhuisananyi ngo muvhunjo jinotevera:
-
Jehovha na Jesu vanozoitenyi ku utongi hwo vandhu na vaya vanoubesera?
-
Mecirangarira zvese zvamakajija ngo pamusoro pa Jehovha na Jesu, ngenyi mungava no cokwadi cokuti kutonga kwake kunozova kwakarurama?
5. Jesu ndi Mambo wakanaka
Ngo kuva kwake Mambo wo Umambo hwa Mwari, Jesu anozoita zviro zvakawanda zvakanaka kuti abesere vandhu panyika. Rijanyi VHIDHIYO inovonesa kuti Jesu anoda kubesera vandhu. Perapo Mwari wakamupekeja simba kuti azviite.
Zviro zvakaithwa ndi Jesu paainga ari pasi pano, imuezaniso wo zviro zvaanozoita inga Mambo wo Umambo hwa Mwari. Zviro zvapi zvakandandaniswa pasi apa zvamunoda kuti zviitike ngo kukasika? Verenganyi mavhesi o Bhaibheri anobhuya ngo pamusoro po makomborero aya.
|
JESU PAAINGA ARI PASI PANO . . . |
JESU NAARI KUDENGA . . . |
|---|---|
|
|
|
|
|
|
|
|
6. Umambo hwa Mwari hunozoviisa kumbeji kunoshamaisa
Umambo hwa Mwari hunozopekeja vandhu upenyu hunoshamaisa, uwo waindoda Jehovha kwavari. Vandhu vanozopona muparadhiso pasi pano kwenda no kwenda. Rijanyi VHIDHIYO kuti muvone manera Jehovha aanozoita kuda kwake pasi pano, ecishandisa Jesu.
Verenganyi Nduyo 145:16, perapo bhuisananyi ngo muvhunjo unotevera:
-
Munozwa kudini ngo kuziva kuti Jehovha anozogutisa zvido zvese zvo zviro zvinopona?
VANDHU VAMWENI VANOTI: “Kudari mundhu akaita divi rake, tingakwanisa kupeja zvineso zvo nyika.”
-
Zvineso zvapi zvinozopejwa ngo Umambo hwa Mwari zvicikakwanisiki kupejwa ngo utongi hwo vandhu?
ZVOTAJIJA
Umambo hwa Mwari hunozokwanirisa cidisiso cake. Unozocinja nyika kuti ive paradhiso yakazara ngo vandhu vanoita zvakanaka no kunamata Jehovha kwenda no kwenda.
Kuhwirijira
-
Ngo zvapi zvinozoithwa ngo Umambo hwa Mwari kuti ucenese zina ra Jehovha?
-
Ngenyi tingatenda kuti Umambo hwa Mwari unozokwanirisa zvese zvakagondeswa ngo Bhaibheri?
-
Pa zvese zvakanaka zvinozoithwa ngo Umambo, ngo zvapi zvamaidakarira maningi kuti zviitike?
ZIVANYI ZVIMWENI
Pfumburanyi kuti icinyi cinodanijwa kuti Armagedhoni.
Verenganyi ngo pamusoro po zvinozoitika mukati mo ciuru co makore okutonga ka Jesu. Verenganyizve ngo zvinozoitika pasure po kutonga kwake.
“Chii Chichaitika paZuva Rokutongwa?” (Murindiri, No. 1 wa Setembro wo 2012, Cishona)
Mbhuri iri kurangarira iri muparadhiso no kurangarira ngo makomborero anozoveyo.
Verenganyi pa musoro unoti “Ndaiva Nemibvunzo Yakawanda Yaindinetsa,” kuti muzwe ngo mwamarume umweni waipandukira utongi, wakazoziva njira inozopejwa ndiyona matambujiko.
“Bhaibheri Rinochinja Upenyu” (Murindiri, No. 1 wa Janeiro wo 2012, Cishona)
